ხულოს მუნიციპალიტეტის ადმინისტრაციულ საზღვრებში ეკონომიკის რეგულირებად სფეროებად განსაზღვრული ტრანსპორტით გადაყვანისას მგზავრობის ტარიფების დამტკიცების შესახებ

საქართველოს ორგანული კანონის „ადგილობრივი თვითმართველობის კოდექსის“ მე-16 მუხლის მე-2 პუნქტის „ლ“ ქვეპუნქტის, ,,ეკონომიკის რეგულირებადი სფეროების განსაზღვრის შესახებ“ საქართველოს მთავრობის 2014 წლის 5 დეკემბრის №667  დადგენილების საფუძველზე ხულოს მუნიციპალიტეტის საკრებულო  ადგენს:

ხულოს მუნიციპალიტეტის ადმინისტრაციულ საზღვრებში ხულო-თაგოს ბაგირგზით მგზავრთა გადაყვანის მგზავრობისა და ტვირთის გადაზიდვის ტარიფები განისაზღვროს თანდართული დანართის  მიხედვით.

მგზავრობის გადასახადისგან თავისუფლდებიან: ა(ა)იპ  „ხულო-თაგოს ბაგირ გზის“ თანამშრომლები, სოფელ თაგოში რეგისტრირებული მოქალაქეები, სოფელ თაგოში მცხოვრები მოქალაქეები, სოფელ თაგოში მოქმედ ორგანიზაციებში  დასაქმებულები, სოფელ თაგოში სამსახურეობრივი მოვალეობის შესრულების მიზნით ორგანიზაციის/დაწესებულების თანამშრომლები,   7 წლამდე ასაკის ბავშვები, შეზღუდული შესაძლებლობის მქონე პირები, ომის ვეტერანები/მათთან გათანაბრებული პირები, სოფელ თაგოს მიმდებარედ არსებულ სოფელ ძმაგულის მცხოვრებლები,  ასევე, სოფელ თაგოში გარდაცვლილი პირის პანაშვიდისა და დაკრძალვის დღეს მიმავალი მგზავრები, ხულოს მუნიციპალიტეტის მერთან შეთანხმებით ა(ა)იპ „ხულო-თაგოს ბაგირგზის“ დირექტორის ბრძანების საფუძველზე შესაძლებელია მგზავრების უფასოდ გადაყვანა.

სამგზავრო გადაყვანის ტარიფით განსაზღვრული მგზავრობის საფასურის მოკრება და სამგზავრო გადაყვანის გადახდის სისტემის დანერგვა დაევალოს ა(ა)იპ „ხულო-თაგოს ბაგირგზას“ (ს/კ 248056623).

ამ დადგენილების ძალაში შესვლისთანავე ძალადაკარგულად გამოცხადდეს ,,საჯარო სამართლის იურიდიული პირის ხულო-თაგოს ბაგირგზის მომსახურებისათვის ტარიფების დამტკიცების შესახებ“ ხულოს მუნიციპალიტეტის საკრებულოს 2007 წლის 30 მარტის დადგენილება №22, ხულოს მუნიციპალიტეტის საკრებულოს 2011 წლის 29 ივლისის №35 და ხულოს მუნიციპალიტეტის საკრებულოს 2022 წლის 30 აგვისტოს №18 დადგენილებები.

დადგენილება  ამოქმედდეს 2022 წლის 4 ოქტომბრიდან.

ხულო-თაგოს ბაგირგზით მგზავრთა გადაყვანის მგზავრობის ტარიფები