„პროკურორთა და პროკურატურის გამომძიებელთა შეფასების სისტემის დამტკიცების შესახებ“ საქართველოს გენერალური პროკურორის 2020 წლის 10 დეკემბრის №047 ბრძანებაში ცვლილების შეტანის თაობაზე

„15¹.  ხელმძღვანელი უფლებამოსილია პროკურორის მიერ გაწეული საქმიანობის შესაბამისად, გარდა ხელმძღვანელის შეფასების ქულისა, სათანადო დასაბუთებით დამატებით მიანიჭოს 5-დან 10-მდე ბონუს ქულა, თუ პროკურორი შესაფასებელ პერიოდში ახორციელებდა საპროცესო ხელმძღვანელობას დევნადაწყებულ სისხლის სამართლის საქმეზე ან/და სახელმწიფო ბრალდების მხარდაჭერას:

ა)  საქართველოს სისხლის სამართლის კოდექსის 108-ე, 109-ე, 143^​1-143^​3, 144¹ მუხლებით გათვალისწინებული დანაშაულის არანაკლებ 2 საქმეზე ან არანაკლებ 6 პირის მიმართ;

ბ) საქართველოს სისხლის სამართლის კოდექსის 223^​1-223^​4 მუხლებით გათვალისწინებული დანაშაულის არანაკლებ 3 საქმეზე ან არანაკლებ 9 პირის მიმართ;

გ) საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით, ამავე მუხლის მე-4 ნაწილით, 182-ე მუხლის მე-3 ნაწილით, 194-194^​1, 332-ე-333-ე, 338-ე-339-ე მუხლებით, XXXV თავით გათვალისწინებული დანაშაულის, აგრეთვე, ორგანიზებული ჯგუფის მიერ ჩადენილი სისხლის სამართლის კოდექსის მერვე კარით ან 260-ე მუხლით გათვალისწინებული დანაშაულის არანაკლებ 5 საქმეზე ან არანაკლებ 15 პირის მიმართ ან  ამ ქვეპუნქტით მითითებული ცალკეული მუხლების დაჯამებით გათვალისწინებული დანაშაულების არანაკლებ 8 საქმეზე ან არანაკლებ 22 პირის მიმართ;

დ) საქართველოს სისხლის სამართლის კოდექსის XXXVIII და XLVII თავებით  გათვალისწინებულ დანაშაულებზე.“.