საჰაერო ხომალდის ტექნიკური მომსახურების სასწავლო დაწესებულების სერტიფიცირების წესის დამტკიცების შესახებ” სსიპ – სამოქალაქო ავიაციის სააგენტოს დირექტორის 2022 წლის 28 მარტის №76 ბრძანებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

საჰაერო ხომალდის ტექნიკური მომსახურების სასწავლო დაწესებულების სერტიფიცირების წესის დამტკიცების შესახებ” სსიპ – სამოქალაქო ავიაციის სააგენტოს დირექტორის 2022 წლის 28 მარტის №76 ბრძანებაში ცვლილების შეტანის თაობაზე
დოკუმენტის ნომერი	80
დოკუმენტის მიმღები	სამოქალაქო ავიაციის სააგენტოს დირექტორი
მიღების თარიღი	26/04/2023
დოკუმენტის ტიპი	სამოქალაქო ავიაციის სააგენტოს დირექტორის ბრძანება
გამოქვეყნების წყარო, თარიღი	ვებგვერდი, 28/04/2023
სარეგისტრაციო კოდი	310050000.54.066.016300

PDF გადმოწერა

„საჰაერო ხომალდის ტექნიკური მომსახურების სასწავლო დაწესებულების სერტიფიცირების წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2022 წლის 28 მარტის № 76 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

,,საჰაერო ხომალდის ტექნიკური მომსახურების სასწავლო დაწესებულების სერტიფიცირების წესის დამტკიცების შესახებ” სსიპ – სამოქალაქო ავიაციის სააგენტოს დირექტორის 2022 წლის 28 მარტის №76 ბრძანებით (www.matsne.gov.ge, 05/04/2022 წ., სარეგისტრაციო კოდი: 310050000.54.066.016257) დამტკიცებულ ,,საჰაერო ხომალდის ტექნიკური მომსახურების სასწავლო დაწესებულების სერტიფიცირების წესში“ შეტანილ იქნეს შემდეგი ცვლილება:

1. მე-11 მუხლს დაემატოს შემდეგი შინაარსის მე-3 პუნქტი:

„3. ტექნიკური მომსახურების სასწავლო დაწესებულების სახელმძღვანელოში (MTOE) უმნიშვნელო ცვლილების განხორციელება შესაძლებელია სააგენტოსთან შეთანხმების გარეშე, ამავე სახელმძღვანელოში გაწერილი პროცედურის შესაბამისად.“.

2. წესის დანართი №6 ჩამოყალიბდეს თანდართული სახით.

მუხლი 2

ბრძანება ამოქმედდეს გამოქვეყნებისთანავე.

სსიპ სამოქალაქო ავიაციის სააგენტოს დირექტორი გივი დავითაშვილი

დანართი №6

ზოგადი საკვალიფიკაციო მოთხოვნები საჰაერო ხომალდის ტექნიკური მომსახურების სასწავლო დაწესებულების ინსტრუქტორებისთვის:

საბაზო სწავლების ინსტრუქტორი/გამომცდელი (მოდული: 1,2,3,4)

საბაზო სწავლება - თეორიული სწავლების ინსტრუქტორი
კვალიფიკაცია/ გამოცდილება	შესაბამისი მოთხოვნები	შენიშვნა/შეზღუდვები
განათლება	ვარიანტი 1: შესაბამისი სპეციალობის დიპლომი. ან ვარიანტი 2: საჰაერო ხომალდის ტექნიკური მომსახურების სპეციალისტის მოწმობა კატეგორიის აღნიშვნით (მაგ: B1 კატეგორია B1 კატეგორიის ინსტრუქტორისთვის). ან ვარიანტი 3: Part 147 სასწავლო დაწესებულების (სააგენტოს, EASA-ს ან მისი წევრი ქვეყნის მიერ სერტიფიცირებული) მიერ შესაბამის მოდულში გაცემული სერტიფიკატი (სწავლება +გამოცდა) შესაბამისი დონის განსაზღვრით (მაგ: B1/B2 ინსტრუქტორს მოდულ 1 - ში მოეთხოვება დონე 2). ინსტრუქტორს სწავლების მოცულობა განესაზღვრება ჩაბარებული მოდულებით.
გამოცდილება		სამუშაო გამოცდილება საჰაერო ხომალდის ტექნიკურ მომსახურებაში, დიზაინში ან წარმოებაში ჩაითვლება უპირატესობად.

