ზოგიერთი სარჩევნო ღონისძიების ახალი ვადის განსაზღვრის შესახებ

სახელმწიფო სარეგისტრაციო კოდი 010.190.020.13.007.006.281

საქართველოს ცენტრალური საარჩევნო კომისიის

დადგენილება №66/2003

2003 წლის 30 დეკემბერი

ქ. თბილისი

ზოგიერთი საარჩევნო ღონისძიების ახალი ვადის განსაზღვრის შესახებ

ამომრჩევლების არჩევნებში მონაწილეობის კონსტიტუციური უფლების განხორციელების უზრუნველყოფის მიზნით, 2004 წლის 4 იანვრის საქართველოს პრეზიდენტის რიგგარეშე არჩევნების დღეს, მოსალოდნელი რთული მეტეოროლოგიური პირობების გამო საქართველოს ორგანული კანონის „საქართველოს საარჩევნო კოდექსის" 29-ე მუხლის პირველი პუნქტის „გ" ქვეპუნქტის საფუძველზე, საქართველოს ცენტრალური საარჩევნო კომისია ადგენს:

მუხლი 1

საარჩევნო უბნებში, სადაც მოსალოდნელია რთული მეტეოროლოგიური პირობები, კენჭისყრის დღედ განისაზღვროს 2004 წლის 2 იანვრიდან 6 იანვრის ჩათვლით, რომელსაც უშუალოდ დაადგენენ შესაბამისი საოლქო საარჩევნო კომისიები.

მუხლი 2

საარჩევნო ყუთის გახსნა და ხმების დათვლის პროცედურები განხორციელდეს შესაბამისი საოლქო საარჩევნო კომისიების მიერ მათ შესაბამის საარჩევნო ოლქებში ჩატარებული კენჭისყრის/არჩევნების შედეგების შეჯამებისას.

მუხლი 3

თუ საოლქო საარჩევნო კომისიების მიერ კენჭისყრის/არჩევნების შედეგების შეჯამებამდე ვერ მოესწრო ამ საარჩევნო უბნებიდან საარჩევნო დოკუმენტაციის/ხმის დათვლის შედეგების შესახებ ინფორმაციის მოწოდება, აღნიშნული დოკუმენტაცია/ინფორმაცია პირდაპირ გადაეცემა საქართველოს ცენტრალურ საარჩევნო კომისიას მის მიერ არჩევნების შედეგების შეჯამებამდე და შესაბამისად, ცესკოს მიერ განხორციელდება აღნიშნულ საარჩევნო უბნებში ჩატარებული კენჭისყრის შედეგების შეჯამება.

 მუხლი 4

ეს დადგენილება შეიძლება გასაჩივრდეს თბილისის საოლქო სასამართლოში (მისამართი: ქ. თბილისი, გრ. რობაქიძის გამზ. №7^ა) მისი მიღებიდან 3 კალენდარული დღის ვადაში.

 მუხლი 5.

ეს დადგენილება ამოქმედდეს გამოქვეყნებისთანავე.

ზურაბ ჭიაბერაშვილი

კომისიის თავმჯდომარე

დიმიტრი ქიტოშვილი

კომისიის მდივანი