„თხილის წარმოების ხელშეწყობის პროგრამის დამტკიცების შესახებ“ საქართველოს მთავრობის 2022 წლის 3 ნოემბერის №516 დადგენილებაში ცვლილების შეტანის თაობაზე

„მუხლი 8. დაევალოს სსიპ – სურსათის ეროვნულ სააგენტოს,    „ქვეყანაში აზიური ფაროსანას წინააღმდეგ გასატარებელი ღონისძიებების შესახებ“ საქართველოს მთავრობის 2022   წლის   30   დეკემბრის   №2494   განკარგულების   ფარგლებში გამოყოფილი  ადამიანური, ფინანსური  და მატერიალურ-ტექნიკური რესურსები მიმართოს ამ დადგენილების პირველი მუხლში აღნიშნული  „თხილის წარმოების ხელშეწყობის   პროგრამით“  გათვალისწინებული ღონისძიებების შეუფერხებლად განხორციელების მიზნით.

მუხლი 9. „საქართველოს 2023 წლის სახელმწიფო ბიუჯეტის შესახებ“ საქართველოს კანონის 25-ე მუხლის მე-2 და მე-3 პუნქტების საფუძველზე, ა(ა)იპ – სოფლის განვითარების სააგენტოსა და სსიპ – სურსათის ეროვნულ სააგენტოზე არ გავრცელდეს „საქართველოს 2023 წლის სახელმწიფო ბიუჯეტის შესახებ“ საქართველოს კანონის 25-ე მუხლის მე-3 პუნქტით  გათვალისწინებული შეზღუდვა და მიეცეთ თანხმობა, ამ დადგენილების პირველ მუხლში აღნიშნული „თხილის წარმოების ხელშეწყობის პროგრამის“ ფარგლებში, 2 თვის ვადით, არამუდმივი ამოცანების შესასრულებლად შრომითი ხელშეკრულებით დასაქმებულ პირთა რაოდენობა ა(ა)იპ – სოფლის განვითარების სააგენტოს განესაზღვროს  არა უმეტეს 150 ერთეულით და დაფინანსდეს შესაბამისი პროგრამული კოდიდან, ხოლო სსიპ – სურსათის ეროვნულ სააგენტოს – არა უმეტეს 200 ერთეულით, „აზიური ფაროსანას წინააღმდეგ გასატარებელი ღონისძიებების“ პროგრამიდან (პროგრამული კოდი: 310205)     შეთანხმებული ლიმიტის ფარგლებში.“.