დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე საგადასახადო მონიტორინგის დეპარტამენტში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 1832 |
| დოკუმენტის მიმღები | შემოსავლების სამსახური |
| მიღების თარიღი | 03/02/2023 |
| დოკუმენტის ტიპი | შემოსავლების სამსახურის ინდივიდუალურ-ადმინისტრაციული აქტი |
| გამოქვეყნების წყარო, თარიღი | ვებგვერდი, 06/02/2023 |
| სარეგისტრაციო კოდი | 000000000.00.00.016691 |
|
„შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე საგადასახადო მონიტორინგის დეპარტამენტში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანებაში ცვლილების შეტანის თაობაზე
|
„საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებით დამტკიცებული დებულების მე-3 მუხლის მე-2 პუნქტის „უ“ ქვეპუნქტისა და საქართველოს ზოგადი ადმინისტრაციული კოდექსის 63-ე მუხლის საფუძველზე, ვბრძანებ:
1. „შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე საგადასახადო მონიტორინგის დეპარტამენტში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანებაში შეტანილ იქნეს შემდეგი ცვლილება: ა) ბრძანების მე-2 პუნქტი ჩამოყალიბდეს შემდეგი რედაქციით: „2. შემოსავლების სამსახურის დავების განხილვის საბჭოს შემადგენლობები განისაზღვროს №1 დანართის შესაბამისად.“. ბ) ბრძანებით დამტკიცებული „შემოსავლების სამსახურის დავების განხილვის საბჭოს შემადგენლობა და მოწვეული სპეციალისტები“ (დანართი №1) ჩამოყალიბდეს თანდართული რედაქციით; გ) ბრძანებით დამტკიცებული „შემოსავლების სამსახურის დავების განხილვის საბჭოს საქმიანობის წესის“ (დანართი №2): გ.ა) პირველი მუხლის მე-5 პუნქტის შემდეგ დაემატოს შემდეგი შინაარსის 51 და 52 პუნქტები: „51. ამ მუხლის მე-5 პუნქტით გათვალისწინებულ შემთხვევაში, საბჭოს შემადგენლობას წარმოადგენს ამ ბრძანების დანართ №1-ის პირველი პუნქტით განსაზღვრული შემადგენლობა, ამ მუხლის 52 პუნქტის გათვალისწინებით. 52. ამ მუხლის მე-5 პუნქტით გათვალისწინებულ შემთხვევაში, შესაძლოა საბჭოს შემადგენლობას წარმოადგენდეს ამ ბრძანების დანართ №1-ის მე-2 პუნქტით განსაზღვრული შემადგენლობა, თუ: ა) საჩივარი წარმოდგენილია საგადასახადო მოთხოვნის თაობაზე, რომლითაც საგადასახადო ორგანოს მიერ დამატებით დარიცხული თანხა 100 000 ლარის ტოლია ან ნაკლებია მასზე; ბ) გასაჩივრებულია კორექტირებული საგადასახადო მოთხოვნა; გ) საჩივრით მოთხოვნილია საქართველოს საგადასახადო კოდექსით გათვალისწინებული სანქციისაგან გათავისუფლება, საქართველოს საგადასახადო კოდექსის 269-ე მუხლის მე-7 ნაწილის საფუძველზე; დ) ადგილი აქვს საჩივრის განხილვაზე უარის თქმის საქართველოს საგადასახადო კოდექსის 301-ე მუხლით გათვალისწინებულ საფუძველს.“; გ.ბ) მე-3 მუხლის: გ.ბ.ა) პირველი პუნქტის „გ“ ქვეპუნქტი ჩამოყალიბდეს შემდეგი რედაქციით: „გ) შემოსავლების სამსახურის დავების დეპარტამენტის უფროსი (შემოსავლების სამსახურის დავების განხილვის საბჭოს წევრი), მხოლოდ ამ ბრძანების დანართ №1-ის პირველი პუნქტით განსაზღვრული შემადგენლობის შემთხვევაში.“; გ.ბ.ბ) მე-12 პუნქტი ჩამოყალიბდეს შემდეგი რედაქციით: „12. საბჭოს სხდომაზე განხილულ საჩივართან დაკავშირებით დამტკიცებული რეკომენდაციის შესაბამისად, დავების დეპარტამენტი უზრუნველყოფს შემოსავლების სამსახურის ინდივიდუალური ადმინისტრაციულ-სამართლებრივი აქტის პროექტის მომზადებასა და შემოსავლების სამსახურის უფროსისთვის/სამსახურის უფროსის მოადგილისათვის/დავების დეპარტამენტის უფროსისათვის (დელეგირების შემთხვევაში) წარდგენას.“. 2. ეს ბრძანება ამოქმედდეს ხელმოწერისთანავე.
|
დოკუმენტის კომენტარები