დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ადმინისტრაციული ორგანოს სარგებლობაში არსებული შენობის ენერგომახასიათებლების შესახებ ხელშეკრულების, ანგარიშსწორების წესებისა და მხარეთა უფლება-მოვალეობების ნიმუშის დამტკიცების შესახებ | |
|---|---|
| დოკუმენტის ნომერი | 1-1/54 |
| დოკუმენტის მიმღები | საქართველოს ეკონომიკისა და მდგრადი განვითარების მინისტრი |
| მიღების თარიღი | 16/02/2023 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 17/02/2023 |
| ძალაში შესვლის თარიღი | 01/01/2025 |
| სარეგისტრაციო კოდი | 300390000.22.024.016784 |
|
„ნორმატიული აქტების შესახებ“ საქართველოს ორგანული კანონის მე-13 მუხლის პირველი პუნქტის და „ენერგოეფექტურობის შესახებ“ საქართველოს კანონის მე-13 მუხლის მე-2 და მე-8 პუნქტების შესაბამისად, ვბრძანებ: |
| მუხლი 1 |
1. დამტკიცდეს თანდართული „ადმინისტრაციული ორგანოს სარგებლობაში არსებული შენობის ენერგომახასიათებლების შესახებ ხელშეკრულების, ანგარიშსწორების წესებისა და მხარეთა უფლება-მოვალეობების ნიმუში“ (შემდგომში –
ხელშეკრულების ნიმუში).
2. ენერგომახასიათებლების შესახებ ხელშეკრულების მხარეთა ზოგადი უფლება-მოვალეობები, აგრეთვე, ენერგომახასიათებლების შესახებ ხელშეკრულებისთვის ანგარიშსწორების წესები განისაზღვრება ამ ბრძანებას თანდართული ხელშეკრულების ნიმუშის შესაბამისად. 3. ბრძანების თანდართული ხელშეკრულების ნიმუშით განისაზღვრება ადმინისტრაციული ორგანოს სარგებლობაში არსებული შენობის ენერგომახასიათებლების შესახებ ხელშეკრულების მინიმალური სტანდარტული პირობები. ამასთან, ადმინისტრაციული ორგანოს სარგებლობაში არსებული შენობის ენერგოეფექტურობის გაუმჯობესებისათვის არსებული საჭიროებების, აგრეთვე, ენერგომომსახურების მიმწოდებლის შესაძლებლობების გათვალისწინებით, დასაშვებია თანდართული ხელშეკრულების ნიმუშით დადგენილი პირობები შეიცვალოს მხარეთა შეთანხმების შესაბამისად ან/და ამ პირობებთან ერთად განისაზღვროს საქართველოს კანონმდებლობასთან შესაბამისი დამატებითი დებულებები. |
| მუხლი 2 |
ეს ბრძანება ამოქმედდეს 2025 წლის 1 იანვრიდან.
|
|
დოკუმენტის კომენტარები