„სსიპ – საქართველოს შინაგან საქმეთა სამინისტროს მომსახურების სააგენტოს მიერ გირავნობის რეგისტრაციის, ნასამართლობის შესახებ ცნობისა და მექანიკური სატრანსპორტო საშუალების სამართლებრივი მდგომარეობის შესახებ ცნობის გაცემის წესის დამტკიცების შესახებ“ საქართველოს შინაგან საქმეთა მინისტრის 2007 წლის 25 ივნისის №892 ბრძანებაში ცვლილების შეტანის თაობაზე

1. 21⁹ მუხლის „ე.ა“ ქვეპუნქტის შემდეგ დაემატოს შემდეგი შინაარსის „ე.ა¹“ ქვეპუნქტი:

„ე.ა¹) ვიდეოფირზე ან/და ფოტოფირზე დაფიქსირებული ადმინისტრაციული სამართალდარღვევის ფაქტის ამსახველი ვიდეოჩანაწერი ან/და ფოტოსურათი.“.

2. 21¹⁰ მუხლის 7¹ პუნქტი ჩამოყალიბდეს შემდეგი რედაქციით:

„7¹. ამ წესის 21⁹ მუხლის „ე.ა“, „ე.ა¹“ და „ე.გ“–„ე.თ“ ქვეპუნქტებით გათვალისწინებული მონაცემის მოთხოვნის მიზნებისთვის ამ მუხლის მე-4 პუნქტის „გ“ ქვეპუნქტით განსაზღვრულ დოკუმენტს წარმოადგენს ამ წესის 21⁸ მუხლის პირველი პუნქტით განსაზღვრული მომსახურების გაწევის შესახებ ავტორიზებული საწარმოს მოთხოვნა, რომელშიც დოკუმენტბრუნვის სისტემის სათანადო ველში მითითებულია მხოლოდ შესაბამისი სატრანსპორტო საშუალების რეგისტრაციის მოწმობის უნიკალური ნომერი ან/და რეგისტრაციის ნომერი (სახელმწიფო სანომრე ნიშანი), ან მხოლოდ საჯარიმო ქვითრის ნომერი, თუ ავტორიზაციის ხელშეკრულებით სხვა რამ არ არის გათვალისწინებული.“.