„სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2022 წლის 30 დეკემბრის №612 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2022 წლის 30 დეკემბრის №612 დადგენილებაში ცვლილების შეტანის თაობაზე
დოკუმენტის ნომერი	127
დოკუმენტის მიმღები	საქართველოს მთავრობა
მიღების თარიღი	28/03/2023
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 29/03/2023
სარეგისტრაციო კოდი	190020010.10.003.023960

PDF გადმოწერა

„სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2022 წლის 30 დეკემბრის №612 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ “ საქართველოს ორგანული კანონის მე -20 მუხლის მე -4 პუნქტის შესაბამისად , „სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ “ საქართველოს მთავრობის 2022 წლის 30 დეკემბრის №612 დადგენილებაში (www.matsne.gov.ge, 30/12/2022, 190020010.10.003.023823) შეტანილ იქნეს ცვლილება და დადგენილების :

1. პირველი მუხლის პირველი პუნქტი ჩამოყალიბდეს შემდეგი რედაქციით :

„1. განისაზღვროს შესყიდვების ერთიანი ლექსიკონის (CPV კოდების ) მიხედვით კლასიფიკატორის კოდები და ზოგიერთი CPV კოდის მონეტარული ზღვრები , რომელთა ფარგლებში საქართველოს მთავრობის /პრემიერ -მინისტრის კონტროლს დაქვემდებარებული /ანგარიშვალდებული საბიუჯეტო ორგანიზაციების მიერ , საქართველოს სამინისტროებისა და მათ კონტროლს დაქვემდებარებული საბიუჯეტო ორგანიზაციების მიერ , ასევე იმ საჯარო სამართლის იურიდიული პირების მიერ , რომელთა ხელმძღვანელებსაც ნიშნავს საქართველოს პრემიერ -მინისტრი , სახელმწიფო შესყიდვების განხორციელება საჭიროებს საქართველოს მთავრობის წინასწარ თანხმობას , წესის (დანართი №1) შესაბამისად .“.

2. წესის №1 დანართის :

ა ) პირველი მუხლი ჩამოყალიბდეს შემდეგი რედაქციით :

„მუხლი 1. შესყიდვების ერთიანი ლექსიკონის (CPV კოდების ) მიხედვით კლასიფიკატორის კოდებისა და ზოგიერთ CPV კოდზე მონეტარული ზღვრების (ცხრილი №1) ფარგლებში საქართველოს მთავრობის /პრემიერ -მინისტრის კონტროლს დაქვემდებარებული /ანგარიშვალდებული საბიუჯეტო ორგანიზაციების მიერ , საქართველოს სამინისტროებისა და მათ კონტროლს დაქვემდებარებული საბიუჯეტო ორგანიზაციების მიერ , ასევე იმ საჯარო სამართლის იურიდიული პირების მიერ , რომელთა ხელმძღვანელებსაც ნიშნავს საქართველოს პრემიერ -მინისტრი , სახელმწიფო შესყიდვების განხორციელება საჭიროებს საქართველოს მთავრობის წინასწარ თანხმობას .“;

ბ ) ცხრილი №1 ჩამოყალიბდეს შემდეგი რედაქციით :

„ცხრილი №1

CPV კოდი	დასახელება	მონეტარული ზღვარი (ლარი )	შენიშვნა
30200000	კომპიუტერული მოწყობილობები და აქსესუარები	15 000	მონეტარული ზღვარი გამოიყენება შემდეგი პრინციპით: ერთი სახელმწიფო შესყიდვის ფარგლებში განსახორციელებელი შესყიდვის ღირებულება აჭარბებს თითოეულ CPV კოდზე განსაზღვრულ მონეტარულ ზღვარს.“.
32300000	ტელე- და რადიოსიგნალის მიმღებები და აუდიო- ან ვიდეოგამოსახულების ჩამწერი ან აღწარმოების აპარატურა	20 000
39100000	ავეჯი	15 000
34100000	ავტოსატრანსპორტო საშუალებები
32200000	რადიოტელეფონიის, რადიოსატელეგრაფო, რადიო- და ტელემაუწყებლობის აპარატურა

“.

მუხლი 2

იმ შემსყიდველმა ორგანიზაციებმა, რომელთა მიერ განსახორციელებელი სახელმწიფო შესყიდვა ამ დადგენილების ამოქმედებამდე ექცეოდა „სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2022 წლის 30 დეკემბრის №612 დადგენილებით განსაზღვრულ რეგულაციებში, ამ დადგენილების ამოქმედების შემდეგ იხელმძღვანელონ „სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2022 წლის 30 დეკემბრის №612 დადგენილების მოქმედი რედაქციით.

მუხლი 3

დადგენილება ამოქმედდეს გამოქვეყნებისთანავე.

პრემიერ-მინისტრი ირაკლი ღარიბაშვილი