“იძულებით გადაადგილებული პირის – დევნილის ყოველწლიური რეგისტრაციის (მოწმობის გაცემის) წესის დამტკიცების შესახებ” საქართველოს ლტოლვილთა და განსახლების მინისტრის 2002 წლის 24 სექტემბრის №17 ბრძანებაში (სსმ №100, 2002წ. მუხ. 876) ცვლილებისა და დამატების შეტანის თაობაზე”

სახელმწიფო სარეგისტრაციო კოდი 010.170.000.11.108.006.592

საქართველოს ლტოლვილთა და განსახლების მინისტრის

 ბრძანება №267

2004 წლის 19 ივლისი

ქ. თბილისი

,,იძულებით გადაადგილებული პირის – დევნილის ყოველწლიური რეგისტრაციის (მოწმობის გაცემის) წესის დამტკიცების შესახებ” საქართველოს ლტოლვილთა და განსახლების მინისტრის 2002 წლის 24 სექტემბრის №17 ბრძანებაში (სსმ III, №100, 2002 წ., მუხ. 876) ცვლილებისა და დამატების შეტანის თაობაზე

,,ნორმატიული აქტების შესახებ” საქართველოს კანონის 36-ე მუხლის პირველი პუნქტის შესაბამისად, ვბრძანებ:

1. ,,იძულებით გადაადგილებული პირის – დევნილის ყოველწლიური რეგისტრაციის (მოწმობის გაცემის) წესის დამტკიცების შესახებ” საქართველოს ლტოლვილთა და განსახლების მინისტრის 2002 წლის 24 სექტემბრის №17 ბრძანებაში (სსმ III, 2002 წ., №100, მუხლი 876) შეტანილ იქნეს შემდეგი ცვლილება და დამატება:

1. ბრძანების 21-ე პუნქტიდან ამოღებულ იქნეს ბოლო წინადადება „ამ კატეგორიის დევნილი ყოველგვარ სახელმწიფო დახმარებას მიიღებს დამატებითი რეგისტრაციის გავლისა და ახალი ნიმუშის მოწმობის აღების შემდეგ” და ამავე პუნქტს დაემატოს შემდეგი შინაარსის წინადადება „ამ კატეგორიის დევნილი (მათ შორის დევნილი, რომელიც დროებით გასულია საქართველოს საზღვრებს გარეთ ან იმყოფება ისეთ ტერიტორიაზე, სადაც დროებით არ ვრცელდება საქართველოს იურისდიქცია) ფულად შემწეობას მიიღებს დადგენილი წესით, დევნილთა ყოველწლიური რეგისტრაციის კამპანიის დასრულების დღიდან”.

შესაბამისად, ბრძანების 21-ე პუნქტი ჩამოყალიბდეს შემდეგი რედაქციით: ,,დევნილთათვის, რომლებიც საქართველოს ლტოლვილთა და განსახლების სამინისტროსაგან დამოუკიდებელი მიზეზებით წინასწარ გამოცხადებულ ვადებში არ გამოცვლიან დევნილის მოწმობას, მოწმობის გამოცვლა იწარმოებს საქართველოს ლტოლვილთა და განსახლების სამინისტროს რეგიონალურ სამმართველოებში სამინისტროს დადებითი დასკვნის არსებობის შემთხვევაში, ხოლო, სადაც ისინი არ არსებობენ – საქართველოს ლტოლვილთა და განსახლების სამინისტროში ყოველი თვის დასაწყისში, პირველიდან ხუთ რიცხვამდე. ამ კატეგორიის დევნილი (მათ შორის დევნილი, რომელიც დროებით გასულია საქართველოს საზღვრებს გარეთ ან იმყოფება ისეთ ტერიტორიაზე, სადაც დროებით არ ვრცელდება საქართველოს იურისდიქცია) ფულად შემწეობას მიიღებს დადგენილი წესით, დევნილთა ყოველწლიური რეგისტრაციის კამპანიის დასრულების დღიდან.

2. ეს ბრძანება ამოქმედდეს გამოქვეყნებისთანავე.

ე. ასტემიროვა