„მცხეთის მუნიციპალიტეტის საკრებულოს სამანდატო, საპროცედურო საკითხთა და ეთიკის კომისიის დებულების დამტკიცების შესახებ“ მცხეთის მუნიციპალიტეტის საკრებულოს 2017 წლის 22 ნოემბრის №8 დადგენილებაში ცვლილებების შეტანის თაობაზე

1. მცხეთის მუნიციპალიტეტის საკრებულოს სამანდატო, საპროცედურო საკითხთა და ეთიკის კომისიის დებულების მე-2 მუხლის პირველი პუნქტის „კ“, „ლ“ და „მ“ ქვეპუნქტები ჩამოყალიბდეს  შემდეგი რედაქციით:

„კ) შეიმუშავებს წინადადებებს თვითმმართველობის საჯარო მოსამსახურეთა საკადრო პოლიტიკის განსაზღვრის, ადამიანური რესურსების მართვის,  კვალიფიკაციის ამაღლებისა და გადამზადების საკითხებზე; კონტროლს უწევს აღნიშნულ სფეროში მიღებულ გადაწყვეტილებათა შესრულებას და გატარებულ ღონისძიებათა განხორციელებას;

ლ) განიხილავს და შეიმუშავებს წინადადებებს ადგილობრივი თვითმმართველობის მოხელეთა საშტატო ნუსხის განსაზღვრის, თანამდებობრივი სარგოს განაკვეთების შესახებ, აკონტროლებს საკრებულოს მიერ ამ საკითხებზე მიღებული გადაწყვეტილებების დაცვას და შესრულებას;

მ) განიხილავს და შეიმუშავებს წინადადებებს საკრებულოს რეგლამენტის, საკრებულოს კომისიების, საკრებულოს აპარატის, მერიის, მერიის სტრუქტურული ერთეულების  დებულებათა პროექტების და მათში ცვლილებების შეტანის საკითხებზე“;

2. დებულების მე-2 მუხლის პირველი პუნქტის  „ბ“  ქვეპუნქტი ჩამოყალიბდეს  შემდეგი რედაქციით:

„ბ) ამზადებს და საკრებულოს წარუდგენს წინადადებას საკრებულოს წევრის უფლებამოსილების შეწყვეტის შესახებ“.

3. დებულების მე-3 მუხლის მე-2 პუნქტის „მ“ ქვეპუნქტი ჩამოყალიბდეს შემდეგი რედაქციით:

„მ) საკრებულოს ბიუროს წარუდგენს კვარტალურ ანგარიშს, ხოლო საკრებულოს წლიურ  ანგარიშს  კომისიის  მიერ  გაწეული  საქმიანობის  შესახებ“.