საბაზო სწავლების ინსტრუქტორი/გამომცდელი (მოდული: 5,6,8)

საბაზო სწავლება – თეორიული სწავლების ინსტრუქტორი
კვალიფიკაცია/ გამოცდილება	შესაბამისი მოთხოვნები	შენიშვნა/შეზღუდვები
განათლება	ვარიანტი 1: შესაბამისი სპეციალობის დიპლომი და შესაბამისი საჰაერო ხომალდის ტიპზე სისტემების და კომპონენტების კონსტრუქციის, ფუნქციების და ექსპლუატაციის სასწავლო კურსი ან ვარიანტი 2: საჰაერო ხომალდის ტექნიკური მომსახურების სპეციალისტის მოწმობა კატეგორიის აღნიშვნით (მაგ: B1 კატეგორია B1 კატეგორიის ინსტრუქტორისთვის) ან ვარიანტი 3: Part 147 სასწავლო დაწესებულების (სააგენტოს, EASA-ს ან მისი წევრი ქვეყნის მიერ სერტიფიცირებული) მიერ შესაბამის მოდულში გაცემული სერტიფიკატი (სწავლება+გამოცდა) შესაბამისი დონის განსაზღვრით (მაგ: B1/B2 ინსტრუქტორს მოდულ 1 - ში მოეთხოვება დონე 2). ინსტრუქტორს სწავლების მოცულობა განესაზღვრება ჩაბარებული მოდულებით.
გამოცდილება		სამუშაო გამოცდილება საჰაერო ხომალდის ტექნიკურ მომსახურებაში, დიზაინში ან წარმოებაში ჩაითვლება უპირატესობად.

საბაზო სწავლების ინსტრუქტორი/გამომცდელი (მოდული: 7)

საბაზო სწავლება - თეორიული სწავლების ინსტრუქტორი
კვალიფიკაცია/ გამოცდილება	შესაბამისი მოთხოვნები	შენიშვნა/შეზღუდვები
განათლება	ვარიანტი 1: საქართველოს კანონმდებლობის შესაბამისად აკრედიტირებული ან სერტიფიცირებული სასწავლო დაწესებულების მიერ გაცემული საჰაერო ხომალდის ტექნიკური მომსახურების ინჟინრის დიპლომი. სასწავლო სილაბუსი უნდა აკმაყოფილებდეს „საჰაერო ხომალდის ტექნიკური მომსახურების სპეციალისტის სერტიფიცირების წესის“ 1 დანართის მოთხოვნებს და უნდა აკმაყოფილებდეს შესაბამისი კატეგორიის დონეს და „საჰაერო ხომალდის ტექნიკური მომსახურების სპეციალისტის სერტიფიცირების წესის“ შესაბამისად საჰაერო ხომალდის ტიპზე შესაბამისი კატეგორიის/ქვეკატეგორიის სწავლების სრული კურსის გავლის დამადასტურებელი დოკუმენტი (მაგ: B1.4). ვარიანტი 2: საჰაერო ხომალდის ტექნიკური მომსახურების სპეციალისტის მოწმობა კატეგორიის აღნიშვნით (მაგ: B1 კატეგორია B1 კატეგორიის ინსტრუქტორისთვის). და საჰაერო ხომალდის ტექნიკური მომსახურების სპეციალისტის მოწმობა საჰაერო ხომალდის ტიპზე კატეგორიის/ქვეკატეგორიის აღნიშვნით ან ვარიანტი 3: Part 147 სასწავლო დაწესებულების (სააგენტოს, EASA-ს ან მისი წევრი ქვეყნის მიერ სერტიფიცირებული) მიერ მე-7 მოდულში გაცემული სერტიფიკატი (სწავლება +გამოცდა) მე-3 დონის განსაზღვრით და „საჰაერო ხომალდის ტექნიკური მომსახურების სპეციალისტის სერტიფიცირების წესის“ შესაბამისად საჰაერო ხომალდის ტიპზე შესაბამისი კატეგორიის/ქვეკატეგორიის სწავლების სრული კურსის გავლის დამადასტურებელი დოკუმენტი (მაგ: B1.1).	სასწავლო გეგმა უნდა შეესაბამებოდეს მე-7 მოდულის, მე-3 დონის სილაბუსს.
სხვა უნარები	1. „საჰაერო ხომალდის ტექნიკური მომსახურების სპეციალისტის სერტიფიცირების“; საჰაერო ხომალდის ტექნიკური მომსახურების სასწავლო დაწესებულების სერტიფიცირების“; „საჰაერო ხომალდის ტექნიკური მომსახურების საწარმოს სერტიფიცირების“ წესების ცოდნა. 2. საჰაერო ხომალდის ტექნიკური მომსახურების სასწავლო დაწესებულების სახელმძღვანელოში გაწერილი კონკრეტული პროცედურების და სწავლების მოთხოვნების ცოდნა
გამოცდილება	საჰაერო ხომალდის ტექნიკური მომსახურების საწარმოში მუშაობის 3-წლიანი გამოცდილება.

