,,საქართველოს იუსტიციის სამინისტროს სასჯელაღსრულების დეპარტამენტის შტაბის დებულების დამტკიცების შესახებ” საქართველოს იუსტიციის მინისტრის 2002 წლის 22 აგვისტოს №719 ბრძანებაში ცვლილბების შეტანის თაობაზე”

სახელმწიფო სარეგისტრაციო კოდი 010.240.030.11.106.005.917

საქართველოს იუსტიციის მინისტრის

ბრძანება №628

2003 წლის 30 ივნისი

ქ. თბილისი

„საქართველოს იუსტიციის სამინისტროს სასჯელაღსრულების დეპარტამენტის შტაბის დებულების დამტკიცების შესახებ” საქართველოს იუსტიციის მინისტრის 2002 წლის 22 აგვისტოს №719 ბრძანებაში ცვლილებების შეტანის თაობაზე

„ნორმატიული აქტების შესახებ” საქართველოს კანონის 36-ე მუხლის მოთხოვნათა შესაბამისად, ვბრძანებ:

1. „საქართველოს იუსტიციის სამინისტროს სასჯელაღსრულების დეპარტამენტის შტაბის დებულების დამტკიცების შესახებ” საქართველოს იუსტიციის მინისტრის 2002 წლის 22 აგვისტოს №719 ბრძანებით (სსმ III, 2002 წ., №86, მუხ. 781) დამტკიცებულ საქართველოს იუსტიციის სამინისტროს სასჯელაღსრულების დეპარტამენტის შტაბის დებულებაში შეტანილ იქნეს შემდეგი ცვლილებები:

ა) მე-4 მუხლის „გ” ქვეპუნქტი ჩამოყალიბდეს შემდეგი რედაქციით:

„გ) ორგანიზაციას უწევს სამორიგეოსა და მასში შემავალი ქვედანაყოფების მუშაობას და ახორციელებს კონტროლს მათ საქმიანობაზე;”;

ბ) მე-7 მუხლის “თ” ქვეპუნქტი ჩამოყალიბდეს შემდეგი რედაქციით:

„თ) კურირებას უწევს სამორიგეოს;”;

გ) IV თავის მე-7 მუხლი ამოღებულ იქნეს;

დ) მე-8 მუხლი ჩამოყალიბდეს შემდეგი რედაქციით:

     „მუხლი 8.

1. შტაბის მოსამსახურეების თანამდებობათა დასახელება და საშტატო რიცხოვნობა განისაზღვრება დეპარტამენტის საშტატო განრიგით, რომელსაც ამტკიცებს იუსტიციის მინისტრი.

2. მოსამსახურეთა თანამდებობაზე დანიშვნისა და თანამდებობიდან გათავისუფლების წესი განისაზღვრება იუსტიციის მინისტრის ბრძანებით.”;

ე) მე-11 მუხლი ჩამოყალიბდეს შემდეგი რედაქციით:

     „მუხლი 11.

1. შტაბის შემადგენლობაში შედის სამორიგეო.

2. სამორიგეო:

ა) აკონტროლებს სამორიგეოს პირადი შემადგენლობის მიერ ფუნქციონალური მოვალეობის შესრულებას, ხელმძღვანელობს მორიგე განწესების სადღეღამისო მუშაობას;

ბ) პერსონალურად აგებს პასუხს სადღეღამისო კრებსებში შესატანი ინფორმაციის მიღება-დამუშავებაზე;

გ) დეპარტამენტის თავმჯდომარის მითითებით მოქმედებაში მოჰყავს მიზნობრივი და ოპერატიული გეგმები, საჭიროების შემთხვევაში უზრუნველყოფს პირადი შემადგენლობის „განგაშის” სქემით გამოძახებას.”.

2. ეს ბრძანება ამოქმედდეს გამოქვეყნებისთანავე.

რ. გილიგაშვილი