,,ტრამვული დაზიანებების, გაზისა და ელექტროშოკური იარაღის ჯანმრთელობისათვის დასაშვები ნორმების შესახებ”

სახელმწიფო სარეგისტრაციო კოდი 470.010.000.11.119.006.464¹

საქართველოს შრომის, ჯანმრთელობისა და სოციალური დაცვის მინისტრის

ბრძანება №82/ნ

2004 წლის 15 აპრილი

ქ. თბილისი

ტრავმული დაზიანების ვაზნების, გაზისა და ელექტროშოკური იარაღის ჯანმრთელობისათვის დასაშვები ნორმების შესახებ

„იარაღის შესახებ” საქართველოს 2003 წლის 8 მაისის კანონის 35-ე მუხლის მე-2 პუნქტის „ბ” ქვეპუნქტის მოთხოვნათა შესრულების უზრუნველყოფის მიზნით, ვბრძანებ:

1. დამტკიცდეს „ტრავმული დაზიანების, ვაზნების, გაზისა და ელექტროშოკური იარაღის ჯანმრთელობისათვის დასაშვები ნორმები” (დანართი).

2. ბრძანება ძალაშია გამოქვეყნებისთანავე.

გ. წერეთელი

დანართი

ტრავმული დაზიანების ვაზნების, გაზისა და ელექტროშოკური იარაღის ჯანმრთელობისათვის დასაშვები ნორმები

შენიშვნა:

ნორმები განეკუთვნება მოკლელულიანი იარაღიდან სროლას არანაკლებ 1 მ მანძილიდან; გლუვ და გრძელლულოვანიდან – არა ნაკლებ მინიმალური მანძილიდან, რომელიც განსაზღვრულია ვაზნების მედიკობიოლოგიური გამოცდის დროს.

ელექტროშოკური მოწყობილობების და ნაპერწკლოვანი  განმმუხტველების ერთჯერადი ზემოქმედებისას ცვლილებების ზღვრული დონე

1. ტონების დაკარგვის გარეშე კუნთების კრუნჩხვითი შეკუმშვა (ელექტრული ტრავმის სიმძიმის პირველი ხარისხი).

2. ლოკომოტიური აქტივობის დარღვევა და ემოციონალური რეაქციის ცვლილება არა უმეტეს 30 წუთისა.

3. რითმის დარღვევის გარეშე გულის შეკუმშვათა სიხშირის ცვლილება არა უმეტეს 15 წუთისა.

4. სუნთქვის სიხშირის ცვლილება არა უმეტეს 30 წუთისა.

5. ელექტროდების კონტაქტის მიდამოში კანის საფარის ზომიერი დაზიანება.

გაზის იარაღის ზემოქმედებისას ცვლილების ზღვრული დონე

მხედველობის ანალიზატორებისა და სასუნთქვი სისტემის მხრივ, ორგანული, პათოლოგიური, ფუნქციური დაზიანებების არარსებობა.

ფუნქციური ცვლილებები გარდამავალი შექცევადი კატარალური მოვლენების სახით.