საქარათველოს ტრანსპორტისა და კომუნიკაციების მინისტრის 2003 წლის 21 თებერვლის №17 ბრძანებით დამტკიცებული ,,საქალაქთაშორისო და საგარეუბნო რეგულარული სამგზავრო გადაყვანის ნებართვის მისაღებად კონკურსის ჩატარების წესში” დამატების შეტანის თაობაზე

სახელმწიფო სარეგისტრაციო კოდი 310.150.000.11.115.006.002

საქართველოს ტრანსპორტისა და კომუნიკაციების მინისტრის

ბრძანება №46

2003 წლის 7 აგვისტო

ქ. თბილისი

საქართველოს ტრასპორტისა და კომუნიკაციების მინისტრის 2003 წლის 21 თებერვლის №17 ბრძანებით დამტკიცებული „საქალაქთაშორისო და საგარეუბნო რეგულარული სამგზავრო გადაყვანის ნებართვის მისაღებად კონკრსის ჩატარების წესში” დამატების შეტანის თაობაზე

„ნორმატიული აქტების შესახებ” საქართველოს კანონის 36-ე მუხლის საფუძველზე, ვბრძანებ:

    მუხლი 1

საქართველოს ტრასპორტისა და კომუნიკაციების მინისტრის 2003 წლის 21 თებერვლის №17 ბრძანებით დამტკიცებული „საქალაქთაშორისო და საგარეუბნო რეგულარული სამგზავრო გადაყვანის ნებართვის მისაღებად კონკურსის ჩატარების წესის” (სსმ III, 2003 წ., №15 მუხლი 149) მე-6 მუხლს დაემატოს მე-10 პუნქტი შემდეგი  რედაქციით:

„10. თუ ნებართვის მისაღებად კონკურსში მონაწილეობის თაობაზე განცხადება წარადგინა ერთმა ნებართვის მაძიებელმა ან/და კონკურსში მონაწილეობისათვის დაშვებულ იქნა ერთი ნებართვის მაძიებელი კომისია იხილავს აკმაყოფილებს თუ არა წარმოდგენილი დოკუმენტაცია კონკურსის დებულებათა მოთხოვნებს და იღებს გადაწყვეტილებას ნებართვის გაცემის შესაძლებლობის შესახებ”.

    მუხლი 2

ბრძანება ამოქმედდეს გამოქვეყნებისთანავე.

მ. ადეიშვილი