დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის შესახებ 2023 − 2026 წლების ეროვნული სტრატეგიისა“ და „ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის ეროვნული სტრატეგიის განხორციელების 2023 − 2026 წლების სამოქმედო გეგმის“ დამტკიცების შესახებ | |
|---|---|
| დოკუმენტის ნომერი | 135 |
| დოკუმენტის მიმღები | საქართველოს მთავრობა |
| მიღების თარიღი | 04/04/2023 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 06/04/2023 |
| სარეგისტრაციო კოდი | 130000000.10.003.023968 |
|
„ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის შესახებ 2023 − 2026 წლების ეროვნული სტრატეგიისა“ და „ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის ეროვნული სტრატეგიის განხორციელების 2023 − 2026 წლების სამოქმედო გეგმის“ დამტკიცების შესახებ
|
| მუხლი 1 |
„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-6 მუხლის გათვალისწინებითა და „ეროვნული უსაფრთხოების პოლიტიკის დაგეგმვისა და კოორდინაციის წესის შესახებ“ საქართველოს კანონის მე-15 მუხლის მე-4 პუნქტის შესაბამისად, დამტკიცდეს თანდართული „ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის შესახებ 2023 − 2026 წლების ეროვნული სტრატეგია“ და „ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის ეროვნული სტრატეგიის განხორციელების 2023 − 2026 წლების სამოქმედო გეგმა“.
|
| მუხლი 2 |
დადგენილება ამოქმედდეს გამოქვეყნებისთანავე.
|
|
ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის შესახებ 2023 − 2026 წლების ეროვნული სტრატეგია |
სარჩევი
|
შესავალი
არსებული საკანონმდებლო და ინსტიტუციური მექანიზმების მიმოხილვა ეროვნული სტრატეგიის მიზანი ეროვნული სტრატეგიის პრიორიტეტები დასკვნა
შესავალი ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების წინააღმდეგ ბრძოლის ეროვნული სტრატეგია (შემდგომში – ეროვნული სტრატეგია) და თანდართული სამოქმედო გეგმა, წარმოადგენს საქართველოს მთავრობის სამოქმედო დოკუმენტს, ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის მიზნით. ეროვნული სტრატეგია უზრუნველყოფს საქართველოს სრულ შესაბამისობას საერთაშორისო სტანდარტებთან, უპირველეს ყოვლისა, ფინანსური ქმედების სპეციალური ჯგუფის (Financial Action Task Force) 40 რეკომენდაციით და „ფინანსური სისტემის ფულის გათეთრების ან ტერორიზმის დაფინანსების მიზნით გამოყენების თავიდან აცილების შესახებ, ევროპარლამენტისა და საბჭოს N648/2012 რეგულაციაში ცვლილების შეტანის თაობაზე და ევროპარლამენტისა და საბჭოს 2005/60/EC დირექტივისა და კომისიის 2006/70/EC დირექტივის გაუქმების შესახებ“ ევროპარლამენტისა და საბჭოს 2015/849 (2018/843) დირექტივებით გათვალისწინებულ მოთხოვნებთან. ეროვნული სტრატეგია ეყრდნობა საქართველოში ფულის გათეთრების და ტერორიზმის დაფინანსების რისკების შეფასების ანგარიშსა და ევროპის საბჭოს ფულის გათეთრების წინააღმდეგ მიმართულ ღონისძიებათა შემფასებელ რჩეულ ექსპერტთა კომიტეტის (MONEYVAL) მიერ საქართველოს შეფასების ანგარიშში გამოთქმულ რეკომენდაციებს. აღნიშნულ დოკუმენტებში განხორციელებული ცვლილებები ან MONEYVAL-ის მიერ მიღებული შემდგომი