დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ავტომატური ფოტო - და ვიდეოტექნიკის ტექნიკური მახასიათებლებისა და მათი ექსპლუატაციის წესის, აგრეთვე იმ შენობა-ნაგებობათა ჩამონათვალის დამტკიცების შესახებ, რომელთა გარე პერიმეტრზე სავალდებულოა ავტომატური ფოტო- ან/და ვიდეოტექნიკის განთავსება/დამონტაჟება“ საქართველოს მთავრობის 2022 წლის 2 მარტის №101 დადგენილებაში ცვლილების შეტანის შესახებ | |
---|---|
დოკუმენტის ნომერი | 190 |
დოკუმენტის მიმღები | საქართველოს მთავრობა |
მიღების თარიღი | 22/05/2023 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 23/05/2023 |
სარეგისტრაციო კოდი | 140030000.10.003.024023 |
|
„ავტომატური ფოტო- და ვიდეოტექნიკის ტექნიკური მახასიათებლებისა და მათი ექსპლუატაციის წესის, აგრეთვე იმ შენობა-ნაგებობათა ჩამონათვალის დამტკიცების შესახებ, რომელთა გარე პერიმეტრზე სავალდებულოა ავტომატური ფოტო- ან/და ვიდეოტექნიკის განთავსება/დამონტაჟება“ საქართველოს მთავრობის 2022 წლის 2 მარტის №101 დადგენილებაში ცვლილების შეტანის შესახებ
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „ავტომატური ფოტო- და ვიდეოტექნიკის ტექნიკური მახასიათებლებისა და მათი ექსპლუატაციის წესის, აგრეთვე იმ შენობა-ნაგებობათა ჩამონათვალის დამტკიცების შესახებ, რომელთა გარე პერიმეტრზე სავალდებულოა ავტომატური ფოტო- ან/და ვიდეოტექნიკის განთავსება/დამონტაჟება“ საქართველოს მთავრობის 2022 წლის 2 მარტის №101 დადგენილებაში (www.matsne.gov.ge, 07/03/2022, 140030000.10.003.023309) შეტანილ იქნეს ცვლილება და დადგენილების:
1. მე-2 მუხლი ჩამოყალიბდეს შემდეგი რედაქციით: „მუხლი 2. ამ დადგენილებით განსაზღვრული ობიექტი ვალდებულია, 2024 წლის 1 იანვრამდე უზრუნველყოს ფოტო-ვიდეოტექნიკის განთავსება/დამონტაჟება და ამ დადგენილებით დამტკიცებულ მოთხოვნებთან შესაბამისობა.“. 2. პირველი მუხლით დამტკიცებული წესის: ა) მე-4 მუხლის: ა.ა) პირველი პუნქტი ჩამოყალიბდეს შემდეგი რედაქციით: „1. პირი, რომელიც ახორციელებს ამ მუხლის მე-2 პუნქტით გათვალისწინებული ეკონომიკური საქმიანობიდან ერთ-ერთს მაინც და აღნიშნული საქმიანობის დამატებითი ღირებულების გადასახადით (შემდგომში – დღგ) დასაბეგრი ბრუნვა ნებისმიერი წინა უწყვეტი 12 კალენდარული თვის განმავლობაში აღემატება 500 000 (ხუთასი ათასი) ლარს, ვალდებულია, მის საკუთრებაში ან/და მართლზომიერ მფლობელობაში არსებულ ყველა იმ შენობა-ნაგებობაზე განათავსოს/დაამონტაჟოს ვიდეომეთვალყურეობის სისტემა, სადაც ხორციელდება აღნიშნული საქმიანობა.“; ა.ბ) მე-4 პუნქტის „კ“ ქვეპუნქტი ჩამოყალიბდეს შემდეგი რედაქციით: „კ) სხვა ობიექტი, რომლის სალიცენზიო, სანებართვო, სარეგისტრაციო ან ავტორიზაციის პირობაც საქართველოს კანონმდებლობის შესაბამისად ითვალისწინებს ვიდეომეთვალყურეობის სისტემის ქონის ვალდებულებას, ამ წესით დადგენილი მოთხოვნების შესაბამისად.“; ბ) მე-6 მუხლის: ბ.ა) „ბ“ ქვეპუნქტი ჩამოყალიბდეს შემდეგი რედაქციით: „ბ) კამერის გარჩევადობა: არანაკლებ 3 მეგაპიქსელისა;“; ბ.