„საქართველოს თავდაცვის სამინისტროს თავდაცვის ძალების გენერალური შტაბის დებულების დამტკიცების შესახებ“ საქართველოს თავდაცვის მინისტრის 2021 წლის 6 აპრილის №17 ბრძანებაში ცვლილების შეტანის თაობაზე

1. მე-3 მუხლის მე-14 პუნქტის „ე“ ქვეპუნქტი ამოღებულ იქნეს.

2. მე-9 მუხლის:

ა) პირველი პუნქტის ,,მ“ ქვეპუნქტი ჩამოყალიბდეს შემდეგი რედაქციით:

,,მ) სამოქალაქო ინფორმაციული ტექნოლოგიების განვითარების მიზნით, სსიპ – კიბერუსაფრთხოების ბიუროსთან თანამშრომლობა;“;

ბ) მე-3 პუნქტის ,,ვ“ ქვეპუნქტი ჩამოყალიბდეს შემდეგი რედაქციით:

,,ვ) სამოქალაქო ინფორმაციული ტექნოლოგიების განვითარების მიზნით, სსიპ – კიბერუსაფრთხოების ბიუროსთან თანამშრომლობა;“.

3.  მე-17 მუხლის:

ა) პირველი პუნქტის:

ა.ა) „ა“ ქვეპუნქტი ჩამოყალიბდეს შემდეგი რედაქციით:

„ა) სამინისტროს სტრატეგიულ-ოპერატიული დონის კავშირგაბმულობის სისტემების მართვა, მათი მიბმა ტაქტიკური დონის სისტემებთან და ამ სისტემების მზადყოფნაში შენარჩუნების კონტროლი;“;

ა.ბ) ,,ე“ ქვეპუნქტი ჩამოყალიბდეს შემდეგი რედაქციით:

,,ე) სამინისტროს სატელეფონო ქსელებისა და სისტემების აგება, მომსახურება და ადმინისტრირება დისლოცირებად და სტაციონარულ პირობებში;“;

ა.გ) „ზ“ ქვეპუნქტი ამოღებულ იქნეს;

ა.დ) „თ“ და „ი“ ქვეპუნქტები ჩამოყალიბდეს შემდეგი რედაქციით:

,,თ) კავშირგაბმულობის სისტემების მოქმედებებთან დაკავშირებული საინჟინრო და ტექნიკური მითითებების შესრულება;

ი) კომპეტენციის ფარგლებში, კავშირგაბმულობის მიმართულებით უსაფრთხოების ზომების გატარება და ანალიზი;“;

ბ) მე-4 პუნქტის :

ბ.ა) ,,გ“ ქვეპუნქტი ჩამოყალიბდეს შემდეგი რედაქციით:

,,გ) სამინისტროს სატელეფონო ქსელებისა და სისტემების აგება, მომსახურება და ადმინისტრირება დისლოცირებად პირობებში;“;

ბ.ბ) ,,ე“ ქვეპუნქტი ჩამოყალიბდეს შემდეგი რედაქციით:

,,ე) კომპეტენციის ფარგლებში,  კავშირგაბმულობის მიმართულებით უსაფრთხოების ზომების გატარება და ანალიზი.“;

გ) მე-5 პუნქტის:

გ.ა) ,,ე“ ქვეპუნქტი ამოღებულ იქნეს;

გ.ბ) ,,ვ“ ქვეპუნქტი ჩამოყალიბდეს შემდეგი რედაქციით:

,,ვ) კავშირგაბმულობის სისტემების მოქმედებებთან დაკავშირებული საინჟინრო და ტექნიკური მითითებების შესრულება;“;

დ) მე-6 პუნქტი ამოღებულ იქნეს.