„მცხეთის მუნიციპალიტეტის საკრებულოს სოციალურ საკითხთა კომისიის დებულების დამტკიცების შესახებ“ მცხეთის მუნიციპალიტეტის საკრებულოს 2017 წლის 22 ნოემბრის №9 დადგენილებაში ცვლილებების შეტანის თაობაზე

1. მცხეთის მუნიციპალიტეტის საკრებულოს სოციალურ საკითხთა კომისიის   დებულების მე-2 მუხლის პირველ პუნქტს დაემატოს შემდეგი შინაარსის  „ი“ ქვეპუნქტი:

„ი. კომისია თავისი კომპეტენციის ფარგლებში, ახორციელებს მცხეთის მუნიციპალიტეტის მერიისა და მისდამი დაქვემდებარებული ა(ა)იპების მიერ  განათლების, კულტურის, სპორტის, სოციალურ და ჯანდაცვის სფეროში დაგეგმილი და მიმდინარე პროექტების, ასევე  ააიპ „სკოლამდელი და სკოლისგარეშე სააღმზრდელო დაწესებულებების არასამეწარმეო (არაკომერციულ) იურიდიული პირის“ ფუნქციონირებასთან დაკავშირებული საკითხების  მონიტორინგს,  კონტროლს უწევს ამ მიმართულებით მერიის შესაბამისი სამსახურებისა და ა(ა)იპ-ების მუშაობას, ითხოვს მათგან ანგარიშს  გაწეული საქმიანობის შესახებ“;

2. მცხეთის მუნიციპალიტეტის საკრებულოს სოციალურ საკითხთა კომისიის   დებულების მე-3 მუხლის  მე-2 პუნქტს  დაემატოს  შემდეგი შინაარსის  „ლ^1“  ქვეპუნქტი:

„ლ¹. საკრებულოს ბიუროს წარუდგენს კვარტალურ ანგარიშს  მცხეთის მუნoციპალიტეტის მერიისა და მისდამი დაქვემდებარებული ააიპ-ების მიერ  განათლების, კულტურის, სპორტის, სოციალურ და ჯანდაცვის სფეროში   განხორციელებული  საქმიანობის შესახებ და   გააცნობს ინფორმაციას, კომპეტენციის ფარგლებში,  კომისიის მიერ  ჩატარებული მონიტორინგის შედეგების  თაობაზე“.