სახელმწიფო და არასახელმწიფო ტელერადიომაუწყებლობის მიერ ცენტრალურ საარჩევნო კომისიაში წინასაარჩევნო აგიტაციისა და პოლიტიკური რეკლამისათვის გამოყოფილი საეთერო დროის განაწილების გრაფიკებისა და ტარიფების წარმოდგენის შესახებ

სახელმწიფო სარეგისტრაციო კოდი 010.220.020.13.007.006.071

საქართველოს ცენტრალური საარჩევნო კომისიის

დადგენილება №16/2003

2003 წლის 15 სექტემბერი

ქ. თბილისი

სახელმწიფო და არასახელმწიფო ტელერადიომაუწყებლობების მიერ ცენტრალურ საარჩევნო კომისიაში წინასაარჩევნო აგიტაციისა და პოლიტიკური რეკლამისათვის გამოყოფილი საერთო დროის განაწილების გრაფიკებისა და ტარიფების წარმოდგენის შესახებ

საქართველოს ორგანული კანონის „საქართველოს საარჩევნო კოდექსი” 29-ე მუხ­ლის პირველი პუნქტის „დ” ქვეპუნქტისა და 73-ე მუხლის მე-14 პუნქტის შესაბამისად, საქართველოს ცენტრალური საარჩევნო კომისია ადგენს:

    მუხლი 1

სახელმწიფო და არასახელმწიფო ტელერადიომაუწყებლობებმა ცენტრალურ საარჩევნო კომისიაში წარადგინონ წინასაარჩევნო აგიტაციისა და პოლიტიკური რეკლამისათვის გამოყოფილი საეთერო დროის განაწილების გრაფიკები და ტარიფები ყოველკვირეულად, არაუგვიანეს ყოველი კვირის ორშაბათის 18 სთ-სა.

    მუხლი 2

კონტროლი დადგენილების შესრულებაზე დაევალოს პრესასთან და საზოგადოებასთან ურთიერთობის განყოფილებას (გ. ქურდაძე).

    მუხლი 3

 ეს დადგენილება შეიძლება გასაჩივრდეს ქ. თბილისის საოლქო სასამართლოში (მისამართი: ქ. თბილისი გრ. რობაქიძის გამზ. 7^ა) მისი მიღებიდან 3 კალენდარული დღის ვადაში.

    მუხლი 4

ეს დადგენილება ამოქმედდეს გამოქვეყნებისთანავე.

კომისიის თავმჯდომარე ნანა დევდარიანი

კომისიის მდივანი გიორგი მიქანაძე