დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „სახელმწიფო საკუთრებაში არსებული საქართველოს თავდაცვის სამინისტროსა და მის სისტემაში მოქმედი საჯარო სამართლის იურიდიული პირების სარგებლობაში გადაცემული ან/და მათ ბალანსზე რიცხული, საქართველოს ტერიტორიაზე არსებული სამხედრო დანიშნულების ქონების განკარგვის დებულების დამტკიცების შესახებ“ საქართველოს მთავრობის 2021 წლის 20 დეკემბრის №595 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 594 |
| დოკუმენტის მიმღები | საქართველოს მთავრობა |
| მიღების თარიღი | 26/12/2022 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 27/12/2022 |
| სარეგისტრაციო კოდი | 040090000.10.003.023804 |
|
„სახელმწიფო საკუთრებაში არსებული საქართველოს თავდაცვის სამინისტროსა და მის სისტემაში მოქმედი საჯარო სამართლის იურიდიული პირების სარგებლობაში გადაცემული ან/და მათ ბალანსზე რიცხული, საქართველოს ტერიტორიაზე არსებული სამხედრო დანიშნულების ქონების განკარგვის დებულების დამტკიცების შესახებ“ საქართველოს მთავრობის 2021 წლის 20 დეკემბრის №595 დადგენილებაში ცვლილების შეტანის თაობაზე
|
| მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, „სახელმწიფო საკუთრებაში არსებული საქართველოს თავდაცვის სამინისტროსა და მის სისტემაში მოქმედი საჯარო სამართლის იურიდიული პირების სარგებლობაში გადაცემული ან/და მათ ბალანსზე რიცხული, საქართველოს ტერიტორიაზე არსებული სამხედრო დანიშნულების ქონების განკარგვის დებულების დამტკიცების შესახებ“ საქართველოს მთავრობის 2021 წლის 20 დეკემბრის №595 დადგენილებაში (www.matsne.gov.ge, 22/12/2021, 040090000.10.003.023151) შეტანილ იქნეს ცვლილება და დადგენილებით დამტკიცებული დებულების:
1. მე-3 მუხლის შემდეგ დაემატოს შემდეგი შინაარსის 31 მუხლი: „მუხლი 31. აქტის ფორმა ამ დებულებით განსაზღვრული აქტების (მიღება-ჩაბარების, გადაკეთების, გამოყენების, დაშლის, დახარისხების, გადამუშავების, განადგურების) ფორმები მტკიცდება საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით.“. 2. მე-18 მუხლს დაემატოს შემდეგი შინაარსის მე-6 და მე-7 პუნქტები: „6. ამ მუხლის მე-5 პუნქტით განსაზღვრული პირი ადგენს დახარისხების აქტს, რომელშიც აისახება დახარისხებული ვარგისი და უვარგისი ქონების დასახელება, მახასიათებლები, რაოდენობა/ზომა/ წონა/მოცულობა. 7. დახარისხების აქტი წარმოადგენს კანონმდებლობით დადგენილი წესით დაშლილი სამხედრო დანიშნულების ქონების აღრიცხვიდან მოხსნისა და დაშლის შედეგად მიღებული ქონების აღრიცხვაზე აყვანის საფუძველს.“. 3. მე-19 მუხლის მე-5 პუნქტი ჩამოყალიბდეს შემდეგი რედაქციით: „5. უტილიზაციას (გადამუშავებას) დაქვემდებარებული ქონება ამ მუხლის მე-4 პუნქტით განსაზღვრულ პირს გადაეცემა მიღება-ჩაბარების აქტის საფუძველზე, რომელშიც აღიწერება უტილიზებას (გადამუშავებას) დაქვემდებარებული ქონების დასახელება, მახასიათებლები, რაოდენობა/ზომა/წონა/მოცულობა.“. 4. მე-20 მუხლის მე-4 პუნქტი ჩამოყალიბდეს შემდეგი რედაქციით: „4. განადგურებას დაქვემდებარებული ქონება ამ მუხლის მე-3 პუნქტით განსაზღვრულ პირს გადაეცემა მიღება-ჩაბარების აქტის საფუძველზე, რომელშიც აღიწერება განადგურებას დაქვემდებარებული ქონების დასახელება, მახასიათებლები, რაოდენობა/ზომა/წონა/ მოცულობა.“. |
| მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები