„საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებაში ცვლილების შეტანის თაობაზე

1. მე-3 მუხლის მე-2 პუნქტის „ვ​¹“ ქვეპუნქტის შემდეგ დაემატოს შემდეგი შინაარსის „ვ​²“ ქვეპუნქტი:

„ვ​²) „პერსონალურ მონაცემთა დაცვის შესახებ“ საქართველოს კანონის მე-12 მუხლით გათვალისწინებული მიზნების მისაღწევად და სამსახურის შესაბამისი სტრუქტურული ერთეულისათვის მინიჭებული ფუნქციის შესრულების მიზნით, ინდივიდუალური ადმინისტრაციულ-სამართლებრივი აქტით ამტკიცებს ვიდეოთვალთვალის სისტემასთან წვდომის/დაშვების წესსა და განსაზღვრავს ვიდეოთვალთვალის სისტემასთან წვდომაზე უფლებამოსილ თანამშრომლებს;“.

2. მე-8 მუხლის:

ა) პირველი პუნქტის „ზ¹“ ქვეპუნქტის შემდეგ დაემატოს შემდეგი შინაარსის „ზ²“ ქვეპუნქტი:

„ზ²) „პერსონალურ მონაცემთა დაცვის შესახებ“ საქართველოს კანონის მე-12 მუხლის შესაბამისად, საიდუმლო ინფორმაციის დაცვის მონიტორინგი;“;

ბ) მე-2 პუნქტის შემდეგ დაემატოს შემდეგი შინაარსის მე-3 პუნქტი:

„3. სამსახურებრივი მონიტორინგის დეპარტამენტი უფლებამოსილია ამ მუხლის პირველი პუნქტის „ზ²“ ქვეპუნქტით გათვალისწინებული ფუნქცია განახორციელოს  ვიდეოთვალთვალის სისტემის მეშვეობით.“.