„ქალაქ რუსთავის მუნიციპალიტეტის საკრებულოს რეგლამენტის დამტკიცების შესახებ“ ქალაქ რუსთავის მუნიციპალიტეტის საკრებულოს 2014 წლის 4 აგვისტოს №1 დადგენილებაში ცვლილების შეტანის თაობაზე

1. დანართის მე-4 მუხლი ჩამოყალიბდეს შემდეგი რედაქციით:

მუხლი 4. საკრებულოს საქმიანობის ძირითადი პრინციპები

1. საკრებულოს საქმიანობის ძირითადი პრინციპებია:

ა) კანონიერება;

ბ) საჯაროობა;

გ) კოლეგიურობა;

დ) დამოუკიდებელი პასუხისმგებლობა;

ე) წარმომადგენლობითი პროპორციულობის დაცვა;

ვ) მუნიციპალიტეტის  მოსახლეობის აზრის გათვალისწინება;

ზ) ადგილობრივი თვითმმართველობის განხორციელებაში მოქალაქეთა ჩართვის უზრუნველყოფა;

თ) ანგარიშვალდებულება მოსახლეობის წინაშე.

2. საკრებულო თავის საქმიანობის განხორციელებისას ვალდებულია  უფლებამოსილების ფარგლებში უზრუნველყოფს ადამიანის უფლებებისა და თანასწორობის პრინციპის დაცვა და ამ მიზნით:

ა) თავისი საქმიანობა, აგრეთვე სამართლებრივი აქტები და შიდა რეგულაციები შეუსაბამოს „დისკრიმინაციის ყველა ფორმის აღმოფხვრის შესახებ“ საქართველოს კანონსა და სხვა ანტიდისკრიმინაციულ კანონმდებლობას;

ბ) მიიღოს ზომები სამუშაო ადგილზე პირთა მიმართ თანაბარი მოპყრობის პრინციპის დაცვის უზრუნველსაყოფად;

გ) სავარაუდო დისკრიმინაციის ნებისმიერ ფაქტზე მოახდინოს სწრაფი და ეფექტიანი რეაგირება, რისთვისაც უნდა შეიქმნას დროებითი სამუშაო ჯგუფი.“

2. დანართის მე-14 მუხლის პირველი პუნქტის „ზ“ ქვეპუნქტი  ჩამოყალიბდეს შემდეგი რედაქციით:

„ზ) დაიცვას ამ რეგლამენტით დადგენილი ქცევის სტანდარტები და ანტიდისკრიმინაციული კანონმდებლობის მოთხოვნები, როგორც საკრებულოს სხვა წევრების, ისე საკრებულოს აპარატში დასაქმებულ პირთა მიმართ;“.