„საქართველოს ფინანსთა სამინისტროს საგამოძიებო სამსახურის მოსამსახურეთათვის სახელმწიფო სპეციალური წოდებების მინიჭების შესახებ დებულების და სახელმწიფო სპეციალური წოდებების დანამატების დამტკიცების თაობაზე“ საქართველოს ფინანსთა მინისტრის 2019 წლის 12 დეკემბრის №387 ბრძანებაში ცვლილების შეტანის შესახებ

„მუხლი 4. ზღვრული სპეციალური წოდებების დადგენის წესი

საგამოძიებო სამსახურის სისტემაში დადგინდეს დაკავებული თანამდებობის შესაბამისი შემდეგი ზღვრული სპეციალური წოდებები:

ა) გენერალ-მაიორი – სამსახურის უფროსი, სამსახურის უფროსის მოადგილე, დეპარტამენტის უფროსი;

ბ) პოლკოვნიკი – ადმინისტრაციის უფროსი, კანცელარიის უფროსი, დეპარტამენტის უფროსის მოადგილე, მთავარი სამმართველოს უფროსი/მოადგილე, სამმართველოს უფროსი, სამმართველოს უფროსის მოადგილე (გარდა ამ მუხლის „გ“ ქვეპუნქტით გათვალისწინებული სამმართველოების უფროსის მოადგილეებისა), სპეციალური დანიშნულების რაზმის უფროსი/მოადგილე;

გ) ვიცე-პოლკოვნიკი – ადმინისტრაციის სამმართველოს უფროსის მოადგილე, სპეციალური დანიშნულების რაზმის სამმართველოს უფროსის მოადგილე,  ანალიტიკის, დაყადაღებული აქტივების მართვისა და სტატისტიკის სამმართველოს უფროსის მოადგილე, ოპერატიული აღრიცხვის სამმართველოს უფროსის მოადგილე, უფროსი გამომძიებელი, უფროსი ინსპექტორ-გამომძიებელი (გარდა ამ მუხლის „დ“ ქვეპუნქტით გათვალისწინებული სამმართველოების უფროსი ინსპექტორ-გამომძიებლებისა), უფროსი ოპერატიული თანამშრომელი;

დ) მაიორი – გამომძიებელი, ანალიტიკის, დაყადაღებული აქტივების მართვისა და სტატისტიკის სამმართველოს უფროსი ინსპექტორ-გამომძიებელი, ოპერატიული აღრიცხვის სამმართველოს უფროსი ინსპექტორ-გამომძიებელი, ინსპექტორ-გამომძიებელი (გარდა ამ მუხლის „ე“ ქვეპუნქტით გათვალისწინებული სამმართველოს ინსპექტორ-გამომძიებლისა), ოპერატიული თანამშრომელი, მთავარი ინსპექტორი, მთავარი სპეციალისტი;

ე) კაპიტანი – ინსპექტორი, უფროსი ინსპექტორი, ანალიტიკის, დაყადაღებული აქტივების მართვისა და სტატისტიკის სამმართველოს ინსპექტორ-გამომძიებელი, უფროსი სპეციალისტი;

ვ) უფროსი ლეიტენანტი – სპეციალისტი.“.