,,სახელმწიფო ზოგადსაგანმანათლებლო დაწესებულებათა ტიპიური დებულების დამტკიცებისა და თანამდევ ღონისძიებათა შესახებ” საქართველოს განათლების მინისტრის 2003 წლის 23 თებერვლის №16 ბრძანებაში ცვლილებეის შეტანის შესახებ

სახელმწიფო სარეგისტრაციო კოდი 430.210.000.11.101.006.069

საქართველოს განათლების მინისტრის

ბრძანება №173

2003 წლის 5 სექტემბერი

ქ. თბილისი

“სახელმწიფო ზოგადსაგანმანათლებლო დაწესებულებათა ტიპური დებულების დამტკიცებისა და თანმდევ ღონისძიებათა შესახებ” საქართველოს განათლების მინისტრის 2003 წლის 25 თებერვლის №16 ბრძანებაში ცვლილების შეტანის თაობაზე

„განათლების შესახებ” საქართველოს კანონის მე-18 მუხლის მე-3 პუნქტის „ნ” ქვეპუნქტის შესაბამისად:

I. „სახელმწიფო ზოგადსაგანმანათლებლო დაწესებულებათა ტიპიური დებულების დამტკიცებისა და თანმდევ ღონისძიებათა შესახებ” საქართველოს განათლების მინისტრის 2003 წლის 25 თებერვლის №16 ბრძანებით („საქართველოს საკანონმდებლო მაცნე” 28.02.2003წ., №15, მუხლი 148) დამტკიცებული „საქართველოს სახელმწიფო ზოგადსაგანმანათლებლო დაწესებულებების ტიპური დებულების” მე-17 მუხლის 1-ლი და მე-3 პუნქტები, შესაბამისად, ჩამოყალიბდეს შემდეგნაირად:

1. „დაწესებულების ადმინისტრაცია, როგორც წესი, შედგება დირექტორის, დირექტორის პირველი მოადგილის, მოადგილეების, საფინანსო-სამეურნეო სამსახურის უფროსისა და კანცელარიის გამგისაგან”.

3. „დაწესებულების დირექტორის მოადგილეებისა და ადმინისტრაციის სხვა წევრთა რაოდენობა, აგრეთვე, მათი უფლება-მოვალეობების სფეროები განისაზღვრება ამ დებულების, მოსწავლეთა კონტინგენტის, განათლების სამინისტროს მიერ დამტკიცებული ტიპური საშტატო განრიგისა და დაწესებულების წესდების შესაბამისად”.

II. ეს ბრძანება ამოქმედდეს გამოქვეყნებისთანავე.

ა. კარტოზია