საბაზო სწავლების ინსტრუქტორი/გამომცდელი (მოდული: 9)

საბაზო სწავლება – თეორიული სწავლების ინსტრუქტორი
კვალიფიკაცია/ გამოცდილება	შესაბამისი მოთხოვნები	შენიშვნა/შეზღუდვები
განათლება	ვარიანტი 1: დოკუმენტირებული ტრენინგი „ადამიანური ფაქტორი ავიაციაში“. ტრენინგის სილაბუსი უნდა შეესაბამებოდეს „საჰაერო ხომალდის ტექნიკური მომსახურების სპეციალისტის სერტიფიცირების წესის“ პირველ დანართს ან ვარიანტი 2: მე-9 მოდულის მე-2 დონის დამადასტურებელი სერტიფიკატი (სწავლება +გამოცდა)
სხვა უნარები	1. „საჰაერო ხომალდის ტექნიკური მომსახურების სპეციალისტის სერტიფიცირების“; „საჰაერო ხომალდის ტექნიკური მომსახურების საწარმოს სერტიფიცირების“ წესების ცოდნა. 2. საჰაერო ხომალდის ტექნიკური მომსახურების სასწავლო დაწესებულების სახელმძღვანელოში გაწერილი პროცედურების და სწავლების მოთხოვნების ცოდნა
გამოცდილება		გამოცდილება საჰაერო ხომალდის ტექნიკური მომსახურების საწარმოში ჩაითვლება უპირატესობად.

საბაზო სწავლების ინსტრუქტორი/გამომცდელი (მოდული: 11,12,13,14,15,16,17)

საბაზო სწავლება – თეორიული სწავლების ინსტრუქტორი
კვალიფიკაცია/ გამოცდილება	შესაბამისი მოთხოვნები	შენიშვნა/შეზღუდვები
განათლება	ვარიანტი 1: საჰაერო ხომალდის ტექნიკური მომსახურების ინჟინრის დიპლომი, რომელიც დაფარავს წასაკითხი საგნების მოცულობას ან ვარიანტი 2: საჰაერო ხომალდის ტექნიკური მომსახურების სპეციალისტის მოწმობა კატეგორიის აღნიშვნით (მაგ: B1 კატეგორია B1 კატეგორიის ინსტრუქტორისთვის) ან ვარიანტი 3: Part 147 სასწავლო დაწესებულების (სააგენტოს, EASA-ს ან მისი წევრი ქვეყნის მიერ სერტიფიცირებული) მიერ წასაკითხ მოდულებში გაცემული სერტიფიკატი (სწავლება +გამოცდა). წასაკითხი საგნების მოცულობა განისაზღვრება ჩაბარებული მოდულებით.
გამოცდილება	მუშაობის 1-წლიანი გამოცდილება სამოქალაქო ავიაციის საჰაერო ხომალდის ტექნიკური მომსახურების საწარმოში. გამოცდილება უნდა ფარავდეს წასაკითხ საგნებს.

