,,საქართველოს პარლამენტის 2003 წლის 2 ნოემბრის პროპორციული სისტემით 2004 წლის 28 მარტს ჩასატარებელი ხელახალი არჩევნებისათვის ზოგიერთი საარჩევნო ღონისძიების ახალი ვადის განსაზღვრის შესახებ”

საქართველოს ცენტრალური საარჩევნო კომისიის

დადგენილება №21/2004

2004 წლის 11 თებერვალი

ქ. თბილისი

საქართველოს პარლამენტის 2003 წლის 2 ნოემბრის პროპორციული სისტემით 2004 წლის 28 მარტს ჩასატარებელი ხელახალი არჩევნებისათვის ზოგიერთი საარჩევნო ღონისძიების ახალი ვადის განსაზღვრის შესახებ

საქართველოს ორგანული კანონის „საქართ­ველოს საარჩევნო კოდექსი” 29-ე მუხლის პირველი პუნქტის „გ” ქვეპუნქტის საფუძველზე, საქართველოს ცენტრალური საარჩევნო კომისია ადგენს:

მუხლი 1. საქართველოს პარლამენტის 2003 წლის 2 ნოემბრის პროპორციული სისტემით 2004 წლის 28 მარტს ჩასატარებელი ხელახალი არჩევნებისათვის განისაზღვროს ზოგიერთი საარჩევნო ღონისძიების ახალი ვადები:

არა უგვიანეს 2004 წლის:

ა) 19 თებერვლისა ცესკოს თავმჯდომარისათვის რეგისტრირებული პარტიების მიერ საარჩევნო ბლოკის შექმნის შესახებ განცხადებისა და საარჩევნო ბლოკის წესდების წარდგენა;

ბ) 20 თებერვლისა ცესკოს თავმჯდომარისათვის ცესკოს სათანადო სამსახურის მიერ საარჩევნო ბლოკში გაერთიანების სურვილის მქონე რეგისტრირებული პარტიების მიერ წარმოდგენილი საბუთების თაობაზე დასკვნის წარდგენა;

გ) 21 თებერვლისა ცესკოს თავმჯდომარის მიერ საარჩევნო ბლოკისა და მისი წარმომადგენლის რეგისტრაციაში გატარება, ხოლო საბუთების კანონის მოთხოვნებთან შეუსაბამობის შემთხვევაში ბლოკის წარმომადგენლისათვის შეუსაბამობის თაობაზე წერილობითი ცნობება;

დ) 23 თებერვლისა დაბლოკების მსურველი რეგისტრირებული პარტიების მიერ შესწორებული საბუთების დაბრუნება ცესკოს თავმჯდომარისათვის;

ე) 25 თებერვლისა ცესკოს თავმჯდომარის მიერ საარჩევნო ბლოკისა და მისი წარმომადგენლის რეგისტაციის შესახებ საბოლოო გადაწყვეტილების მიღება.

მუხლი 2. ეს დადგენილება შეიძლება გასაჩივრდეს თბილისის საოლქო სასამართლოში (მისამართი: ქ. თბილისი, გრ. რობაქიძის გამზ. №7ა) მისი მიღებიდან 3 კალენდარული დღის ვადაში.

მუხლი 3. ეს დადგენილება ამოქმედდეს გამოქვეყნებისთანავე.

კომისიის თავმჯდომარე             ზ. ჭიაბერაშვილი

კომისიის მდივანი                დ. ქიტოშვილი