„საუბნო საარჩევნო კომისიის წევრთა არჩევის პროცედურებისა და გადაწყვეტილების მიღების წესის დამტკიცების შესახებ” საქართველოს ცენტრალური საარჩევნო კომისიის 2021 წლის 15 ივლისის №30/2021 დადგენილებაში ცვლილებების შეტანის შესახებ

1. პირველი მუხლის შემდეგ დაემატოს მუხლი 1¹ შემდეგი რედაქციით:

„მუხლი 1¹

საუბნო საარჩევნო კომისიის ხელმძღვანელ პირთა არჩევის პროცედურები და გადაწყვეტილების მიღების წესი განისაზღვროს ამ დადგენილების პირველი მუხლით დამტკიცებული დანართის შესაბამისად.“;

2. პირველი მუხლით დამტკიცებული წესის:

ა) პირველი აბზაცი ჩამოყალიბდეს შემდეგი რედაქციით:

„საუბნო საარჩევნო კომისიის 8 წევრს, მათ შორის, აღნიშნული საუბნო საარჩევნო კომისიის ხელმძღვანელ პირებს, ირჩევს შესაბამისი საოლქო საარჩევნო კომისია კომისიის სხდომაზე, სახელობითი კენჭისყრით.“;

ბ) მე-5 აბზაცი ჩამოყალიბდეს შემდეგი რედაქციით:

„დაუშვებელია საუბნო საარჩევნო კომისიის წევრად იმ პირის არჩევა, რომელიც ბოლოს ჩატარებული ორი საერთო არჩევნებიდან ან ბოლოს ჩატარებული ორი შუალედური არჩევნებიდან, რომელიმეს დანიშვნის შემდეგ იყო პარტიის მიერ დანიშნული საარჩევნო კომისიის წევრი, საარჩევნო სუბიექტი ან საარჩევნო სუბიექტის წარმომადგენელი ან ბოლოს ჩატარებული საერთო არჩევნების წლის დასაწყისიდან ან ბოლოს ჩატარებული შუალედური არჩევნების წლის დასაწყისიდან იყო რომელიმე პარტიის შემომწირველი.“;

გ) მე-9 აბზაცით განსაზღვრული ცხრილი (დანართი 1) შეიცვალოს და ჩამოყალიბდეს თანდართული სახით;

დ) მე-11 აბზაცით განსაზღვრული ცხრილი (დანართი 2) შეიცვალოს და ჩამოყალიბდეს თანდართული სახით.