„თვითმმართველი თემის – სენაკის მუნიციპალიტეტის წარმომადგენლობითი ორგანოს – საკრებულოს 2022 წლის 1 ოქტომბრის შუალედური არჩევნებისათვის ზოგიერთი საარჩევნო პროცედურის ელექტრონული საშუალებებით განხორციელების წესისა და პირობების განსაზღვრის თაობაზე” საქართველოს ცენტრალური საარჩევნო კომისიის 2022 წლის 12 აგვისტოს №35/2022 დადგენილებაში ცვლილებების შეტანის შესახებ

1. მე-2 მუხლის მე-2 პუნქტის „ვ.ა“ ქვეპუნქტი ჩამოყალიბდეს შემდეგი რედაქციით:

„ვ.ა) ამომრჩეველთა ვერიფიკაციის ერთ-ერთი აპარატიდან შესაბამისი პერიოდისათვის ამობეჭდილ ანგარიშში მითითებული, კენჭისყრაში მონაწილე ამომრჩეველთა რაოდენობისა და ამომრჩეველთა გადასატანი საარჩევნო ყუთის სიაში ხელმოწერების ჯამის მიხედვით;”.

2. მე-4 მუხლის პირველი პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) კენჭისყრის შენობაში ყოფნის უფლების მქონე პირთა თანდასწრებით ამომრჩეველთა ვერიფიკაციის პროცესის გააქტიურების შემდეგ, ამომრჩეველთა ერთ-ერთ რეგისტრატორს მისცემს მითითებას, რომ მისთვის გადაცემული აპარატიდან ამობეჭდოს ამომრჩეველთა სია (ამომრჩევლის რიგითი ნომრის, გვარის და ფაქტობრივი მდგომარეობის მითითებით), რომელიც გამოიკვრება თვალსაჩინო ადგილას სადემონსტრაციო ოქმთან ერთად;“.

3. მე-6 მუხლის მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ამომრჩეველთა ვერიფიკაციის აპარატის/აპარატების გამოყენების გარეშე ამომრჩეველთა რეგისტრატორი კომისიის წევრის/კომისიის წევრების მიერ კენჭისყრის გაგრძელების შემთხვევაში, საუბნო საარჩევნო კომისიის თავმჯდომარე ამომრჩეველთა რეგისტრატორ კომისიის წევრს/წევრებს გადასცემს საარჩევნო კომისიისთვის განკუთვნილ ამომრჩეველთა სიას/სიებს (სამაგიდე სია ფოტოსურათებით), რომელ სიაშიც/სიებშიც შესაბამისი რეგისტრატორი კომისიის წევრი/წევრები იმ ამომრჩეველთა გასწვრივ შესაბამისი რეგისტრატორის გრაფაში აკეთებს/აკეთებენ ხელმოწერას, რომელთა ვერიფიკაციის დამადასტურებელი ქვითრები მოთავსებულია ყუთში/ყუთებში;“.