დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,საქართველოს განათლებისა და მეცნიერების სამინისტროს მიერ გამოსაყენებელი ადმინისტრაციული სამართალდარღვევის ოქმის ფორმის, ადმინისტრაციული სამართალდარღვევის ოქმის შევსების ინსტრუქციისა და ადმინისტრაციული სამართალდარღვევის ოქმის გამოყენების, აღრიცხვა-ანგარიშგებისა და გაცემის წესის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2020 წლის 5 თებერვლის N20/ნ ბრძანებაში ცვლილების შეტანის შესახებ | |
|---|---|
| დოკუმენტის ნომერი | 110/ნ |
| დოკუმენტის მიმღები | საქართველოს განათლებისა და მეცნიერების მინისტრი |
| მიღების თარიღი | 26/09/2022 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 27/09/2022 |
| სარეგისტრაციო კოდი | 020080160.22.022.018217 |
|
„საქართველოს განათლებისა და მეცნიერების სამინისტროს მიერ გამოსაყენებელი ადმინისტრაციული სამართალდარღვევის ოქმის ფორმის, ადმინისტრაციული სამართალდარღვევის ოქმის შევსების ინსტრუქციისა და ადმინისტრაციული სამართალდარღვევის ოქმის გამოყენების, აღრიცხვა-ანგარიშგებისა და გაცემის წესის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2020 წლის 5 თებერვლის №20/ნ ბრძანებაში ცვლილების შეტანის შესახებ
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„საქართველოს განათლებისა და მეცნიერების სამინისტროს მიერ გამოსაყენებელი ადმინისტრაციული სამართალდარღვევის ოქმის ფორმის, ადმინისტრაციული სამართალდარღვევის ოქმის შევსების ინსტრუქციისა და ადმინისტრაციული სამართალდარღვევის ოქმის გამოყენების, აღრიცხვა-ანგარიშგებისა და გაცემის წესის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2020 წლის 5 თებერვლის №20/ნ ბრძანებით (www.matsne.gov.ge, 06/02/2020, სარეგისტრაციო კოდი: 020080160.22.022.017878) დამტკიცებული ,,ადმინისტრაციული სამართალდარღვევის ოქმის შევსების ინსტრუქციის“ (დანართი №2) მე-3 მუხლის:
ა) მე-2 პუნქტი ჩამოყალიბდეს შემდეგი რედაქციით: „2. ადმინისტრაციულ სამართალდარღვევათა ოქმის შედგენიდან არაუგვიანეს 4 დღისა, საგანმანათლებლო რესურსცენტრი/სსიპ – საგანმანათლებლო დაწესებულების მანდატურის სამსახური უზრუნველყოფს სამინისტროს ადმინისტრაციის (დეპარტამენტი) ინფორმირებას. საგანმანათლებლო რესურსცენტრი/სსიპ – საგანმანათლებლო დაწესებულების მანდატურის სამსახური ასევე უზრუნველყოფს სამინისტროს ადმინისტრაციის (დეპარტამენტი) ინფორმირებას სასამართლოს მიერ გამოტანილი დადგენილების ჩაბარებიდან 4 დღის ვადაში.“; ბ) მე-2 პუნქტის შემდგომ დაემატოს შემდეგი შინაარსის მე-3 პუნქტი: „3. სამინისტროს ადმინისტრაცია (დეპარტამენტი) ამ მუხლის მე-2 პუნქტით გათვალისწინებული ინფორმაციის მიღებიდან არაუგვიანეს 6 დღისა უზრუნველყოფს სათანადო მოქმედებების განხორციელებას საქართველოს შინაგან საქმეთა სამინისტროში არსებულ ადმინისტრაციულ სამართალდარღვევათა აღრიცხვის ერთიან საინფორმაციო ბანკში სამართალდარღვევის შესახებ ინფორმაციის განთავსების მიზნით.“. |
| მუხლი 2 |
ეს ბრძანება ამოქმედდეს გამოქვეყნებისთანავე.
|
|
დოკუმენტის კომენტარები