საბაზო სწავლების ინსტრუქტორი/შემფასებელი

საბაზო სწავლება - პრაქტიკული სწავლების ინსტრუქტორი
კვალიფიკაცია/ გამოცდილება	შესაბამისი მოთხოვნები	შენიშვნა/შეზღუდვები
განათლება	ვარიანტი 1: საჰაერო ხომალდის ტექნიკური მომსახურების სპეციალისტის მოწმობა კატეგორიის აღნიშვნით (მაგ: B1.1 კატეგორია B1.1 კატეგორიის ინსტრუქტორისთვის) შესაბამის საჰაერო ხომალდის ტიპზე.
გამოცდილება	3-წლიანი სამუშაო გამოცდილება, გამოცდილება: საჰაერო ხომალდის ტექნიკური მომსახურების ინსტრუქტორს – საავიაციო სფეროში, რომელიც მოიცავს ოპერატიულ და/ან ანგარში ტექნიკური მომსახურებას. სახელოსნოში ტექნიკური მომსახურების ინსტრუქტორს (საჰაერო ხომალდის აგრეგატები/სტრუქტურული ელემენტები და ა.შ.) – სერტიფიცირებული საწარმოს სახელოსნოში. სპეციალიზირებული მომსახურების ინსტრუქტორს (შედუღება, ურღვევი კონტროლის მეთოდი (NTD) და ა.შ.) - შესაბამის საწარმოში

საჰაერო ხომალდის ტიპზე სწავლების ინსტრუქტორი/გამომცდელი

საჰაერო ხომალდის ტიპზე სწავლება - თეორიული და პრაქტიკული ნაწილი
კვალიფიკაცია/ გამოცდილება	შესაბამისი მოთხოვნები	შენიშვნა/შეზღუდვები
განათლება	ვარიანტი 1: საჰაერო ხომალდის შესაბამის ტიპზე ტექნიკური მომსახურების სპეციალისტის მოწმობა კატეგორიის აღნიშვნით (მაგ: B1 კატეგორია B1 კატეგორიის ინსტრუქტორისთვის) ან ვარიანტი 2: Part 147 სასწავლო დაწესებულების (სააგენტოს, EASA-ს ან მისი წევრი ქვეყნის მიერ სერტიფიცირებული) მიერ საჰაერო ხომალდის შესაბამის ტიპზე მე-3 დონის სწავლების დამადასტურებელი სერტიფიკატი (რომელიც მოიცავს თეორიული და პრაქტიკული ნაწილს სწავლება + გამოცდას) კონკრეტული კატეგორიის აღნიშვნით (მაგ: B1.1, B2 და ა. შ.) (მხოლოდ თეორია)
გამოცდილება	3-წლიანი სამუშაო გამოცდილება, მათ შორის 1 წლიანი სამუშაო გამოცდილება შესაბამის საჰაერო ხომალდის ტიპზე.

საჰაერო ხომალდის ტიპზე პრაქტიკული სწავლების შემფასებელი

საჰაერო ხომალდის ტიპზე სწავლება - პრაქტიკული სწავლების შემფასებელი
კვალიფიკაცია/ გამოცდილება	შესაბამისი მოთხოვნები	შენიშვნა/შეზღუდვები
განათლება	ვარიანტი 1: საჰაერო ხომალდის ტიპზე პრაქტიკული სწავლების შემფასებელი უნდა აკმაყოფილებდეს პრაქტიკული სწავლების ინსტრუქტორისათვის განსაზღვრულ მოთხოვნებს.
გამოცდილება	3-წლიანი სამუშაო გამოცდილება, მათ შორის 1 წლიანი სამუშაო გამოცდილება შესაბამის საჰაერო ხომალდის ტიპზე.

შენიშვნა: ინტერესთა კონფლიქტის თავიდან აცილების მიზნით ინსტრუქტორთა/ გამომცდელთა სწავლება და გამოცდა არ შეიძლება განხორციელდეს სასწავლო დაწესებულებაში, სადაც ინსტრუქტორი/გამომცდელი აპირებს სწავლების განხორციელებას.