„ბორჯომის მუნიციპალიტეტის მერიის ინფრასტრუქტურისა და ზედამხედველობის სამსახურის დებულების დამტკიცების შესახებ“ ბორჯომის მუნიციპალიტეტის საკრებულოს 2021 წლის 17 მარტის N11 დადგენილებაში ცვლილების შეტანის შესახებ

1. მე-3 მუხლის მე-2 პუნქტის „ი“ ქვეპუნქტი ჩამოყალიბდეს შემდეგი რედაქციით:

ი) წვრილფეხა და მსხვილფეხა პირუტყვის ყოფნის აკრძალვასთან დაკავშირებულ ადმინისტრაციულ სამართალდარღვევებზე რეაგირება, პირუტყვის სპეციალურ ადგილზე გადაყვანა, მისი მოვლა-პატრონობა (მათ შორის -კვება), სპეციალურ ადგილზე გადაყვანისა და მოვლა-პატრონობის ხარჯების დაანგარიშება, ასევე  სამართალდარღვევის ოქმების შედგენა „საქართველოს ადმინისტრაციულ სამართალდარღვევათა კოდექსის“ 209​3 მუხლის პირველი ნაწილის შესაბამისად (დაბა ბაკურიანისა და სოფელი დიდი მიტარბის ტერიტორიის გარდა);

2. მე-4 მუხლის პირველი პუნქტის ,,ზ“ ქვეპუნქტი ჩამოყალიბდეს შემდეგი რედაქციით:

 ზ) საქართველოს ადმინისტრაციულ სამართალდარღვევათა კოდექსის შესაბამისად მუნიციპალიტეტისთვის განსაზღვრული უფლებამოსილების ფარგლებში ადმინისტრაციულ სამართალდარღვევის ოქმის შედგენა და კანონმდებლობით განსაზღვრულ შემთხვევებში სასამართლოში წარდგენა.   

3. მე-7 მუხლის პირველი პუნქტის:

ა)  ,,ზ“ ქვეპუნქტი ჩამოყალიბდეს შემდეგი რედაქციით:

„ზ) მუნიციპალიტეტის იერსახეზე (რეკლამა, აბრა, აკუსტიკური ხმაური, გარე ვაჭრობა და ნარჩენებით ქალაქის დანაგვიანება) და საქართველოს ადმინისტრაციულ სამართალდარღვევათა კოდექსით გათვალისწინებულ სხვა დარღვევებზე მუნიციპალიტეტისთვის მინიჭებული უფლებამოსილების ფარგლებში მონიტორინგის წარმოება (გარდა დაბა ბაკურიანისა და სოფელ დიდი მიტარბის ტერიტორიაზე);“

ბ)  ,,თ“ ქვეპუნქტი ჩამოყალიბდეს შემდეგი რედაქციით:

„თ) წინამდებარე მე-7 მუხლის პირველი პუნქტის ,,ზ“ ქვეპუნქტში მითითებული დარღვევის გამოვლენის შემთხვევაში, მოქმედი კანონმდებლობის შესაბამისად, დამრღვევი ფიზიკური ან/და იურიდიული პირის მიმართ საქართველოს კანონმდებლობით დადგენილი პასუხისმგებლობის ზომების მიღება (ადმინისტრაციული სამართალდარღვევის ოქმის შედგენა და საქართველოს კანონმდებლობით გათვალისწინებულ შემთხვევებში სასამართლოსთვის წარდგენა, გარდა დაბა ბაკურიანისა და სოფელ დიდი მიტარბის ტერიტორიაზე);“

გ) ,,ნ“ ქვეპუნქტი ჩამოყალიბდეს შემდეგი რედაქციით:

„ნ) საქართველოს ადმინისტრაციულ სამართალდარღვევათა კოდექსით დადგენილ სხვა სამართალდარღვევებზე რეაგირება მუნიციპალიტეტისათვის განსაზღვრული უფლებამოსილების ფარგლებში.