„საგადახდო მომსახურების შესახებ ანგარიშგების ფორმებისა და მისი შევსების ინსტრუქციის დამტკიცების თაობაზე“ საქართველოს ეროვნული ბანკის პრეზიდენტის 2017 წლის 4 ივლისის №99/04 ბრძანებაში ცვლილების შეტანის შესახებ

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტისა და „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ:

1. მე-2 მუხლის პირველი პუნქტის:

ა) „ო“ ქვეპუნქტი ჩამოყალიბდეს შემდეგი რედაქციით:

„ო) რეზიდენტი პროვაიდერი – ეროვნული ბანკის მიერ ლიცენზირებული ბანკი, ეროვნული ბანკში რეგისტრირებული საგადახდო მომსახურების პროვაიდერი, ასევე ეროვნულ ბანკში რეგისტრირებული მიკროსაფინანსო ორგანიზაცია, თუ ის ახორციელებს საგადახდო მომსახურებას;“;

ბ) „პ“ ქვეპუნქტის შემდეგ დაემატოს შემდეგი შინაარსის „ჟ“ ქვეპუნქტი:

„ჟ) ბანკი - კომერციული ბანკი და მიკრო ბანკი.“.

2. მე-3 მუხლის მე-5 პუნქტი ჩამოყალიბდეს შემდეგი რედაქციით:

„5. ყოველი თვის 5 და 15 რიცხვამდე წარსადგენი ანგარიშგების შევსებისას ახალი ვალუტის გამოყენების შემთხვევაში, პროვაიდერი ვალდებულია 5 კალენდარული დღით ადრე დაუკავშირდეს საქართველოს ეროვნული ბანკის საგადახდო სისტემების დეპარტამენტის პასუხისმგებელ ზედამხედველს და გამოაგზავნოს შეტყობინება ელექტრონულ ფოსტაზე psps@nbg.gov.ge.“.