„ტრანსპლანტაციის საბჭოს დებულების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2017 წლის 29 მაისის №01-31/ნ ბრძანებაში ცვლილების შეტანის თაობაზე

1. პირველი მუხლი ჩამოყალიბდეს შემდეგი რედაქციით:

„მუხლი 1.  ზოგადი დებულებები

წინამდებარე დებულება არეგულირებს ტრანსპლანტაციის საბჭოს  (შემდგომში – საბჭო) საქმიანობის წესსა და პირობებს.“.

2. მე-3 მუხლის მე-3 პუნქტი ჩამოყალიბდეს შემდეგი რედაქციით:

„3. საბჭოს სამდივნოს ფუნქციებს ასრულებს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს (შემდგომში – სამინისტრო) ჯანმრთელობის დაცვის პოლიტიკაზე პასუხისმგებელი სტრუქტურული ქვედანაყოფი.“.

3. მე-4 მუხლის „კ“ ქვეპუნქტი ჩამოყალიბდეს შემდეგი რედაქციით:

„კ) საექიმო სუბსპეციალობაში – „ტრანსპლანტოლოგია“ დამოუკიდებელი საექიმო საქმიანობის უფლების განმსაზღვრელი დოკუმენტის (მოწმობის) მინიჭებასთან დაკავშირებით საქართველოს ოკუპირებული ტერიტორიებიდან დევნილთა,  შრომის, ჯანმრთელობისა და სოციალური დაცვის სამინისტროს პროფესიული განვითარების საბჭოსათვის რეკომენდაციების მიწოდება;“.

4. მე-9 მუხლის  მე-10 პუნქტი ჩამოყალიბდეს შემდეგი რედაქციით:

„10. ღეროვანი უჯრედებისა და ძვლის ტვინის ტრანსპლანტაციასთან დაკავშირებით საბჭოს თანხმობის მიღების საკითხები რეგულირდება ამ ბრძანების 9¹ მუხლის გათვალისწინებით.“.

5. მე-9 მუხლის შემდეგ დაემატოს  შემდეგი შინაარსის  9¹ მუხლი:

„მუხლი 9¹. საბჭოს თანხმობა ღეროვანი უჯრედების, ძვლის ტვინის ტრანსპლანტაციის შესახებ

1. ღეროვანი უჯრედების, ძვლის ტვინის გადანერგვა მკურნალობის მიზნით საჭიროებს   საბჭოს თანხმობას.

2. საბჭოს თანხმობა ღეროვანი უჯრედების, ძვლის ტვინის გადანერგვის თაობაზე მიიღება საბჭოს სამდივნოსადმი ტრანსპლანტაციის სერვისის განმახორციელებელი სუბიექტის¹ მიერ შემდეგი დოკუმენტაციის წარმოდგენის შემთხვევაში:

ა) განაცხადი დაგეგმილი ტრანსპლანტაციის შესახებ (დანართი №1.1);

ბ) რეციპიენტის  ცნობა ჯანმრთელობის მდგომარეობის შესახებ (სამედიცინო დოკუმენტაცია – ფორმა №IV–100/ა);

გ) პოტენციური დონორის ცნობა ჯანმრთელობის მდგომარეობის შესახებ (სამედიცინო დოკუმენტაცია ფორმა №IV–100/ა), რომელიც ასევე მოიცავს ექიმი-ფსიქიატრის მიერ მის შეფასებას (ან შესაბამისი ექიმი-სპეციალისტის/სამედიცინო დაწესებულების მიერ გაცემული ცნობა ჯანმრთელობის მდგომარეობის შესახებ (სამედიცინო დოკუმენტაცია ფორმა № IV–100/ა));

_____________________________________

¹ სამედიცინო დაწესებულება, სადაც იგეგმება ოპერაციის ჩატარება:

დ) რეციპიენტის/კანონიერი წარმომადგენლის ინფორმირებული თანხმობა ტრანსპლანტაციის ოპერაციის ჩატარების შესახებ (დანართი №1.2);

ე) პოტენციური დონორის ინფორმირებული თანხმობა ტრანსპლანტაციის ოპერაციის ჩატარების შესახებ (დანართი №1.3);

ვ) დოკუმენტაცია, რომელიც ადასტურებს პოტენციური დონორისა და რეციპიენტის წინასწარ ჩატარებულ ანტიგენურ თავსებადობას (კვლევის შედეგები);

ზ) შესაბამისი დარგობრივი პროფესიული ორგანიზაციის ან სერვისის განმახორციელებელი სუბიექტის ეთიკის კომისიის რეკომენდაცია, რომ დაგეგმილი გადანერგვა შეესაბამება საქართველოში მოქმედი კანონმდებლობის მოთხოვნებს;

თ) „ადამიანის ორგანოთა გადანერგვის შესახებ“ საქართველოს კანონის მე-20 მუხლით გათვალისწინებულ შემთხვევაში, ნოტარიულად დამოწმებული ნათესაური კავშირის დამადასტურებელი დოკუმენტ(ებ)ი.

