„საქართველოს თავდაცვის სამინისტროს დებულების დამტკიცების შესახებ“ საქართველოს მთავრობის 2018 წლის 12 დეკემბრის №580 დადგენილებაში ცვლილების შეტანის თაობაზე

1. მე-5 მუხლის პირველი პუნქტის „პ​​²“ ქვეპუნქტი ჩამოყალიბდეს შემდეგი რედაქციით:

„პ​​²) თავდაცვის მდგრადობის უზრუნველყოფის დეპარტამენტი;“.

2. მე-6 მუხლის 15^​2 პუნქტი ჩამოყალიბდეს შემდეგი რედაქციით:

„15^​2. თავდაცვის მდგრადობის უზრუნველყოფის დეპარტამენტი:

ა) უზრუნველყოფს სამინისტროს ინფრასტრუქტურისა და ლოჯისტიკის სისტემის განვითარების პოლიტიკის განსაზღვრასა და მისი განხორციელების მონიტორინგს; 

ბ) უზრუნველყოფს სამინისტროს სტანდარტიზაციის მართვის სისტემის შექმნასა და მის ფუნქციონირებას;

გ) ახორციელებს სამინისტროს კოდიფიკაციის ცენტრალიზებული სისტემის შექმნას, განვითარებასა და შესაბამის პროგრამულ უზრუნველყოფას;

დ) უზრუნველყოფს თავდაცვის ძალების თავდაცვის მდგრადობასა და ნატოსთან თავსებადობის მხარდაჭერას.“.