,,დიპლომატიური სამსახურის გავლის წესის დამტკიცების შესახებ’’ საქართველოს საგარეო საქმეთა მინისტრის 2019 წლის 2 მაისის N01-74 ბრძანებაში ცვლილების შეტანის თაობაზე’’

ა) მე-10 მუხლის მე-6 პუნქტის შემდეგ დაემატოს 6¹ პუნქტი შემდეგი რედაქციით:

,,6¹. დიპლომატიურ წარმომადგენლობასა და საკონსულო დაწესებულებაში ადმინისტრაციული მენეჯერის თანამდებობაზე როტაციის წესით სამუშაო მივლინებით წარიგზავნება საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში ადმინისტრაციული მენეჯერის დასანიშნად მოსამზადებელი პროგრამის სასერტიფიკატო გამოცდის წარმატებით ჩაბარების დამადასტურებელი სერტიფიკატის მფლობელი პირი.“;

ბ) 33¹ მუხლი ჩამოყალიბდეს შემდეგი რედაქციით:

,,მუხლი 33​¹. დიპლომატიურ და ადმინისტრაციულ-ტექნიკურ თანამდებობის პირთა პროფესიული განვითარება

1. პროფესიულ საჯარო მოხელეთა  პროფესიული  განვითრებისა და კვალიფიკაციის  ამაღლების ხელშეწყობის მიზნით,  სამინისტროს  მმართველობის  სფეროში მოქმედი საჯარო სამართლის იურიდიული პირი − საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტი (შემდგომში − ინსტიტუტი) უზრუნველყოფს  შემდეგი  სასწავლო  პროგრამების განხორციელებას:

ა) დიპლომატიურ სამსახურში დამწყები პროფესიული საჯარო მოხელეების სასწავლო პროგრამა;

ბ) საკონსულო თანამდებობის პირის დასანიშნად სავალდებულო სპეციალური სასწავლო პროგრამა;

გ) საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში ადმინისტრაციული  მენეჯერის დასანიშნად მოსამზადებელი პროგრამა.

2. სამინისტროს მოსამსახურეთა პროფესიული  განვითრებისა და კვალიფიკაციის  ამაღლების მიზნით, ინსტიტუტი, კომპეტენციის ფარგლებში, უფლებამოსილია უზრუნველყოს სხვადასხვა  ტრენინგების, სემინარისა და  სასწავლო კურსის ჩატარება.

3. დიპლომატიურ სამსახურში დამწყები პროფესიული საჯარო მოხელე ვალდებულია გაიაროს დიპლომატიურ სამსახურში დამწყები პროფესიული საჯარო მოხელეების სასწავლო პროგრამა თანამდებობაზე დანიშვნიდან თორმეტი თვის განმავლობაში და დაასრულოს  თანამდებობაზე დანიშვნიდან  ორი წლის განმავლობაში.

4. დიპლომატიურ სამსახურში დამწყები პროფესიული საჯარო მოხელე, გამოსაცდელი ვადის დასრულების შემდეგ, დიპლომატიურ წარმომადგენლობაში ან საკონსულო დაწესებულებაში არსებულ ვაკანტურ თანამდებობაზე დასანიშნად და როტაციის წესით სამუშაო მივლინებაში  წარსაგზავნად, ვალდებულია გაიაროს საკონსულო თანამდებობის პირის დასანიშნად სავალდებულო სპეციალური სასწავლო პროგრამა და ფლობდეს შესაბამის სერტიფიკატს.

5.  ამ მუხლის მე-3 და მე-4 პუნქტებით დადგენილი ვალდებულებებისაგან თავისუფლდებიან „დიპლომატიური სამსახურის შესახებ“ საქართველოს კანონის მე-18 მუხლის პირველი პუნქტით  განსაზღვრულ თანამდებობებზე უკონკურსოდ დანიშნული პირები.

6. ამ მუხლის მე-3 პუნქტით დადგენილი ვალდებულებისგან თავისუფლდება ადმინისტრაციულ-ტექნიკური პერსონალი.“.