3. ამ მუხლის მე-2 პუნქტით განსაზღვრული დოკუმენტაცია საბჭოს სამდივნოში წარდგენილი უნდა იქნეს ტრანსპლანტაციის ოპერაციის განხორციელებამდე 15 სამუშაო დღით ადრე.

4.  საბჭოს სამდივნო შემოსულ დოკუმენტაციას განიხილავს 5 სამუშაო დღის ვადაში. არასრულყოფილი დოკუმენტაციის წარმოდგენის შემთხვევაში განაცხადის წარმომდგენს (სამედიცინო დაწესებულება) ეძლევა 3 სამუშაო დღე დოკუმენტაციის მოსაწესრიგებლად, რომლის თაობაზეც მას ეცნობება საბჭოს სამდივნოს მიერ.

5.  ღეროვანი უჯრედების, ძვლის ტვინის  ტრანსპლანტაციის თაობაზე  თანხმობის გაცემის პროცესში საბჭოს სამდივნო უფლებამოსილია, მოითხოვოს ტრანსპლანტაციასთან დაკავშირებული ნებისმიერი სხვა დოკუმენტაცია, ასევე შეისწავლოს და გადაამოწმოს ტრანსპლანტაციის პროცესთან დაკავშირებული კონკრეტული გარემოებები.

6. იმ შემთხვევაში, თუ ამ მუხლის მე-4 პუნქტით დადგენილ ვადაში საბჭოს სამდივნოში არ იქნება წარდგენილი შესაბამისი დოკუმენტები, საბჭოს სამდივნოს მიერ განაცხადის წარმომდგენს ეგზავნება ოფიციალური შეტყობინება ღეროვანი უჯრედების, ძვლის ტვინის ტრანსპლანტაციაზე უარის თქმის შესახებ.

7. დოკუმენტაციის სრულყოფილად წარმოდგენის შემთხვევაში წარმოდგენილ განაცხადსა და დოკუმენტაციას განიხილავს საბჭო.

8. საბჭოს თანხმობა ღეროვანი უჯრედების, ძვლის ტვინის ტრანსპლანტაციის  თაობაზე გაიცემა/დასტურდება განაცხადის გაკეთებიდან არაუმეტეს 10 სამუშაო დღის ვადაში.

9. ამ მუხლის მე-2 პუნქტით განსაზღვრული დოკუმენტაციის გაყალბება გამოიწვევს პასუხისმგებლობას მოქმედი კანონმდებლობით განსაზღვრული წესით.“.

6.  მე-10 მუხლი ჩამოყალიბდეს შემდეგი რედაქციით:

„მუხლი 10. საბჭოსათვის ინფორმაციის მიწოდება ორგანოს/ქსოვილის/უჯრედის  გადანერგვის ოპერაციის განხორციელების შემდეგ

ტრანსპლანტაციის სერვისის განმახორციელებელი სუბიექტი ვალდებულია ელექტრონულად მიაწოდოს საბჭოს სამდივნოს ინფორმაცია შესრულებული გადანერგვის თაობაზე რეციპიენტის კლინიკიდან გაწერიდან 10 სამუშაო დღეში ჯანმრთელობის მდგომარეობის შესახებ ცნობა – ფორმა №IV-100/ა-ს ასლი და დანართი №1.4 („შეტყობინება ორგანოს ტრანსპლანტაციის შესახებ“) ან დანართი №1.5 („შეტყობინება ქსოვილის/უჯრედის ტრანსპლანტაციის შესახებ).“.

7. ბრძანებას დაემატოს დანართი №1.4  („შეტყობინება ორგანოს ტრანსპლანტაციის შესახებ“) და დანართი №1.5 („შეტყობინება ქსოვილის/უჯრედის ტრანსპლანტაციის შესახებ“) თანდართული რედაქციით.

ექიმი, რომელმაც შეავსო შეტყობინება:

შეტყობინების შევსების თარიღი:

დაწესებულების ხელმძღვანელის ხელმოწერა და ბეჭედი.

 დანართი 1.5

შეტყობინება ქსოვილის/უჯრედის ტრანსპლანტაციის შესახებ

დაწესებულების ხელმძღვანელის გვარი, ხელმოწერა და ბეჭედი.“.