„ჯანმრთელობის დაცვის სახელმწიფო პროგრამების ფარგლებში სტაციონარულ სამედიცინო დაწესებულებებში ინფექციების კონტროლის სისტემის ფუნქციონირების შემოწმების წესის დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა დასოციალური დაცვის მინისტრის 2020 წლის 8 სექტემბრის №01-100/ნ ბრძანებაში ცვლილების შეტანის თაობაზე

1. ბრძანების პრეამბულა ჩამოყალიბდეს შემდეგი რედაქციით:

,,ჯანმრთელობის დაცვის შესახებ“ საქართველოს კანონის მე-15 მუხლის, „საზოგადოებრივი  ჯანმრთელობის  შესახებ“  საქართველოს  კანონის  მე-7  მუხლის პირველი პუნქტის, მე-8 მუხლის მე-5 პუნქტის, „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილებით დამტკიცებული №1 დანართის 23-ე მუხლის 41-ე პუნქტისა და  შესაბამისი წლის ჯანმრთელობის დაცვის სახელმწიფო პროგრამების შესაბამისად, ვბრძანებ:“.

2. ბრძანებით დამტკიცებული №1 დანართის (ჯანმრთელობის დაცვის სახელმწიფო პროგრამის ფარგლებში სტაციონარულ სამედიცინო დაწესებულებებში ინფექციების კონტროლის სისტემის ფუნქციონირების შემოწმების წესი):

ა) მე-7 პუნქტი ჩამოყალიბდეს შემდეგი რედაქციით:

„7. პროგრამების განმახორციელებელი, სააგენტოს მიერ შევსებული კითხვარებისა და შემოწმების აქტის (დასკვნის) საფუძველზე, ვალდებულია, 2 სამუშაო დღეში შეუჩეროს დაწესებულებას ჯანმრთელობის დაცვის სახელმწიფო პროგრამების მიმწოდებლის სტატუსი, თუ ამ წესის 7¹ პუნქტის საფუძველზე სხვა რამ არ იქნა განსაზღვრული. პროგრამების განმახორციელებლის მხრიდან მიმწოდებლისათვის სტატუსის შეჩერება შესაძლებელია გასაჩივრდეს კანონმდებლობით დადგენილი წესით. ამასთან, გასაჩივრება არ აჩერებს მის აღსრულებას, თუ სასამართლომ განჩინებით სხვა რამ არ დაადგინა.";

ბ) მე-7 პუნქტის შემდეგ დაემატოს 7¹ პუნქტი შემდეგი რედაქციით:

„7¹. სამედიცინო სერვისების უწყვეტობის შენარჩუნების მიზნით, პაციენტების საუკეთესო ინტერესების გათვალისწინებით, ჯანმრთელობის დაცვის სახელმწიფო პროგრამების ეექსკლუზიური მიმწოდებლის შემთხვევაში, სამინისტრო უფლებამოსილია მიიღოს ამ წესისგან განსხვავებული დროებითი გადაწყვეტილება ჯანმრთელობის დაცვის სახელმწიფო პროგრამების მიმწოდებლის სტატუსის შეჩერების და/ან პირობების შეცვლის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ინდივიდუალური ადმინისტრაციულ-სამართლებრივი აქტის საფუძველზე.“.