რეკომენდაციები, აგრეთვე, ევროკავშირის ზემოაღნიშნული დირექტივის განახლება, საჭიროების შემთხვევაში არის ეროვნული სტრატეგიის გადახედვის/განახლების წინაპირობა. ეროვნული სტრატეგიის დოკუმენტი განსაზღვრავს მიზნის მისაღწევად აუცილებელ პრიორიტეტულ მიმართულებებს, ხოლო სამოქმედო გეგმა განსაზღვრავს პრიორიტეტული მიმართულების შესასრულებლად საჭირო შესაბამის მიზნებს, მიზნის მისაღწევად დაგეგმილ აქტივობებს, აქტივობის შესრულების ინდიკატორებს, მასზე პასუხისმგებელ უწყებებს, აგრეთვე აქტივობის ვადებს და აქტივობის შესასრულებლად საჭირო ბიუჯეტს. არსებული საკანონმდებლო და ინსტიტუციური მექანიზმების მიმოხილვა საქართველოში ფულის გათეთრებისა და ტერორიზმის დაფინანსების პრევენციის ძირითად სამართლებრივ ინსტრუმენტს წარმოადგენს „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონი, რომელიც მიღებულია 2019 წლის 30 ოქტომბერს და რომელმაც ჩაანაცვლა 2003 წლის 6 ივნისს მიღებული საქართველოს კანონი „უკანონო შემოსავლის ლეგალიზაციის აღკვეთის ხელშეწყობის შესახებ“. „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მიზანია საქართველოში ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის მიზნით ეფექტიანი სამართლებრივი მექანიზმის შექმნა. კანონი არეგულირებს საქართველოში ფულის გათეთრების და ტერორიზმის დაფინანსების რისკების შეფასების პროცესის მართვასთან დაკავშირებულ ურთიერთობებს; განსაზღვრავს ანგარიშვალდებული ინსტიტუტებისა და მათი საზედამხედველო ორგანოების ჩამონათვალს; ითვალისწინებს მათ ვალდებულებებს პრევენციული ღონისძიებების, მათ შორის, რისკების შესაბამისად გაძლიერებული და გამარტივებული პრევენციული ზომების გატარებასთან დაკავშირებულ ვალდებულებებს, აგრეთვე, ანგარიშვალდებული პირების ვალდებულებას – მიაწოდონ სსიპ − საქართველოს ფინანსური მონიტორინგის სამსახურს ინფორმაცია საეჭვო გარიგების შესახებ; ადგენს სსიპ − საქართველოს ფინანსური მონიტორინგის სამსახურის სტატუსსა და მის უფლება-მოვალეობებს; ითვალისწინებს ფულის გათეთრებისა და ტერორიზმის დაფინანსების აღკვეთის სფეროში ადგილობრივ და საერთაშორისო თანამშრომლობასთან დაკავშირებულ მოთხოვნებს. კანონში ცალკე თავი ეთმობა გაეროს უშიშროების საბჭოს რეზოლუციების შესრულებასთან დაკავშირებულ ვალდებულებებს. „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მოთხოვნების აღსრულების მიზნით, სსიპ − საქართველოს ფინანსური მონიტორინგის სამსახური და საზედამხედველო ორგანოები გამოსცემენ კანონქვემდებარე ნორმატიულ აქტებს, რომელთა მიზანია ანგარიშვალდებული ინსტიტუტების მიერ კლიენტებისა და მათი ბენეფიციარი მესაკუთრეების იდენტიფიკაცია-ვერიფიკაციასთან დაკავშირებული ურთიერთობების, აგრეთვე, ფულის გათეთრების და ტერორიზმის დაფინანსების თვალსაზრისით მოწყვლადი გარიგებების შესახებ ინფორმაციის სსიპ − საქართველოს ფინანსური მონიტორინგის სამსახურისთვის წარდგენასთან დაკავშირებული ურთიერთობების რეგულირება. საზედამხედველო ორგანოების სამართლებრივი აქტებით განსაზღვრულია პასუხისმგებლობის ზომები ანგარიშვალდებული პირების მიერ კანონმდებლობით მათზე დაკისრებული ვალდებულებების შეუსრულებლობის