ბ) „ე“ ქვეპუნქტი ჩამოყალიბდეს შემდეგი რედაქციით: „ე) ჩანაწერის გარჩევადობა: არანაკლებ 3 მეგაპიქსელისა, არანაკლებ 5 კადრისა წამში. დღე-ღამის რეჟიმში განხორციელებული ჩანაწერი უნდა იძლეოდეს ადამიანის (ობიექტის) ზუსტი იდენტიფიკაციის საშუალებას;“; გ) მე-7 მუხლის პირველი პუნქტი ჩამოყალიბდეს შემდეგი რედაქციით: „1. შენობა-ნაგებობის მთავარ და ინდივიდუალურ შესასვლელებთან, გარე პერიმეტრზე უნდა დამონტაჟდეს თითოეულზე არანაკლებ 2 (ორი) ვიდეოკამერისა, რომელიც შეესაბამება ამ წესის მე-6 მუხლით დადგენილ ტექნიკურ მახასიათებლებს. თუ შენობა-ნაგებობას აქვს სათადარიგო შესასვლელი, სავალდებულოა 1 (ერთი) ვიდეოკამერის დამონტაჟება თითოეულ სათადარიგო შესასვლელთან.“; დ) მე-8 მუხლის პირველი პუნქტი ჩამოყალიბდეს შემდეგი რედაქციით: „1. თუ ობიექტ(ებ)ის შენობა-ნაგებობებს აქვთ საერთო შესასვლელი ან თუ მათი შესასვლელები განლაგებულია გზის ერთსა და იმავე ნაწილზე/მონაკვეთზე ერთმანეთის გვერდით, არაუმეტეს 10 მეტრის დაშორებით, ურთიერთშეთანხმების საფუძველზე შესაძლებელია საერთო გარე ვიდეომეთვალყურეობის სისტემის დამონტაჟება.“; ე) მე-9 მუხლის მე-5 პუნქტი ჩამოყალიბდეს შემდეგი რედაქციით: „5. ობიექტმა უნდა უზრუნველყოს ვიდეომეთვალყურეობის სისტემით მიღებული ჩანაწერების ადგილზე ნახვის შესაძლებლობა. ამ მიზნით ობიექტმა თითოეულ შენობა-ნაგებობაში უნდა განათავსოს ვიდეომეთვალყურეობის სისტემასთან დაკავშირებული არანაკლებ ერთი მონიტორისა. უფლებამოსილ პირს მოთხოვნისთანავე, დაუყოვნებლივ, უნდა მიეცეს ვიდეომეთვალყურეობის სისტემით მიღებული ჩანაწერების მონიტორზე ნახვის შესაძლებლობა.“; ვ) მე-14 მუხლი ჩამოყალიბდეს შემდეგი რედაქციით: „მუხლი 14. შემოწმების უფლებამოსილება 1. საზოგადოებრივი უსაფრთხოების მართვის ცენტრი „112“ უფლებამოსილია, შეამოწმოს ობიექტის მიერ თითოეულ შენობა-ნაგებობაზე დამონტაჟებული ვიდეომეთვალყურეობის სისტემის ამ წესით დადგენილ მოთხოვნებთან შესაბამისობა, ამ თავით დადგენილი წესით. 2. საზოგადოებრივი უსაფრთხოების მართვის ცენტრი „112“ ამ მუხლის პირველი პუნქტით გათვალისწინებულ უფლებამოსილებას ახორციელებს: ა) საკუთარი ინიციატივით, ნებისმიერ დროს, ამ წესის მე-4 მუხლის პირველი და მე-3 პუნქტებით გათვალისწინებულ ობიექტებთან მიმართებით; ბ) ამ წესის მე-4 მუხლის მე-4 პუნქტით გათვალისწინებული ობიექტის მაკონტროლებელ ორგანოსთან შეთანხმების საფუძველზე. 3. ამ წესის მე-4 მუხლის მე-4 პუნქტით გათვალისწინებული ობიექტის შემოწმებას ამ მუხლის მე-2 პუნქტის „ბ“ ქვეპუნქტით გათვალისწინებულ შემთხვევებში საზოგადოებრივი უსაფრთხოების მართვის ცენტრი „112“ ახორციელებს მაკონტროლებელ ორგანოსთან ერთად ან მისი წერილობითი თანხმობით − დამოუკიდებლად.“; ზ) მე-16 მუხლის: ზ.ა) პირველი პუნქტი ჩამოყალიბდეს შემდეგი რედაქციით: „1. ამ წესის მე-4 მუხლის მე-4 პუნქტით გათვალისწინებული ობიექტების შემოწმება ხორციელდება მაკონტროლებელი ორგანოსა და საზოგადოებრივი უსაფრთხოების მართვის ცენტრ „112-ის“ შეთანხმების საფუძველზე.“; ზ.ბ) პირველი პუნქტის შემდეგ დაემატოს შემდეგი შინაარსის 11 პუნქტი: „11. იმ შემთხვევაში, თუ საზოგადოებრივი უსაფრთხოების მართვის ცენტრ „112“-ისათვის ცნობილი გახდა ფაქტი ან ინფორმაცია, რომელიც მიუთითებს ამ წესის მე-4 მუხლის მე-4 პუნქტით გათვალისწინებული ობიექტის მიერ ამ წესით გათვალისწინებული მოთხოვნების დარღვევაზე, საზოგადოებრივი უსაფრთხოების მართვის ცენტრი „112“ უფლებამოსილია, აღნიშნულის შესახებ შეატყობინოს ობიექტის მაკონტროლებელ ორგანოს.