„საქართველოს შინაგან საქმეთა სამინისტროს მმართველობის სფეროში შემავალი სახელმწიფო საქვეუწყებო დაწესებულების – საგანგებო სიტუაციების მართვის სამსახურის დებულების დამტკიცების შესახებ“ საქართველოს შინაგან საქმეთა მინისტრის 2019 წლის 29 მარტის №24 ბრძანებაში ცვლილების შეტანის თაობაზე

1. მე-4 მუხლის მე-2 პუნქტის „თ“ ქვეპუნქტი ამოღებულ იქნეს.

2. მე-5 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) კომპეტენციის ფარგლებში, ეროვნული სისტემის სუბიექტებთან კოორდინაციით, სამოქალაქო უსაფრთხოების სფეროში შესაბამისი სამართლებრივი აქტების პროექტების შემუშავება;“;

ბ) „გ“ ქვეპუნქტი ჩამოყალიბდეს შემდეგი რედაქციით:

„გ) კომპეტენციის ფარგლებში, სამოქალაქო უსაფრთხოების ეროვნული გეგმის უშუალოდ განხორციელება;“;

გ) „კ“ ქვეპუნქტი ამოღებულ იქნეს;

დ) „რ“ ქვეპუნქტი ჩამოყალიბდეს შემდეგი რედაქციით:

„რ) საგანგებო სიტუაციების მართვის სამსახურის მმართველობის სფეროში მოქმედი საჯარო სამართლის იურიდიული პირის − სახელმწიფო რეზერვებისა და სამოქალაქო უსაფრთხოების სერვისების სააგენტოს მეშვეობით მეხანძრე-მაშველთა მიერ სპეციალური პროფესიული საგანმანათლებლო პროგრამის გავლის უზრუნველყოფა;

ე) „რ“ ქვეპუნქტის შემდეგ დაემატოს შემდეგი შინაარსის „რ¹“ ქვეპუნქტი:

„რ¹) საგანგებო სიტუაციების მართვის სამსახურის მოსამსახურეთა შესაბამისი საგანმანათლებლო დაწესებულების მეშვეობით მომზადება/გადამზადება და კვალიფიკაციის ამაღლება;“;

ვ) „ჰ⁴“ ქვეპუნქტი ჩამოყალიბდეს შემდეგი რედაქციით:

„ჰ⁴) სამოქალაქო უსაფრთხოების სფეროში შესაბამისი სამართლებრივი აქტების პროექტებისა და ეროვნული მნიშვნელობის დოკუმენტების პროექტების შესამუშავებლად, ასევე სამოქალაქო უსაფრთხოების სფეროში არსებული მდგომარეობის ანალიზის მიზნით, ეროვნული სისტემის სუბიექტებისა და სხვა ადმინისტრაციული ორგანოებისგან ინფორმაციის გამოთხოვა. საგანგებო სიტუაციისა და მისი შედეგების ოფიციალური სტატისტიკური აღრიცხვა და სახელმწიფო სტატისტიკური ანგარიშგება;“.

3. მე-14 მუხლის „ე“ ქვეპუნქტი ჩამოყალიბდეს შემდეგი რედაქციით:

„ე) მოთხოვნის შემთხვევაში, საგანგებო სიტუაციების მართვის სამსახურში დაცული საჯარო ინფორმაციის ხელმისაწვდომობის უზრუნველყოფა საქართველოს კანონმდებლობით დადგენილი წესით;“.

4. მე-17 მუხლს დაემატოს შემდეგი შინაარსის „თ^1“ ქვეპუნქტი:

„თ¹) საჯარო ინფორმაციის პროაქტიულად გამოქვეყნება;“.

5. მე-19 მუხლის მე-3 პუნქტს დაემატოს შემდეგი შინაარსის „მ^1“ ქვეპუნქტი:

„მ¹) ითანხმებს სააგენტოს უფროსის მიერ დასამტკიცებელ სპეციალურ პროფესიულ საგანმანათლებლო პროგრამებს;“.