შემთხვევაში. „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონი ითვალისწინებს პრევენციული ღონისძიებების გატარებაზე პასუხისმგებელ ანგარიშვალდებულ პირებს და მათ საზედამხედველო ორგანოებს: - საქართველოს ეროვნული ბანკი – არასაბანკო სადეპოზიტო დაწესებულებების − საკრედიტო კავშირებისთვის; ვალუტის გადამცვლელი პუნქტებისთვის; კომერციული ბანკებისთვის; მიკროსაფინანსო ორგანიზაციებისთვის; საბროკერო კომპანიებისთვის; საგადახადო მომსახურების პროვაიდერებისთვის; სესხის გამცემი სუბიექტისათვის; ფასიანი ქაღალდების რეგისტრატორებისთვის, საინვესტიციო ფონდისთვის ვირტუალური აქტივის მომსახურების პროვაიდერისათვის, მიკრობანკისათვის; - საჯარო სამართლის იურიდიული პირი – საქართველოს დაზღვევის სახელმწიფო ზედამხედველობის სამსახური – სადაზღვევო ორგანიზაციებისათვის და არასახელმწიფო საპენსიო სქემის დამფუძნებლებისათვის, სადაზღვევო ბროკერებისა და გადაზღვევის ბროკერებისთვის; - საქართველოს ფინანსთა სამინისტრო – ლატარიის ორგანიზატორისთვის, აზარტული ან მომგებიანი თამაშობის ორგანიზატორებისთვის; ძვირფასი ქვებით ან ლითონებით ვაჭრობის განმახორციელებელი პირებისთვის; სალიზინგო კომპანიებისათვის; შემოსავლების სამსახურისათვის; - საქართველოს იუსტიციის სამინისტრო – ნოტარიუსებისა და სსიპ − საჯარო რეესტრის ეროვნული სააგენტოსათვის. - საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულება − ბუღალტრული აღრიცხვის, ანგარიშგებისა და აუდიტის ზედამხედველობის სამსახური; - სერტიფიცირებული ბუღალტერისათვის, პროფესიული მომსახურების გამწევი ბუღალტერისათვის, საბუღალტრო ფირმისათვის, აუდიტორისათვის, აუდიტორული (აუდიტური) ფირმისათვის; - სსიპ − საქართველოს ადვოკატთა ასოციაცია − ადვოკატებისათვის, საადვოკატო ბიუროსათვის. მოქმედი კანონმდებლობის თანახმად, საზედამხედველო ორგანოებს ეკისრებათ პასუხისმგებლობა ანგარიშვალდებული პირების მიერ კანონმდებლობით გათვალისწინებული ვალდებულებების შესრულების შემოწმებისათვის. „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონი განსაზღვრავს ასევე საქართველოს ფინანსური მონიტორინგის სამსახურის ამოცანებსა და ძირითად ფუნქციებს. საჯარო სამართლის იურიდიული პირი − საქართველოს ფინანსური მონიტორინგის სამსახური, როგორც დამოუკიდებელი ორგანო, ანგარიშვალდებული პირებისგან იღებს, აანალიზებს და დასაბუთებული ვარაუდის გაჩენის შემთხვევაში, რომ გარიგება საეჭვოა და ხორციელდება ფულის გათეთრების ან ტერორიზმის დაფინანსების ან სხვა დანაშაულის ჩადენის მიზნით, გადასცემს სათანადო ინფორმაციას სამართალდამცავ ორგანოებს. სამართალდამცავი ორგანოები, თავის მხრივ, კანონით გათვალისწინებულ შემთხვევაში აღჭურვილი არიან სსიპ − საქართველოს ფინანსური მონიტორინგის სამსახურიდან ინფორმაციის გამოთხოვის უფლებით. საქართველოს სისხლის სამართლის კოდექსი ახდენს უკანონო შემოსავლის ლეგალიზაციის (ფულის გათეთრების) კრიმინალიზაციას. მის პრედიკატს წარმოადგენს საქართველოს სისხლის სამართლის კოდექსით გათვალისწინებული ყველა დანაშაული. ეს სრულ შესაბამისობაშია ფინანსური მოქმედების სპეციალური ჯგუფის (FATF) სტანდარტებთან. ამასთან, საქართველოს სისხლის სამართლის