„საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე

1. 31-ე მუხლს დაემატოს შემდეგი შინაარსის 1¹ პუნქტი:

„1¹. სამინისტროს მოსამსახურე, სამსახურებრივი უფლებამოსილების განსახორციელებლად (მათ შორის, საგანმანათლებლო პროგრამაში, კონფერენციასა და სემინარში მონაწილეობის მისაღებად) შესაძლებელია გაგზავნილ იქნეს სამსახურებრივი მივლინებით როგორც ქვეყნის შიგნით, ისე მისი ფარგლების გარეთ.“.

2. 63-ე მუხლის:

ა) მე-4 პუნქტი ჩამოყალიბდეს შემდეგი რედაქციით:

„4. პროფესიული განვითარებისა და კვალიფიკაციის ამაღლების ხელშეწყობის მიზნით, სამინისტროს მოსამსახურეს 5 წელიწადში ერთხელ შეიძლება მიეცეს სასწავლო შვებულება თანამდებობრივი სარგოს შენარჩუნებით შემდეგი პირობებით:

ა) პირადი ინიციატივის შემთხვევაში 3 თვემდე ვადით;

ბ) სამინისტროს შეთავაზებითა და დანაყოფის ხელმძღვანელის თანხმობით 1 წლამდე ვადით, თუ კვალიფიკაციის ამაღლება უკავშირდება მოსამსახურის ფუნქცია-მოვალეობებს.“;

ბ) მე-4 პუნქტის შემდეგ დაემატოს შემდეგი შინაარსის 4¹ პუნქტი:

„4¹. ამ მუხლის მე-4 პუნქტის „ბ“ ქვეპუნქტით გათვალისწინებულ შემთხვევაში მოსამსახურესთან ფორმდება ამ წესის 9² მუხლით გათვალისწინებული შეთანხმება.“.