„საქართველოს ცენტრალური საარჩევნო კომისიის რეგლამენტის დამტკიცების შესახებ” საქართველოს ცენტრალური საარჩევნო კომისიის 2015 წლის 25 ნოემბრის №54/2015 დადგენილებაში ცვლილებების შეტანის შესახებ

1. მე-8 მუხლის:

ა) პირველი პუნქტის:

ა.ა) „ა“ ქვეპუნქტი ჩამოყალიბდეს შემდეგი რედაქციით:

„ა) იურიდიული დეპარტამენტი:

ა.ა) სამართლებრივი უზრუნველყოფის განყოფილება;

ა.ბ) შიდა აუდიტის განყოფილება.“;

ა.ბ) „ე“ ქვეპუნქტი ჩამოყალიბდეს შემდეგი რედაქციით:

„ე) სტრატეგიული დაგეგმვისა და ანგარიშგების დეპარტამენტი;“;

ა.გ) „ზ“ ქვეპუნქტი ჩამოყალიბდეს შემდეგი რედაქციით:

„ზ) საარჩევნო პროცესების მართვის დეპარტამენტი:

ზ.ა) ამომრჩეველთა სიების ფორმირების განყოფილება;

ზ.ბ) საარჩევნო კომისიების მართვის განყოფილება.“;

ბ) მე-2 პუნქტი ჩამოყალიბდეს შემდეგი რედაქციით:

„2. ცესკოს აპარატის თანამშრომელთა თანამდებობებია:

ა) დეპარტამენტის უფროსი;

ბ) ცესკოს მდივნის აპარატის (დეპარტამენტის) უფროსი;

გ) ინფორმაციული უსაფრთხოების მენეჯერი;

დ) პრესსპიკერი;

ე) შრომის უსაფრთხოების მენეჯერი;

ვ) სწავლების მონიტორინგის მენეჯერი;

ზ) ამომრჩეველთა სიების ფორმირების მენეჯერი;

თ) საარჩევნო რეგისტრაციების მენეჯერი;

ი) სტრატეგიული კომუნიკაციების მენეჯერი;

კ) საარჩევნო დოკუმენტაციით უზრუნველყოფის მენეჯერი;

ლ) განყოფილების უფროსი;

მ) საარჩევნო პრაქტიკისა და ანგარიშების ანალიზის მენეჯერი;

ნ) სასამართლოებთან ურთიერთობისა და დავების მენეჯერი;

ო) მთავარი ბუღალტერი;

პ) ადამიანური რესურსების მართვის მენეჯერი;

ჟ) მონაცემთა მართვის მენეჯერი;

რ) საარჩევნო პროცესების პროგრამული უზრუნველყოფის მენეჯერი;

ს) ინფორმაციული უსაფრთხოების სპეციალისტი;

ტ) ინფორმაციის დამუშავების სპეციალისტი;

უ) პირველი კატეგორიის უფროსი სპეციალისტი;

ფ) მეორე კატეგორიის უფროსი სპეციალისტი;

ქ) მესამე კატეგორიის უფროსი სპეციალისტი;

ღ) პირველი კატეგორიის უმცროსი სპეციალისტი;

ყ) შრომითი ხელშეკრულებით დასაქმებული პირი.“;

2. მე-11 მუხლის:

ა) მე-13 პუნქტის შემდეგ დაემატოს შემდეგი შინაარსის 13¹ პუნქტი:

„13¹. ახორციელებს საარჩევნო პრაქტიკისა და ანგარიშების ანალიზს;“;

ბ) მე-16 პუნქტი ჩამოყალიბდეს შემდეგი შინაარსით:

