,,საქართველოს ფინანსთა სამინიტროს საბაჟო დეპარტამენტის საბაჟო ორგანოების სამოქმედო ტერიტორიების, საბაჟო გაფორმების ადგილისა და დროის შესახებ” საქართველოს ფინანასთა მინისტრის 2003 წლის 13 ივნისის №309 ბრძანებაში დამატებების შეტანის თაობაზე

სახელმწიფო სარეგისტრაციო კოდი 190.010.000.11.117.006.412

საქართველოს ფინანსთა მინისტრის

ბრძანება №160

2004 წლის 17 მარტი

ქ. თბილისი

„საქართველოს ფინანსთა სამინისტროს საბაჟო დეპარტამენტის საბაჟო ორგანოების სამოქმედო ტერიტორიების, საბაჟო გაფორმების ადგილისა და დროის განსაზღვრის შესახებ” საქართველოს ფინანსთა მინისტრის 2003 წლის 13 ივნისის №309 ბრძანებაში დამატების შეტანის თაობაზე

საქართველოს საბაჟო ტერიტორიაზე საქონლისა და სატრანსპორტო საშუალებების გადაადგილების, კონტროლისა და საბაჟო გაფორმების პროცედურების მოწესრიგების მიზნით „ნორმატიული აქტების შესახებ” საქართველოს კანონის 36-ე მუხლის პირველი პუნქტისა და საქართველოს პრეზიდენტის 2002 წლის 31 დეკემბრის №567 ბრძანებულებით დამტკიცებული „საქართველოს ფინანსთა სამინისტროს დებულების” მე-4 მუხლის მე-2 პუნქტის „ნ” ქვეპუნქტის საფუძველზე ვბრძანებ:

1. საქართველოს ფინანსთა მინისტრის 2003 წლის 13 ივნისის №309 ბრძანების მე-3 პუნქტის „ბ“ ქვეპუნქტს დაემატოს მცხეთის რ-ნი, ზაჰესის დასახლება, მშვიდობის ქ. №105 და ჩამოყალიბდეს შემდეგი რედაქციით:

„ბ) რეგიონალური საბაჟო „აღმოსავლეთის” საბაჟო გაფორმების განყოფილებას- ქ.თბილისი, იუმაშევის ქ.№14, დავით აღმაშენებლის გამზ. №95, ქ.თბილისის აეროპორტი, მცხეთის რ-ნი, ზაჰესის დასახლება, მშვიდობის ქ.№105, ქ.რუსთავი, ფიროსმანის ქ.№38, ქ.თელავი, თბილისის გზატკეცილის მე-2 შესახვევი”.

2. ბრძანება ამოქმედდეს ოფიციალურ ბეჭდვით ორგანოში გამოქვეყნებიდან მე-10 დღეს.

საფუძველი: ფინანსთა სამინისტროს საბაჟო დეპარტამენტის თავმჯდომარის ლევან ქისტაურის 2004 წლის 26 თებერვლის №27-02-10/1997 წერილი.

მინისტრის პირველი მოადგილე   ზ. სოსელია