კოდექსი ახდენს ტერორიზმის დაფინანსების, ტერორისტული საქმიანობის სხვაგვარი მატერიალური მხარდაჭერის ან რესურსებით უზრუნველყოფის (ტერორიზმის დაფინანსების) კრიმინალიზაციას, რომელიც სრულ შესაბამისობაშია ფინანსური მოქმედების სპეციალური ჯგუფის (FATF) სტანდარტებთან. საქართველოს მიერ ტერორიზმის დაფინანსების დანაშაულის კრიმინალიზაციის კუთხით გადადგმული ნაბიჯები დადებითად შეფასდა საქართველოს შესახებ ევროპის საბჭოს ფულის გათეთრების წინააღმდეგ მიმართულ ღონისძიებათა შემფასებელ რჩეულ ექსპერტთა კომიტეტის (MONEYVAL) 2020 წლის ანგარიშში. ფულის გათეთრების კრიმინალიზაციასთან ერთად, საქართველოს სისხლის სამართლის კოდექსი (52-ე მუხლი) ადგენს ქონების ჩამორთმევის სისხლისსამართლებრივ მექანიზმს, რაც დანაშაულის წინააღმდეგ ბრძოლის ეფექტიან საშუალებას წარმოადგენს. იგი ითვალისწინებს დანაშაულის საგნის ან/და იარაღის, დანაშაულის ჩასადენად გამიზნული ნივთის ან/და დანაშაულებრივი გზით მოპოვებული ქონების ჩამორთმევას. მნიშვნელოვანია აღინიშნოს, რომ ეს მექანიზმი ასევე მოიცავს დანაშაულის გზით მოპოვებული ქონების ეკვივალენტურ ქონებას. საქართველოს სამოქალაქო საპროცესო კოდექსი (თავი XLIV1) ადგენს სამოქალაქო სამართალწარმოების წესით რეკეტული ქონების, თანამდებობის პირის, „ქურდული სამყაროს“ წევრის, ადამიანით მოვაჭრის, ნარკოტიკული საშუალების გავრცელების ხელშემწყობის ან საქართველოს სისხლის სამართლის კოდექსის 194-ე ან/და 3311 მუხლით გათვალისწინებული დანაშაულისათვის მსჯავრდებული პირის, მისი ოჯახის წევრის, ახლო ნათესავის ან/და დაკავშირებული პირის უკანონო ან/და დაუსაბუთებელი ქონების ჩამორთმევის მექანიზმს. იგი მნიშვნელოვანია ფულის გათეთრების წინააღმდეგ ბრძოლაში, რადგან ამ დროს, ქონების ჩამორთმევის სისხლისსამართლებრივი მექანიზმისგან განსხვავებით, ჩამორთმევას დაქვემდებარებულ ქონებასთან მიმართებაში ხდება მტკიცების ტვირთის ცვლილება და მათ შორის მოპასუხე მხარეს ეკისრება ქონების კანონიერი წარმომავლობის დასაბუთების ვალდებულება. „სისხლის სამართლის სფეროში საერთაშორისო თანამშრომლობის შესახებ“ საქართველოს კანონი განსაზღვრავს სისხლის სამართლის საქმეებზე, მათ შორის უკანონო შემოსავლის ლეგალიზაციისა და ტერორიზმის დაფინანსების საქმეებზე სამართლებრივი დახმარების აღმოჩენის, ექსტრადიციის და განაჩენის აღსრულების პროცედურებს. „სამართალდაცვით სფეროში საერთაშორისო თანამშრომლობის შესახებ“ საქართველოს კანონი არეგულირებს სამართალდაცვით სფეროში საერთაშორისო თანამშრომლობის საკითხებს, რომლებიც უკავშირდება ოპერატიულ-სამძებრო ინფორმაციისა და პერსონალური მონაცემების გაცვლას, ოპერატიულ-სამძებრო ღონისძიებების განხორციელებას და საქართველოს სამართალდამცავი ორგანოების კომპეტენციისათვის მიკუთვნებულ სხვა სფეროებს, რომლებშიც საქართველოს სამართალდამცავი ორგანოები თანამშრომლობენ საზღვარგარეთის ქვეყნის სამართალდამცავ ორგანოებთან ან საერთაშორისო ორგანიზაციის შესაბამის სტრუქტურებთან. აღნიშნული თანამშრომლობა ხორციელდება, მათ შორის, უკანონო შემოსავლის ლეგალიზაციისა და ტერორიზმის დაფინანსების თავიდან აცილების, გამოვლენის ან აღკვეთის მიზნით. საქართველოს