„ციფრული ტაქოგრაფის ელექტრონული ბარათების ფორმებისა და მათი გაცემის, შეცვლის, მოქმედების შეჩერებისა და გაუქმების წესის დამტკიცების თაობაზე“ საჯარო სამართლის იურიდიული პირის - სახმელეთო ტრანსპორტის სააგენტოს დირექტორის 2022 წლის 1 აპრილის N01/ნ ბრძანებაში ცვლილების შეტანის თაობაზე

ა) მე-18 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) გავლილი აქვს სააგენტოში ან შესაბამის სასწავლო ცენტრში მომზადების სპეციალური სწავლება, რასაც ადასტურებს მის მიერ წარმოდგენილი სწავლების გავლის დამადასტურებელი დოკუმენტი, რომელიც უნდა შეიცავდეს შემდეგ ძირითად მონაცემებს:

ე.ა) გამცემი ორგანოს დასახელება;

ე.ბ) გაცემის თარიღი;

ე.გ) სახელი, გვარი;

ე.დ) დაბადების ადგილი და თარიღი;

ე.ე) განსაზღვრება, რაზე გაიცა დოკუმენტი;

ე.ვ) ბარკოდი;

ე.ზ) ხელმოწერა (გამცემი ორგანოს უფლებამოსილი წარმომადგენლის).“.

ბ) მე-19 პუნქტის:

ბ.ა) „დ“ ქვეპუნქტი ჩამოყალიბდეს შემდეგი რედაქციით:

„დ) შესაბამისი სასწავლო ცენტრის მიერ გაცემული სწავლების გავლის დამადასტურებელი დოკუმენტის ასლი;“;

ბ.ბ) „ზ“ ქვეპუნქტი ჩამოყალიბდეს შემდეგი რედაქციით:

„ზ) მძღოლის ფოტოსურათი (ელექტრონული ვერსია, ელექტრონულ ფოსტაზე ან CD-ზე ჩაწერილი);“.