დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „მომხმარებლის ძლიერი ავთენტიფიკაციის წესის დამტკიცების შესახებ“ საქართველოს ეროვნული ბანკის პრეზიდენტის 2020 წლის 2 სექტემბრის №156/04 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 70/04 |
| დოკუმენტის მიმღები | საქართველოს ეროვნული ბანკის პრეზიდენტი |
| მიღების თარიღი | 11/04/2023 |
| დოკუმენტის ტიპი | საქართველოს ეროვნული ბანკის პრეზიდენტის ბრძანება |
| გამოქვეყნების წყარო, თარიღი | ვებგვერდი, 12/04/2023 |
| ძალაში შესვლის თარიღი | 01/05/2023 |
| სარეგისტრაციო კოდი | 220090000.18.011.016683 |
|
„მომხმარებლის ძლიერი ავთენტიფიკაციის წესის დამტკიცების შესახებ“ საქართველოს ეროვნული ბანკის პრეზიდენტის 2020 წლის 2 სექტემბრის №156/04 ბრძანებაში ცვლილების შეტანის თაობაზე
|
„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის და „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ: |
| მუხლი 1 |
„მომხმარებლის ძლიერი ავთენტიფიკაციის წესის დამტკიცების შესახებ“ საქართველოს ეროვნული ბანკის პრეზიდენტის 2020 წლის 2 სექტემბრის №156/04 ბრძანებით (www.matsne.gov.ge; 03/09/2020; ს/კ: 220090000.18.011.016495) დამტკიცებული წესის 31-ე მუხლის მე-11 პუნქტი ჩამოყალიბდეს შემდეგი რედაქციით:
„11. 2025 წლის 1 იანვრამდე, საგადახდო მომსახურების პროვაიდერი უფლებამოსილია: ა) ისარგებლოს ერთ-ერთი შემდეგი დებულებით: ა.ა) საგადახდო მომსახურების პროვაიდერის მიერ განსაზღვრული პერიოდის განმავლობაში, რომელიც არ უნდა იყოს 24 საათზე ნაკლები, არაუმეტეს 10 ლარის ოდენობით ძლიერი ავთენტიფიკაციის განხორციელების გარეშე არაუმეტეს 30 უკონტაქტო გადახდის ოპერაცია არ გაითვალისწინოს ამ წესის მე-13 მუხლის მიზნებისთვის დათვლაში; ა.ბ) საგადახდო მომსახურების პროვაიდერის მიერ განსაზღვრული პერიოდის განმავლობაში, რომელიც არ უნდა იყოს 24 საათზე ნაკლები, არაუმეტეს 20 ლარის ოდენობით ძლიერი ავთენტიფიკაციის განხორციელების გარეშე არაუმეტეს 15 უკონტაქტო გადახდის ოპერაცია არ გაითვალისწინოს ამ წესის მე-13 მუხლის მიზნებისთვის დათვლაში. ბ) ოფლაინ გადახდის ოპერაცია არ გაითვალისწინოს ამ წესის მე-13 მუხლის, ასევე, ამ პუნქტის „ა“ ქვეპუნქტის მიზნებისთვის დათვლაში, თუ ოფლაინ რეჟიმიდან გამომდინარე, ამის ტექნიკური შესაძლებლობა არ არის. ასეთი შესაძლებლობის არარსებობის დასაბუთების ვალდებულება ეკისრება ემიტენტ საგადახდო მომსახურების პროვაიდერს.“. |
| მუხლი 2 |
ეს ბრძანება ამოქმედდეს 2023 წლის 1 მაისიდან. |
|
დოკუმენტის კომენტარები