კანონმდებლობის თანახმად, ფულის გათეთრების საქმეებზე გამოძიებისა და სისხლისსამართლებრივი დევნის წარმოება წარმოადგენს საქართველოს პროკურატურის კომპეტენციას. საქართველოს გენერალური პროკურატურის საგამოძიებო ნაწილში შექმნილია უკანონო შემოსავლის ლეგალიზაციაზე სისხლისსამართლებრივი დევნის სამმართველო (სპეციალიზებული დანაყოფი), რომელიც გამოძიებას ატარებს და სისხლისსამართლებრივ დევნას ახორციელებს კომპლექსური ხასიათის ფულის გათეთრების საქმეებზე. პრედიკატი დანაშაულის ქვემდებარეობის, დანაშაულის გამოვლენისა და საქმის სირთულის გათვალისწინებით, ფულის გათეთრების საქმეები შესაძლებელია უშუალოდ ან ჯგუფის ფარგლებში, საქართველოს გენერალური პროკურატურის სპეციალურ დანაყოფთან ერთად, გამოიძიოს სხვა საგამოძიებო უწყებამ. ამ შემთხვევაში სამართალდამცავი ორგანოების საერთო კოორდინაციას ახორციელებს საქართველოს პროკურატურა, რომელშიც წამყვანი როლი უკავია სპეციალიზებულ დანაყოფს. საქართველოს კანონმდებლობის თანახმად, ტერორიზმის დაფინანსების საქმეებზე გამოძიების წარმოება წარმოადგენს საქართველოს სახელმწიფო უსაფრთხოების სამსახურის კომპეტენციას, ხოლო სისხლისსამართლებრივ დევნას ახორციელებს საქართველოს პროკურატურა. საქართველოს შესახებ ევროპის საბჭოს ფულის გათეთრების წინააღმდეგ მიმართულ ღონისძიებათა შემფასებელ რჩეულ ექსპერტთა კომიტეტის (MONEYVAL) 2020 წლის ანგარიშში დადებითად შეფასდა საქართველოს მიერ ტერორიზმის დაფინანსების გამოძიებისა და სისხლისსამართლებრივი დევნის კუთხით გადადგმული ნაბიჯები, მიღწეულ იქნა რა ეფექტიანობის არსებითი დონე ამ მიმართულებით. საქართველოს კანონი „ოკუპირებული ტერიტორიების შესახებ“, არეგულირებს/ზღუდავს ოკუპირებულ ტერიტორიებზე გადაადგილებასა და ეკონომიკურ საქმიანობას. საქართველოს შეზღუდული აქვს შესაძლებლობა, განახორციელოს ფაქტობრივი იურისდიქცია რუსეთის მიერ ოკუპირებულ აფხაზეთსა და ცხინვალის რეგიონში, სადაც რუსეთი ახორციელებს ეფექტიან კონტროლს, რაც დადასტურებულია საერთაშორისო სასამართლოების (ადამიანის უფლებათა ევროპული სასამართლო, სისხლის სამართლის საერთაშორისო სასამართლო) მიერ. ეროვნული სტრატეგიის მიზანი ეროვნული სტრატეგიის მიზანია საქართველოში საერთაშორისო სტანდარტებთან სრულად თავსებადი ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის ეროვნული მექანიზმების არსებობის უზრუნველყოფა, რაც თავის მხრივ ხელს შეუწყობს ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელებასთან დაკავშირებული დანაშაულების წინააღმდეგ ეფექტიან ბრძოლას. ეროვნული სტრატეგიის პრიორიტეტები I. სახელმწიფო ორგანოების მიერ, ფულის გათეთრების რისკების პროპორციულად, პრიორიტეტების განსაზღვრის და რესურსების ეფექტიანი განაწილების უზრუნველყოფა წინამდებარე სტრატეგიის ერთ-ერთ მნიშვნელოვან მიმართულებას წარმოადგენს საერთო ეროვნულ დონეზე ფულის გათეთრების რისკების პროპორციულად, შესაბამისი სახელმწიფო ინსტიტუტებისა და კერძო სექტორის მიერ რესურსების ეფექტიანი და ადეკვატური განაწილების უზრუნველყოფა, რაც მიიღწევა საქართველოში ფულის გათეთრების და ტერორიზმის დაფინანსების რისკების შეფასების ანგარიშის პერიოდული განახლებით და