დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოს საგარეო საქმეთა სამინისტროსა და საბერძნეთის რესპუბლიკის საგარეო საქმეთა სამინისტროს შორის დიპლომატიური სწავლების სფეროში თანამშრომლობის შესახებ“ ურთიერთგაგების მემორანდუმი | |
---|---|
დოკუმენტის ნომერი | 34-51 |
დოკუმენტის მიმღები | საქართველოს საგარეო საქმეთა მინისტრი |
მიღების თარიღი | 15/02/2023 |
დოკუმენტის ტიპი | საქართველოს საერთაშორისო ხელშეკრულება და შეთანხმება |
გამოქვეყნების წყარო, თარიღი | ვებგვერდი, 22/03/2023 |
ძალაში შესვლის თარიღი | 15/02/2023 |
სარეგისტრაციო კოდი | 480610000.03.030.016717 |
|
„საქართველოს საგარეო საქმეთა სამინისტროსა და საბერძნეთის რესპუბლიკის საგარეო საქმეთა სამინისტროს შორის დიპლომატიური სწავლების სფეროში თანამშრომლობის შესახებ“ ურთიერთგაგების მემორანდუმი
|
საქართველოს საგარეო საქმეთა სამინისტრო და საბერძნეთის რესპუბლიკის საგარეო საქმეთა სამინისტრო, შემდგომში „მხარეები“,
სურთ რა თანამშრომლობის ჩამოყალიბება და განვითარება ერთობლივი კვლევებისა და პერსონალის სწავლების სფეროში, თავიანთ შესაბამის დიპლომატიურ სამსახურებს შორის ურთიერთობათა გაძლიერების ფარგლებში, მიაჩნიათ რა, რომ საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტი და საბერძნეთის რესპუბლიკის საგარეო საქმეთა სამინისტროს დიპლომატიური აკადემია წარმოადგენს სახელმწიფო ინსტიტუტებს, რომლებიც პასუხისმგებელნი არიან წინამდებარე ურთიერთგაგების მემორანდუმის (შემდგომში „მემორანდუმი“) განხორციელებაზე, შეთანხმდნენ შემდეგზე: მუხლი 1 წინამდებარე მემორანდუმის მიზანია დიპლომატიური სწავლების სფეროში თანამშრომლობის საერთო ჩარჩოს შემუშავება, თავიანთი დიპლომატიური სამსახურების საქმიანობისა და პოლიტიკის შესახებ ცნობიერების ამაღლებისა და ინფორმაციის გაღრმავების მიზნით. მუხლი 2 თანამშრომლობა წინამდებარე მემორანდუმის ფარგლებში, სხვა საკითხებთან ერთად, მოიცავს შემდეგს:
მუხლი 3 წინამდებარე მემორანდუმის ფარგლებში ნებისმიერი საქმიანობის განხორციელება მოითხოვს მხარეთა შორის წინასწარ კოორდინაციასა და ურთიერთთანხმობას. ამ მიზნით, აუცილებლობის შემთხვევაში, მხარეთა შორის შეიძლება გაფორმდეს ოქმი, რომელიც ითვალისწინებს შეთავაზებული გაცვლების ფინანსურ პირობებს. მუხლი 4 ნებისმიერი დავა, რომელიც შეიძლება წარმოიშვას წინამდებარე მემორანდუმის განმარტებასა და გამოყენებასთან დაკავშირებით, გადაწყდება მხარეთა შორის კონსულტაციების და/ან მოლაპარაკებების გზით. მუხლი 5 წინამდებარე მემორანდუმით გათვალისწინებულ საქმიანობათა განხორციელება დამოკიდებულია შესაბამისი სახსრების არსებობაზე. მუხლი 6 წინამდებარე მემორანდუმით გათვალისწინებულ საქმიანობათა განხორციელებისას მხარეები იმოქმედებენ თავიანთი შიდა კანონმდებლობის შესაბამისად. მუხლი 7 წინამდებარე მემორანდუმში, მხარეთა ურთიერთშეთანხმების საფუძველზე, შეიძლება შეტანილ იქნეს ცვლილებები და დამატებები, რომლებიც გაფორმდება ცალკე დოკუმენტის სახით და ძალაში შევა ამ მემორანდუმის მე-8 მუხლის შესაბამისად. აღნიშნული სახით მიღებული დოკუმენტები წარმოადგენენ ამ მემორანდუმის განუყოფელ ნაწილს. მუხლი 8 წინამდებარე მემორანდუმი ძალაში შედის ხელმოწერის დღიდან. იგი ძალაში რჩება სამი (3) წლის ვადით და ავტომატურად გაგრძელდება შემდგომი სამწლიანი პერიოდებით. თითოეულ მხარეს შეუძლია შეწყვიტოს წინამდებარე მემორანდუმის მოქმედება მეორე მხარისათვის სამი თვით ადრე, დიპლომატიური არხების მეშვეობით, წერილობითი შეტყობინების გაგზავნის გზით. შესრულებულია ქ. ათენში, 2023 წლის 15 თებერვალს, ორ დედნად, ინგლისურ ენაზე.
|
|
დოკუმენტის კომენტარები