„16. დაუყოვნებლივ გადასცემს ადამიანური რესურსების მართვისა და შრომის უსაფრთხოების დეპარტამენტს, ასევე საარჩევნო პროცესების მართვის დეპარტამენტს მის ხელთ არსებულ ინფორმაციას და შესაბამის დოკუმენტაციას იმ პირთა შესახებ, რომელთა მიერ საქართველოს საარჩევნო კანონმდებლობის დარღვევა დაადასტურა სასამართლომ, რომლებიც საქართველოს საარჩევნო კანონმდებლობის დარღვევისათვის საარჩევნო კომისიამ ან სასამართლომ გაათავისუფლა საქართველოს საარჩევნო ადმინისტრაციაში დაკავებული თანამდებობიდან, რომელთაც შეეფარდათ დისციპლინური პასუხისმგებლობის ზომა მათ მიერ სამსახურებრივი მოვალეობის ბრალეულად შეუსრულებლობისთვის ან არაჯეროვნად შესრულებისთვის;“;

3. მე-16 მუხლის მე-12 პუნქტი ჩამოყალიბდეს შემდეგი რედაქციით:

„12. უზრუნველყოფს ცესკოს აპარატის მოხელეთა ვაკანტური თანამდებობების დაკავების მიზნით ღია, დახურული და შიდა კონკურსის ორგანიზებულად ჩატარებას და ამ საკითხებზე შესაბამისი სამართლებრივი აქტების პროექტების მომზადებას;“;

4. მე-18 მუხლი ჩამოყალიბდეს შემდეგი რედაქციით:

„მუხლი 18. სტრატეგიული დაგეგმვისა და ანგარიშგების დეპარტამენტი

ფუნქციების შესასრულებლად დეპარტამენტი უზრუნველყოფს:

1. საარჩევნო ადმინისტრაციის სტრატეგიული და სამოქმედო გეგმების შემუშავებას;

2. საარჩევნო ადმინისტრაციის სტრატეგიული გეგმის მონიტორინგის და შეფასების გეგმის შემუშავებას;

3. სხვადასხვა სტრუქტურული ერთეულების მიერ შემუშავებული სტრატეგიებისა და სამოქმედო გეგმების კონსოლიდირებას;

4. საარჩევნო ადმინისტრაციის სტრატეგიული გეგმის მონიტორინგის და შეფასების ანგარიშების მომზადებას;

5. სტრატეგიული და სამოქმედო გეგმების შედგენისა და განხორციელებული საქმიანობის შეფასების მიზნით გამოკითხვების ჩატარებას;

6. ცესკოს სტრუქტურული ერთეულების/სწავლების ცენტრის პროგრეს ანგარიშების (კვარტალური) და წლიური ანგარიშების მომზადებას;

7. საქართველოს პარლამენტში წარსადგენი ანგარიშის მომზადებას ჩატარებული არჩევნების შესახებ;

8. სხვადასხვა უწყებებში წარსადგენი ანგარიშების მომზადებას;

9. შეზღუდული შესაძლებლობების მქონე პირთა საარჩევნო პროცესში ჩართულობისთვის სხვადასხვა ღონისძიებების განხორციელებას;

10. ეთნიკური უმცირესობების წარმომადგენელ ამომრჩეველთა საარჩევნო პროცესში ჩართულობისთვის სხვადასხვა ღონისძიებების განხორციელებას;

11. გენდერულ ჭრილში საარჩევნო ინფორმაციის შეგროვებას და გამოქვეყნებას;

12. ასრულებს კანონმდებლობით გათვალისწინებულ სხვა მოვალეობებს.“.

5. 18¹ მუხლს დაემატოს შემდეგი შინაარსის 2¹ და 2² პუნქტები:

„2¹. უზრუნველყოფს სხვა სახელმწიფოში შექმნილი საუბნო საარჩევნო კომისიის წევრთა შესარჩევი კონკურსის ორგანიზებულად ჩატარებას და ამ საკითხებზე შესაბამისი სამართლებრივი აქტების პროექტების მომზადებას;

2². უზრუნველყოფს საოლქო საარჩევნო კომისიის წევრთა შესარჩევი კონკურსის ორგანიზებულად ჩატარებას და ამ საკითხებზე შესაბამისი სამართლებრივი აქტების პროექტების მომზადებას;“.