რისკების შეფასების დოკუმენტით გამოვლენილი სირთულეების აღმოფხვრის მიზნით შესაბამის სექტორებში კანონმდებლობით და სახელმწიფო ზედამხედველობის პოლიტიკით განსაზღვრული მექანიზმების გადასინჯვით, ან საჭიროების შემთხვევაში, ახალი მექანიზმების დანერგვით. II. ფულის გათეთრების წინააღმდეგ ბრძოლის სფეროში მოქმედი საერთაშორისო სტანდარტების გათვალისწინებით საქართველოს საკანონმდებლო ჩარჩოს შემდგომი სრულყოფა ეროვნული სტრატეგიის ერთ-ერთ მიმართულებას წარმოადგენს საქართველოს კანონმდებლობის შემდგომი დაახლოება საერთაშორისო სტანდარტებთან, რაც პირველ რიგში გულისხმობს ფინანსური ქმედების სპეციალური ჯგუფის (FATF) რეკომენდაციების, ევროკავშირის შესაბამისი დირექტივებისა და ამ სფეროში მოქმედი სხვა საერთაშორისო სტანდარტების შემგომ იმპლემენტაციას საქართველოს კანონმდებლობაში. ამ მიმართულებით განსაკუთრებით მნიშვნელოვანია ევროპის საბჭოს ფულის გათეთრების წინააღმდეგ მიმართულ ღონისძიებათა შემფასებელ რჩეულ ექსპერტთა (MONEYVAL) კომიტეტის ფულის გათეთრებისა და ტერორიზმის დაფინანსების აღკვეთის მექანიზმების ეფექტიანობისა და ფინანსური ქმედების სპეციალური ჯგუფის (FATF) რეკომენდაციებთან შესაბამისობის საქართველოს მეხუთე რაუნდის შეფასების ანგარიშით გათვალისწინებული რეკომენდაციების იმპლემენტაცია საქართველოს კანონმდებლობაში. აგრეთვე, „ფინანსური სისტემის ფულის გათეთრების ან ტერორიზმის დაფინანსების მიზნით გამოყენების თავიდან აცილების შესახებ, ევროპარლამენტისა და საბჭოს N648/2012 რეგულაციაში ცვლილების შეტანის თაობაზე და ევროპარლამენტისა და საბჭოს 2005/60/EC დირექტივისა და კომისიის 2006/70/EC დირექტივის გაუქმების შესახებ“ ევროპარლამენტისა და საბჭოს 2015/849 (2018/843) დირექტივებთან საქართველოს კანონმდებლობის შემდგომი დაახლოების უზრუნველყოფა. III. ფულის გათეთრების წინააღმდეგ ბრძოლის სფეროში არსებული ეროვნული ინსტიტუციური სისტემის შემდგომი გაძლიერება წინამდებარე სტრატეგიის ერთ-ერთ მნიშვნელოვან მიმართულებას წარმოადგენს ეროვნული ინსტიტუციური სისტემის შემდგომი გაძლიერება. ამ მიმართულებით მნიშვნელოვანია ისეთი სამსახურების ინსტიტუციური გაძლიერება, როგორიცაა ფინანსური დაზვერვის სამსახური, საზედამხედველო ორგანოები და სამართალდამცავი უწყებები. საქართველოში ფულის გათეთრების და ტერორიზმის დაფინანსების რისკების შეფასების ანგარიშით იდენტიფიცირებული რისკების გათვალისწინებით, განსაკუთრებით აქტუალურია MONEYVAL-ის შეფასების ანგარიშით განსაზღვრული არასაფინანსო ანგარიშვალდებული ინსტიტუტების მიერ ფულის გათეთრების პრევენციული კანონმდებლობის შესრულებაზე საზედამხედველო მექანიზმების სრულყოფა და ამ მიზნით შესაბამისი, ეფექტიანი, საკანონმდებლო და ინსტიტუციური ღონისძიებების განხორციელება. ქვეყნისათვის მიმდინარე პრიორიტეტულ მიმართულებას წარმოადგენს ასევე გაერთიანებული ერების ორგანიზაციის უშიშროების საბჭოს რეზოლუციების მარეგულირებელი ინსტიტუციური ჩარჩოს გაძლიერებაც, რაც გულისხმობს, მათ შორის მასობრივი განადგურების იარაღის გავრცელების დაფინანსების წინააღმდეგ მიმართული სანქციების შესრულების მექანიზმის ეროვნულ დონეზე გაუმჯობესებასაც. IV. ფულის