“მკაცრი რეჟიმის დაწესებულების დებულებისა და შინაგანაწესის დამტკიცების შესახებ” საქართველოს იუსტიციის მინისტრის 1999 წლის 28 დეკემბრის №366 ბრძანებაში ცვლილების შეტანის თაობაზე

სახელმწიფო სარეგისტრაციო კოდი 010.240.030.11.106.006.255

საქართველოს იუსტიციის

მინისტრის ბრძანება №1365

2003 წლის 23 დეკემბერი

ქ. თბილისი

„სპეციალური დაცვის სამსახურის დებულების დამტკიცების შესახებ” საქართველოს იუსტიციის მინისტრის 1999 წლის 28 დეკემბრის №357 ბრძანებაში ცვლილებების შეტანის თაობაზე

„ნორმატიული აქტების შესახებ” საქართველოს კანონის 36-ე მუხლის მოთხოვნათა შესაბამისად, ვბრძანებ:

1. “სპეციალური დაცვის სამსახურის დებულების დამტკიცების შესახებ” საქართველოს იუსტიციის მინისტრის 1999 წლის 28 დეკემბრის №357 ბრძანებით (სსმ III, 1999 წ., №71(78), მუხ. 1087) დამტკიცებულ საქართველოს იუსტიციის სამინისტროს სასჯელაღსრულების დეპარტამენტის სპეციალური დაცვის სამსახურის დებულებაში შეტანილ იქნეს შემდეგი ცვლილებები:

ა) მე-3 მუხლის მე-4 პუნქტში სიტყვა „დაწესებულებაში” შეიცვალოს სიტყვით „დაწესებულებასთან” და პუნქტი ჩამოყალიბდეს შემდეგი რედაქციით:

„4. დაცვისა და საინჟინრო-ტექნიკური უზრუნველყოფის დანაყოფები იქმნება ყველა სასჯელაღსრულების დაწესებულებასთან.”;

ბ) მე-3 მუხლის მე-5 პუნქტი ჩამოყალიბდეს შემდეგი რედაქციით:

„5) დაცვისა და საინჟინრო-ტექნიკური უზრუნველყოფის დანაყოფი იყოფა დაცვის განყოფილებად და საინჟინრო-ტექნიკური უზრუნველყოფის ჯგუფად.”;

გ) მე-4 მუხლის პირველი პუნქტი ჩამოყალიბდეს შემდეგი რედაქციით:

„1. დაცვისა და საინჟინრო-ტექნიკური უზრუნველყოფის დანაყოფის შემადგენლობაში შედიან შემდეგი მოსამსახურეები:

ა) დანაყოფის უფროსი;

ბ) დანაყოფის უფროსის მოადგილე;

გ) დაცვის განყოფილებაში:

გ.ა.) განყოფილების უფროსი;

გ.ბ.) ყარაულის უფროსი;

გ.გ.) ყარაულის უფროსის თანაშემწე;

გ.დ.) კავშირის, სიგნალიზაციის, ტექნიკური საშუალებებისა და კინოლოგიის სამსახურის უფროსი ინსპექტორი;

გ.ე.) სამსახურებრივი და საბრძოლო მომზადების უფროსი ინსპექტორი;

გ.ვ.) გუშაგი.

დ) საინჟინრო-ტექნიკური უზრუნველყოფის ჯგუფი;

დ.ა.) უფროსი ინსპექტორი;

დ.ბ.) ინსპექტორი.”.

2. ეს ბრძანება ამოქმედდეს გამოქვეყნებისთანავე.

მინისტრის მოვალეობის

შემსრულებელი გ. წკრიალაშვილი