„საქართველოს სივრცის დაგეგმარების გეგმის „საქართველო 2030-ის“ შემუშავების სამთავრობო კომისიის შექმნის შესახებ“ საქართველოს მთავრობის 2015 წლის 9 მარტის №89 დადგენილებაში ცვლილების შეტანის თაობაზე

1. მე-5 მუხლის:

ა) მე-2 პუნქტს დაემატოს შემდეგი შინაარსის „ე“ და „ვ“  ქვეპუნქტები:

„ე) ამ დებულებით განსაზღვრული მიზნებისა და ამოცანების შესრულების ხელშეწყობის მიზნით, საჭიროების შემთხვევაში, ამ დებულების მე-6 მუხლის ფარგლებში, კომისიის სახელით,  თემატური/დარგობრივი სამუშაო ჯგუფ(ებ)ის შექმნას;

ვ) ამ პუნქტის „ე“ ქვეპუნქტით გათვალისწინებული სამუშაო ჯგუფ(ებ)ის ფუნქციებისა და მათი ხელმძღვანელ(ებ)ის განსაზღვრას.“;

ბ)  მე-2 პუნქტის შემდგომ დაემატოს შემდეგი შინაარსის მე-3 პუნქტი:

„3. სამდივნო უფლებამოსილია, დამოუკიდებლად ან/და ამ მუხლის მე-2 პუნქტის „ე“ ქვეპუნქტით განსაზღვრული სამუშაო ჯგუფ(ებ)ის მეშვეობით, კომისიის სახელით, განახორციელოს ამ დებულების მე-3 მუხლის „გ“ ქვეპუნქტით განსაზღვრული ფუნქციის შესრულება.“.

2.  მე-6 მუხლი ჩამოყალიბდეს შემდეგი რედაქციით:

„მუხლი 6. კომისიის  სამუშაო ჯგუფი

დასახული მიზნებისა და დაკისრებული ამოცანების შესასრულებლად, კომისია ან კომისიის სამდივნო უფლებამოსილია, შექმნას სამუშაო ჯგუფი შესაბამისი სამინისტროების, სახელმწიფო უწყებების, ორგანიზაციებისა და დამოუკიდებელი ექსპერტების მონაწილეობით.“.