“; ზ.გ) მე-2 პუნქტის შემდეგ დაემატოს შემდეგი შინაარსის 21 პუნქტი: „21. ამ წესის მე-4 მუხლის მე-4 პუნქტით გათვალისწინებული ობიექტის შემოწმებას საზოგადოებრივი უსაფრთხოების მართვის ცენტრი „112“ ახორციელებს მაკონტროლებელ ორგანოსთან ერთად ან მისი წერილობითი თანხმობით − დამოუკიდებლად.“; ზ.დ) მე-4 პუნქტის შემდეგ დაემატოს შემდეგი შინაარსის 41 პუნქტი: „41. საზოგადოებრივი უსაფრთხოების მართვის ცენტრ „112“-ის მიერ დამოუკიდებლად, მაკონტროლებელი ორგანოს წერილობითი თანხმობით, განხორციელებული შემოწმების შემთხვევაში, შენობა-ნაგებობის ვიდეომეთვალყურეობის სისტემის ამ წესთან შესაბამისობის/შეუსაბამობის ამსახველი მასალა შემდგომი რეაგირებისთვის გადაეცემა ობიექტის მაკონტროლებელ ორგანოს.“; ზ.ე) მე-6 პუნქტი ამოღებულ იქნეს; თ) მე-17 მუხლის პირველი პუნქტი ჩამოყალიბდეს შემდეგი რედაქციით: „1. უფლებამოსილი პირი, ამ წესის მე-15 და მე-16 მუხლებით გათვალისწინებული შემოწმების განხორციელებისას, უფლებამოსილია, ვიდეომეთვალყურეობის სისტემიდან ამოიღოს დარღვევის ამსახველი მასალა. ამ წესის მე-16 მუხლის 41 პუნქტით გათვალისწინებულ შემთხვევაში, უფლებამოსილი პირის მიერ ინფორმაციის მიღება დასტურდება მიღება-ჩაბარების აქტით, რომელშიც აღინიშნება მიღებული ინფორმაციის (დოკუმენტის) აღწერილობა, პერიოდი (თარიღი, თვე და წელი) და ინფორმაციის (დოკუმენტის) მიმღებისა და გამცემის სახელი, გვარი და თანამდებობა. მიღება-ჩაბარების აქტში შეიძლება, დამატებით მიეთითოს სხვა მონაცემებიც.“; ი) მე-18 მუხლის მე-4 პუნქტის „ბ“ ქვეპუნქტი ჩამოყალიბდეს შემდეგი რედაქციით: „ბ) ობიექტის საქმიანობის სახეობასა და ნებართვის ნომერს (ასეთის არსებობის შემთხვევაში);“; კ) მე-19 მუხლი ჩამოყალიბდეს შემდეგი რედაქციით: „მუხლი 19. დისტანციური შემოწმება დამონტაჟების აქტის შედგენის მიზნით 1. ობიექტის თანხმობის შემთხვევაში, საზოგადოებრივი უსაფრთხოების მართვის ცენტრი „112“ უფლებამოსილია, ამ წესის მე-4 მუხლის მე-4 პუნქტით გათვალისწინებული ობიექტის შენობა-ნაგებობის შემოწმება, დამონტაჟების აქტის შედგენის მიზნით, განახორციელოს დისტანციურად. 2. ამ მუხლის პირველი პუნქტით გათვალისწინებულ შემთხვევაში, უფლებამოსილ პირს შეუძლია, ობიექტისგან ელექტრონული ფორმით გამოითხოვოს შემდეგი დოკუმენტაცია: ა) ობიექტის ვიდეომეთვალყურეობის სისტემის (ვიდეოკამერა და ჩამწერი) ტექნიკური დოკუმენტაცია; ბ) ობიექტის შენობა-ნაგებობის ამსახველი დოკუმენტი/ნახაზი, სადაც მითითებული იქნება ვიდეოკამერის განთავსების ადგილები; გ) უფლებამოსილი პირის მიერ მოთხოვნილი ხანგრძლივობისა (მაგრამ არაუმეტეს 5 წუთისა) და დღე-ღამის მითითებულ დროს გაკეთებული თითოეული ვიდეოკამერის ვიდეოჩანაწერი; დ) უფლებამოსილი პირის მიერ დღე-ღამის მოთხოვნილი დროის მონაკვეთში თითოეული ვიდეოკამერით დაფიქსირებული ფოტო (ე. წ. screenshot); ე) ჩამწერ მოწყობილობასთან დაკავშირებული თითოეული ვიდეოკამერის პარამეტრების ფოტოასლი; ვ) ჩამწერი მოწყობილობის, მყარი დისკის, თარიღის, ქსელის პარამეტრების ფოტოასლები.“. |
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები