„სამობილიზაციო რეზერვის ელექტრონული მართვის სისტემის სტრუქტურისა და მისი გამოყენების წესის დამტკიცების შესახებ “ საქართველოს თავდაცვის მინისტრის 2020 წლის 1 ივლისის №55 ბრძანებაში ცვლილების შეტანის თაობაზე

1. მე-4 მუხლის მე-3 პუნქტი ჩამოყალიბდეს შემდეგი რედაქციით:

„3. ეროვნული გვარდია საჯარო სამართლის იურიდიულ პირ – კიბერუსაფრთხოების ბიუროსთან კოორდინაციით განსაზღვრავს:

ა) მუნიციპალიტეტის უფლებამოსილ სამსახურს, რომელიც ახორციელებს სამხედრო აღრიცხვას;

ბ) ელექტრონული მართვის სისტემის წვდომაზე უფლებამოსილების მქონე სამინისტროს  სტრუქტურულ ქვედანაყოფებს.“.

2. მე-5 მუხლი ჩამოყალიბდეს შემდეგი რედაქციით:

„მუხლი 5

საჯარო სამართლის იურიდიული პირი – კიბერუსაფრთხოების ბიურო:

ა) ახორციელებს ელექტრონული მართვის სისტემის გამართულ ფუნქციონირებას, ტექნიკურ უზრუნველყოფასა და უსაფრთხოებას;

ბ) უზრუნველყოფს ამ წესის მე-4 მუხლის მე-3 პუნქტით განსაზღვრული შესაბამისი მუნიციპალიტეტის უფლებამოსილი სამსახურის წვდომას ელექტრონული მართვის სისტემაზე;

გ) ახორციელებს ელექტრონული მართვის სისტემის ჯგუფის სწავლებას;

დ) შეიმუშავებს ელექტრონული მართვის სისტემასთან მუშაობის ინსტრუქციას, რომელსაც ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით.“.