გათეთრებასა და ტერორიზმის დაფინანსებასთან დაკავშირებული დანაშაულების გამოძიებისა და ამ მიმართულებით სისხლისსამართლებრივი დევნის შემდგომი ეფექტიანობის უზრუნველყოფა სტრატეგიის ერთ-ერთ მიმართულებას წარმოადგენს ფულის გათეთრების საქმეებზე გამოძიებისა და სისხლისსამართლებრივი დევნის წარმოების ეფექტიანობის შემდგომი გაძლიერება. ეს მათ შორის მოიცავს ფინანსური მონიტორინგის სამსახურსა და სამართალდამცავ ორგანოებს შორის ფინანსური მონიტორინგის სამსახურიდან მიღებულ ინფორმაციაზე გატარებული ღონისძიებების შესახებ ინფორმაციის რეგულარული გაზიარების მექანიზმის შემდგომ სრულყოფას. V. ანგარიშვალდებული პირების მიერ ფულის გათეთრების წინააღმდეგ ბრძოლის სფეროში არსებული ვალდებულებების ჯეროვანი შესრულების ხელშეწყობა, განსაკუთრებით იმ სფეროებში, სადაც მაღალია ფულის გათეთრების რისკი ეროვნული სტრატეგიის ერთ-ერთ მნიშვნელოვან მიმართულებას ანგარიშვალდებული პირების მიერ ფულის გათეთრების წინააღმდეგ ბრძოლის სფეროში არსებული საკანონმდებლო ვალდებულებების სათანადოდ შესრულების უზრუნველყოფა წარმოადგენს. აღნიშნულიდან გამომდინარე, აუცილებელია საერთაშორისო რეკომენდაციების გათვალისწინებით გაგრძელდეს მუშაობა სახელმძღვანელო და სარეკომენდაციო დოკუმენტების შემუშავებაზე ანგარიშვალდებული პირებისთვის და მათთვის შესაბამისი ტრენინგებისა და საკონსულტაციო შეხვედრების ორგანიზებაზე, განსაკუთრებით არასაფინანსო ინსტიტუტების მხრიდან ფულის გათეთრების აღკვეთის რეგულაციების თაობაზე ცნობადობის ამაღლების მიმართულებით. VI. საერთაშორისო და ადგილობრივი თანამშრომლობის გაძლიერება წინამდებარე სტრატეგიის ერთ-ერთ მიმართულებას ფულის გათეთრების წინააღმდეგ ბრძოლის სფეროში კომპეტენტური სახელმწიფო და თვითმმარეგულირებელი ორგანიზაციების ადგილობრივი თანამშრომლობის, ასევე მათი უცხოელ კოლეგებთან საერთაშორისო თანამშრომლობის შემდგომი გაძლიერება წარმოადგენს. დასკვნა ეროვნული სტრატეგიით განსაზღვრული მიზნებისა და პრიორიტეტების იმპლემენტაციის უზრუნველსაყოფად სტრატეგიას თან ერთვის სამოქმედო გეგმა, რომელიც ითვალისწინებს კონკრეტულ მიზნებს, აღნიშნული მიზნების მისაღწევად გათვალისწინებულ დაგეგმილ აქტივობებს, აქტივობის შესრულების ინდიკატორებს, მათ იმპლემენტაციაზე პასუხისმგებელ უწყებებსა და შესრულების ვადებსა და სათანადო ბიუჯეტს. წინამდებარე სტრატეგიის და სამოქმედო გეგმის შესრულებაზე ზედამხედველობას უზრუნველყოფს საქართველოს მთავრობის 2022 წლის 31 მაისის №273 დადგენილებით შექმნილი, ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის მიზნით, მუდმივმოქმედი უწყებათაშორისი კომისია. |
ფულის გათეთრებისა და ტერორიზმის დაფინანსების, აგრეთვე მასობრივი განადგურების იარაღის გავრცელების დაფინანსების პრევენციის, გამოვლენისა და აღკვეთის ხელშეწყობის ეროვნული სტრატეგიის განხორციელების 2023 − 2026 წლების სამოქმედო გეგმა
|
[1] საზედამხედველო ორგანოები – „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მე-4 მუხლით განსაზღვრული პირები. [2] „ანგარიში“ – იგულისხმება, მხოლოდ საბანკო ანგარიშები.
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
დოკუმენტის კომენტარები