“შინაგან საქმეთა სამინისტროს ტანამდებობათა ნომენკლატურის შესახებ” საქართველოს შინაგან საქმეთა მინისტრის 2002 წლის 18 მარტის №153 ბრძანებაში ცვლილებების შეტანის თაობაზე”

სახელმწიფო სარეგისტრაციო კოდი 140.030.000.11.118.006.566

საქართველოს შინაგან საქმეთა მინისტრის

ბრძანება №367

2004 წლის 12 ივლისი

ქ. თბილისი

„შინაგან საქმეთა სამინისტროს  თანამდებობათა ნომენკლატურის შესახებ“ საქართველოს შინაგან საქმეთა მინისტრის 2002 წლის 18 მარტის №153 ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის მოთხოვნათა შესაბამისად, ვბრძანებ:

მუხლი 1. „შინაგან საქმეთა სამინისტროს თანამდებობათა ნომენკლატურის შესახებ“ საქართველოს შინაგან საქმეთა მინისტრის 2002 წლის 18 მარტის №153 ბრძანებაში (სსმ III, 2002 წ., №35, მუხ. 316) შეტანილ იქნეს შემდეგი ცვლილებები.

1. ბრძანების მე-9 პუნქტი ჩამოყალიბდეს შემდეგი რედაქციით:

„9. ქ. თბილისის შს მთავარი სამმართველოს უფროსს მიეცეს უფლება:

ა) დანიშნოს, გადაადგილოს, გაათავისუფლოს, მიავლინოს და დაითხოვოს რიგითი შემადგენლობა;

ბ) მიანიჭოს რიგითი შემადგენლობის პირებს პირველადი და მორიგი სახელმწიფო სპეციალური წოდება „პოლიციის ზემდეგის“ სახელმწიფო სპეციალური წოდების ჩათვლით.“.

2. ბრძანებით დამტკიცებულ „საქართველოს შინაგან საქმეთა სამინისტროს ნომენკლატურულ თანამდებობათა ნუსხის“ (დანართი №1):

ა) მე-4 პუნქტის „ე” ქვეპუნქტი ამოღებულ იქნეს;

ბ) მე-5 პუნქტის „ვ” ქვეპუნქტი ჩამოყალიბდეს შემდეგი რედაქციით:

„ვ) ქ. თბილისის შს მთავარ სამმართველოში – ოფიცერთა შემადგენლობა;“;

გ) მე-6 პუნქტის „ა” ქვეპუნქტი ამოღებულ იქნეს.

მუხლი 2. ეს ბრძანება ამოქმედდეს გამოქვეყნებისთანავე.

მუხლი 3. ბრძანება დაიგზავნოს დანიშნულებისამებრ.

მინისტრის მოვალეობის შემსრულებელი                                                        გ. გეწაძე