დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ზუგდიდის მუნიციპალიტეტის საკრებულოს წევრების (გარდა თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ“ ზუგდიდის მუნიციპალიტეტის საკრებულოს 2022 წლის 8 ივლისის №26 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 26 |
| დოკუმენტის მიმღები | ზუგდიდის მუნიციპალიტეტი |
| მიღების თარიღი | 24/05/2023 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 25/05/2023 |
| სარეგისტრაციო კოდი | 190040000.35.105.016682 |
|
„ზუგდიდის მუნიციპალიტეტის საკრებულოს წევრების (გარდა თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ“ ზუგდიდის მუნიციპალიტეტის საკრებულოს 2022 წლის 8 ივლისის №26 დადგენილებაში ცვლილების შეტანის თაობაზე
|
საქართველოს ორგანული კანონის ,,ნორმატიული აქტების შესახებ“ მე-20 მუხლის მე-4 ნაწილის შესაბამისად, ზუგდიდის მუნიციპალიტეტის საკრებულო ადგენს: |
| მუხლი 1 |
„ზუგდიდის მუნიციპალიტეტის საკრებულოს წევრების (გარდა თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ“ ზუგდიდის მუნიციპალიტეტის საკრებულოს 2022 წლის 8 ივლისის №26 დადგენილების დანართში (www.matsne.gov.ge. 12/07/2022, სარეგისტრაციო კოდი: 190040000.35.105.016637) შეტანილ იქნეს ცვლილება, კერძოდ:
ა) მე-3 მუხლს დაემატოს შემდეგი შინაარსის 11 პუნქტი: „11. საკრებულოს საფინანსო საკითხთა განყოფილების უფროსი საკრებულოს წევრების (გარდა თანამდებობის პირებისა) მიერ საკრებულოს წევრობის საქმიანობასთან დაკავშირებით თვის განმავლობაში გაწეული ხარჯების დამადასტურებელი ფინანსური (პირველადი) დოკუმენტების (ანგარიშფაქტურა, ქვითრები, მიღება-ჩაბარება და სხვა) შემოწმების და ანალიზის შესახებ ინფორმაციას მოხსენებითი ბარათის სახით ყოველი თვის ბოლოს წარუდგენს საკრებულოს აპარატის უფროსს.“; ბ) მე-3 მუხლს დაემატოს შემდეგი შინაარსის 12 პუნქტი: „12. საკრებულოს საქმისწარმოების საკითხთა განყოფილების უფროსი საკრებულოს წევრების (გარდა თანამდებობის პირებისა) მიერ საკრებულოს წევრობის საქმიანობასთან დაკავშირებით თვის განმავლობაში მოსახლეობასთან შეხვედრის ამსახველი ოქმების, საკრებულოს და მისი ორგანოების (კომისიები, ფრაქცია) მუშაობაში მონაწილეობის მიღების თაობაზე ინფორმაციას მოხსენებითი ბარათის სახით ყოველი თვის ბოლოს წარუდგენს საკრებულოს აპარატის უფროსს.“; გ) მე-3 მუხლის მეორე პუნქტი ჩამოყალიბდეს შემდეგი რედაქციით: „2. საკრებულოს აპარატის უფროსი საკრებულოს აპარატის საფინანსო და საქმისწარმოების საკითხთა განყოფილების უფროსების მოხსენებითი ბარათებისა და საკრებულოს წევრის მიერ საკრებულოსა და მისი ორგანოების (კომისია, ფრაქცია) სხდომებზე დასწრების ფაქტობრივი მონაცემების საფუძველზე მომზადებულ მოხსენებით ბარათს წარუდგენს საკრებულოს თავმჯდომარეს, შესაბამის კომისიაზე განხილვის მიზნით ყოველი თვის ბოლოს. საკრებულოს წევრის ხარჯების ანაზღაურების საკითხი შეიტანება საკრებულოს მორიგი სხდომის ან/და გამონაკლის შემთხვევებში რიგგარეშე სხდომის დღის წესრიგში.“. |
| მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები