„მეცნიერების პოპულარიზაციისათვის მიზნობრივი საგრანტო კონკურსის დებულების დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 20 სექტემბრის №201/ნ ბრძანებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„მეცნიერების პოპულარიზაციისათვის მიზნობრივი საგრანტო კონკურსის დებულების დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 20 სექტემბრის №201/ნ ბრძანებაში ცვლილების შეტანის თაობაზე
დოკუმენტის ნომერი	30/ნ
დოკუმენტის მიმღები	საქართველოს განათლებისა და მეცნიერების მინისტრი
მიღების თარიღი	27/04/2023
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 28/04/2023
სარეგისტრაციო კოდი	430210000.22.022.018285

PDF გადმოწერა

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად ვბრძანებ:

მუხლი 1

„მეცნიერების პოპულარიზაციისათვის მიზნობრივი საგრანტო კონკურსის დებულების დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 20 სექტემბრის №201/ნ ბრძანებით (www.matsne.gov.ge, 24/09/2019; სარეგისტრაციო კოდი: 430210000.22.022.017821) დამტკიცებულ „მეცნიერების პოპულარიზაციისათვის მიზნობრივი საგრანტო კონკურსის დებულებაში“ შეტანილ იქნეს შემდეგი ცვლილება:

1. მე-2 მუხლის „ჩ“ ქვეპუნქტი ჩამოყალიბდეს შემდეგი რედაქციით:

„ჩ) საბავშვო უნივერსიტეტი – სამეცნიერო საკომუნიკაციო საქმიანობა, რომელიც მიზნად ისახავს გამოჩენილი და წარმატებული მეცნიერების, აგრეთვე კვლევებისა და ინოვაციების სააგენტოების/კომპანიების წარმომადგენლების მიერ სამეცნიერო შინაარსის კომუნიკაციასა და გამოცდილების გაზიარებას მოსწავლეებისათვის;“;

2. მე-2 მუხლს დაემატოს შემდეგი შინაარსის „ც“–„ჯ“ ქვეპუნქტები:

,,ც) მეცნიერების პოპულარიზაციის კუთხით სამეცნიერო საკომუნიკაციო კამპანია – ტელე და რადიო გადაცემებში – სამეცნიერო სიუჟეტებში ჩართვა; სამეცნიერო-პოპულარული ფილმების შექმნა, სამეცნიერო პოპულარული ჟურნალების, სამეცნიერო პოპულარული სტატიების, საინფორმაციო ბიულეტენების, ფლაერების, ბროშურების გამოცემა და სხვადასხვა აქტივობები;

ძ) სამეცნიერო კომუნიკაციის ღონისძიება – სამეცნიერო ფესტივალი, სამეცნიერო პიკნიკი, საზაფხულო სკოლა, მეცნიერებისა და მეწარმეების სკოლა ახალგაზრდებისთვის, კვლევისა და ინოვაციის სააგენტოებში/კომპანიებში გაცნობითი ღონისძიება, კვლევით დაწესებულებებში საველე დღე ახალგაზრდებისთვის, სამეცნიერო ბანაკი, სადისკუსიო ღონისძიება, სიმპოზიუმები ან სამეცნიერო კონფერენცია;

წ) გაცნობითი ღონისძიება – სამეცნიერო კომუნიკაციის ღონისძიება, რომელიც მიზნად ისახავს მეცნიერებასა და ბიზნსესს შორის თანამშრომლობის გაძლიერებას, კერძო სექტორში მეცნიერების პოპულარიზაციის, კვლევისა და ინოვაციების განვითარების ხელშეწყობას;

ჭ) ონლაინინსტრუმენტი – სამეცნიერო კომუნიკაციისთვის განკუთვნილი ვებგვერდი, მულტიმედიური აპლიკაცია ან ინტერაქტიული სამეცნიერო პორტალი;

ხ) სამოქალაქო დიალოგი – ღონისძიება ფართო საზოგადოებისთვის, სადაც განიხილება მეცნიერულად დასაბუთებული თემები მეცნიერების პოპულარიზაციისათვის;

ჯ) მეცნიერების პოპულარიზაციის აქტივობა – სამეცნიერო წარმოდგენა, სამეცნიერო შოუ, ინტერაქტიული პრეზენტაციების სერია, სამეცნიერო გამოსახულების ან/და ვიდეოგამოფენა, მეცნიერთა შესახებ ამბის მოყოლა, ქართველ მეცნიერთა პორტრეტებით.“.

3. მე-5 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. კონკურსის ფარგლებში წარმოდგენილი პროექტი შესაძლებელია ითვალისწინებდეს:

ა) საბავშო უნივერსიტეტს;

ბ) მეცნიერების პოპულარიზაციის კუთხით სამეცნიერო საკომუნიკაციო კამპანიას;

გ) სამეცნიერო კომუნიკაციის ღონისძიებას;

დ) გაცნობით ღონისძიებას;

ე) ონლაინინსტრუმენტის შექმნას სამეცნიერო კომუნიკაციისთვის;

ვ) სამოქალაქო დიალოგს;

ზ) მეცნიერების პოპულარიზაციის აქტივობას.“;

ბ) მე-3 პუნქტი ჩამოყალიბდეს შემდეგი რედაქციით:

„3. პროექტისთვის ფონდიდან მოთხოვნილი თანხა არ უნდა აღემატებოდეს 15 000 ლარს.“.

4. მე-13 მუხლის პირველი პუნქტის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა)

კრიტერიუმები და განმარტებები	C-	C	C+	B-	B	B+	A-	A	A+	შეფასება A/B/C კრიტერიუმების მიხედვით
1. პროექტის შინაარსობრივი ნაწილი იდეის აქტუალობა, ინოვაციურობა, შესაბამისობა პროექტის მიზანთან და ამოცანებთან;	1	2	3	4	5	6	7	8	9	მინიმუმ- 3 მაქსიმუმ-9 ქულა
კრეატიული/ინოვაციური მიდგომები	მინიმუმ – 1 და მაქსიმუმ 3 ქულა
სამიზნე ჯგუფების შესაბამისობა პროექტის მიზნებთან	მინიმუმ – 1 და მაქსიმუმ 3 ქულა
პროექტის იდეისა და მიზნების შესაბამისობა პროექტის ამოცანებთან	მინიმუმ – 1 და მაქსიმუმ 3 ქულა
2. პროექტის განმახორციელებელი ჯგუფის კომპეტენცია და პროექტის განხორციელებისთვის საჭირო შესაბამისი ტექნიკური რესურსების არსებობა	1	2	3	4	5	6	7	8	9	მინიმუმ- 3 მაქსიმუმ-9 ქულა
პროექტის ძირითადი პერსონალის კომპეტენცია და მათი შესაბამისობა პროექტის ამოცანებთან	მინიმუმ – 1 და მაქსიმუმ 3 ქულა
პროექტის ძირითადი პერსონალის შესაძლებლობები პროექტის მიზნებთან მიმართებაში	მინიმუმ – 1 და მაქსიმუმ 3 ქულა
პროექტის განსახორციელებლად საჭირო რესურსების არსებობა	მინიმუმ – 1 და მაქსიმუმ 3 ქულა
3. პროექტის მოსალოდნელი შედეგები–პროექტის ფარგლებში ხელშესახები შედეგები პროექტის მიზნებთან მიმართებაში მათ შორის გავრცელებისა და მდგრადობის ასპექტებში	1	2	3	4	5	6	7	8	9	მინიმუმ- 3 მაქსიმუმ-9 ქულა
პროექტის შედეგების შესაბამისობა პროექტის მიზნებთან მიმართებაში	მინიმუმ – 1 და მაქსიმუმ 3 ქულა
აქტივობების გავრცელების მიზანშეწონილობა	მინიმუმ – 1 და მაქსიმუმ 3 ქულა
პროქტით გათვალისიწინებული აქტივობების მდგრადობა	მინიმუმ – 1 და მაქსიმუმ 3 ქულა
4. პროექტის მენეჯმენტი და განხორციელება, დაგეგმილი აქტივობებისა და რესურსების შესაბამისობა პროექტით დასახული მიზნების უზრუნველსაყოფად	1	2	3	4	5	6	7	8	9	მინიმუმ- 3 მაქსიმუმ-9 ქულა
პროექტის განხორციელების გეგმის, განრიგის შესაბამისობა პროექტის მიზნებთან და ამოცანებთან	მინიმუმ – 1 და მაქსიმუმ 3 ქულა
ბიუჯეტის და ბიუჯეტის დასაბუთების შესაბამისობა პროექტის მიზნებთან და ამოცანებთან	მინიმუმ – 1 და მაქსიმუმ 3 ქულა
მატერიალური, ტექნიკური და ინტელექტუალური გარემოს, რესურსების შესაბამისობა პროექტის მიზნებსა და ამოცანებთან	მინიმუმ – 1 და მაქსიმუმ 3 ქულა
ქულების ჯამი (მინიმუმ-12, მაქსიმუმ 36 ქულა)
შემაჯამაბელი შეფასება პროექტის შესახებ (ექსპერტის შემაჯამებელი შეფასება ოთხივე კრიტერიუმის მიხედვით მინიჭებული ქულების შესაბამისად); □ A □ B □ C
შემაჯამებელი კომენტარი პროექტის შესახებ (ექსპერტის შემაჯამებელი კომენტარი ოთხივე კრიტერიუმის მიხედვით მინიჭებული ქულების შესაბამისად):

“;

ბ) „ე“ ქვეპუნქტი ჩამოყალიბდეს შემდეგი რედაქციით:

„ე) შემაჯამებელი შეფასება პროექტის შესახებ შესაბამისობაში უნდა იყოს 1-4 კრიტერიუმების 9-ქულიანი (3-9) სისტემით შეფასებასთან და განიმარტება შემდეგნაირად:

ქულა	ABC კატეგორია
25-36	A
13-24	B
12	C

^“.

მუხლი 2

ეს ბრძანება ამოქმედდეს გამოქვეყნებისთანავე.

საქართველოს განათლებისა და მეცნიერების მინისტრი გიორგი ამილახვარი