„ტყის სტატუსის მინიჭების, შეწყვეტისა და ტყის საზღვრების დადგენისა და კორექტირების/შეცვლის შესახებ დებულების დამტკიცების თაობაზე“ საქართველოს მთავრობის 2021 წლის 6 ოქტომბრის №496 დადგენილებაში ცვლილების შეტანის შესახებ

1.  მე-6 მუხლს დაემატოს შემდეგი შინაარსის მე-4 პუნქტი:

„4.  ამ მუხლის მესამე პუნქტით გათვალისწინებული შეთანხმებული შუამდგომლობა  არ უნდა მოიცავდეს სასარგებლო წიაღისეულის სფეროში გაცემული ლიცენზიებისა და შეთანხმების მომენტისთვის ლიცენზიის გაცემისთვის გამოცხადებული აუქციონების ფარგლებში არსებულ ფართობებს, ასევე სასარგებლო წიაღისეულის იმ არსებული საბადოების ფართობებს, რომლებზეც შეთანხმების მომენტისთვის დამტკიცებულია/შესწავლილია მარაგები.“.

2. მე-12 მუხლის მე-3 პუნქტი ჩამოყალიბდეს შემდეგი რედაქციით:

„3. ამ მუხლის პირველი პუნქტის „გ“ ქვეპუნქტით  გათვალისწინებულ შემთხვევაში, საკომპენსაციო საფასური ერთ ჰექტარამდე ფართობზე განისაზღვრება 100 000 ლარის ოდენობით, რაც წარმოადგენს ტყის მართვის ორგანოს დაფინანსების წყაროს. აღნიშნული საკომპენსაციო თანხები გამოიყენება მხოლოდ ტყის აღდგენის ღონისძიებებისთვის.“.

3.  მე-16 მუხლის მე-2 პუნქტი ჩამოყალიბდეს შემდეგი რედაქციით:

„2. ამ მუხლის პირველი პუნქტით განსაზღვრული საკომპენსაციო საფასურის გადახდის ვალდებულება არ ვრცელდება ამ დებულების მე-20 მუხლის პირველი პუნქტის „გ“ ქვეპუნქტითა და მე-2 პუნქტით გათვალისწინებულ ტყის საზღვრის კორექტირების შემთხვევებზე.“.

4. მე-16 მუხლს დაემატოს შემდეგი შინაარსის 2¹ პუნქტი:

„2¹. მე-12 მუხლის პირველი პუნქტის „გ“ ქვეპუნქტით გათვალისწინებულ შემთხვევაში, ტყის სტატუსის შეწყვეტისას დაინტერესებული პირი იხდის მხოლოდ მე-12 მუხლის მე-3 პუნქტით გათვალისწინებულ საკომპენსაციო საფასურს.“.

5. მე-20 მუხლს დაემატოს შემდეგი შინაარსის მე-3 პუნქტი:

„3. ამ მუხლის პირველი პუნქტის „ბ“ და „გ“ ქვეპუნქტებით გათვალისწინებული ტყის საზღვრის კორექტირების შემთხვევები არ საჭიროებს სამინისტროს დასკვნას.“.