„საჯარო ინფორმაციის პროაქტიული გამოქვეყნების წესისა და საჯარო ინფორმაციის ელექტრონული ფორმით მოთხოვნის სტანდარტის დამტკიცების შესახებ” საქართველოს ცენტრალური საარჩევნო კომისიის 2013 წლის 16 ივლისის №27 დადგენილებაში ცვლილებების შეტანის შესახებ

1. მე-6 პუნქტის პირველი წინადადება ჩამოყალიბდეს შემდეგი რედაქციით:

„6. სტრატეგიული დაგეგმვისა და ანგარიშგების დეპარტამენტი:“.

2. მე-7 პუნქტის:

ა) „დ“ ქვეპუნქტი ჩამოყალიბდეს შემდეგი რედაქციით:

„დ) ცესკოს აპარატში ვაკანტურ თანამდებობაზე კონკურსის გამოცხადების შესახებ განცხადებას – შესარჩევი კონკურსის გამოცხადებისთანავე;“;

ბ) „ზ“ ქვეპუნქტი ამოღებულ იქნეს;

გ) „თ“ ქვეპუნქტი ჩამოყალიბდეს შემდეგი რედაქციით:

„თ) ცესკოს აპარატში კონკურსის შედეგად შერჩეული კანდიდატის შესახებ ინფორმაციას – საკონკურსო კომისიის გადაწყვეტილების მიღებიდან 24 საათის განმავლობაში;“;

დ) „მ“ ქვეპუნქტი ჩამოყალიბდეს შემდეგი რედაქციით:

„მ) ცესკოს დეპარტამენტების, განყოფილებების (სტრუქტურული ერთეულების) უფროსების, მენეჯერების შესახებ, ასევე ცესკოს თავმჯდომარის მრჩეველის, ცესკოს ხელმძღვანელი პირების თანაშემწეების შესახებ: სახელი, გვარი – განახლდება ცვლილების შემთხვევაში;“.

3. მე-9 პუნქტს დაემატოს შემდეგი შინაარსის „ს^1“-„ს^3“ ქვეპუნქტები:

„ს¹) საოლქო საარჩევნო კომისიებში ვაკანტურ თანამდებობაზე კონკურსის გამოცხადების შესახებ განცხადებას – შესარჩევი კონკურსის გამოცხადებისთანავე;

ს²) საოლქო საარჩევნო კომისიის წევრის შესარჩევ კონკურსში მონაწილე კანდიდატთა სიას – საბუთების მიღების ვადის ამოწურვიდან 5 დღის ვადაში;

ს³) საოლქო საარჩევნო კომისიებში კონკურსის შედეგად არჩეული კანდიდატის შესახებ ინფორმაციას – გადაწყვეტილების მიღებიდან 24 საათის განმავლობაში;“.