„ადიგენის მუნიციპალიტეტის მერიის ადმინისტრაციული სამსახურის დებულების დამტკიცების შესახებ“ ადიგენის მუნიციპალიტეტის საკრებულოს 2014 წლის 30 ივლისის №31 დადგენილებაში ცვლილების შეტანის თაობაზე

დადგენილებით დამტკიცებული დანართი №1-ის მე-3 მუხლს დაემატოს შემდეგი შინაარსის „ჰ¹“, „ჰ²“, „ჰ³“, „ჰ⁴“, „ჰ⁵“, „ჰ⁶“, „ჰ⁷“ პუნქტები:  

 „ჰ¹)  სოციალური   საფრთხის  წინაშე  მყოფი  პირების  აქტიურ  იდენტიფიცირებას,  მათი  საჭიროებების განსაზღვრასა და შეფასებას, პრობლემის იდენტიფიცირებას და შესაბამისი  დარგობრივი დაწესებულებისთვის ინფორმაციის  მიწოდებას;

ჰ²) საქართველოს კანონმდებლობით გათვალისწინებულ შემთხვევებში, როდესაც აუცილებელია საფრთხის თავიდან აცილება, ბენეფიციართა საქართველოს კანონმდებლობით გათვალისწინებულ სოციალურ მომსახურებებში ჩართვას და ამის შესახებ  შესაბამისი  ორგანოსთვის დაუყოვნებლივ შეტყობინებას;

ჰ³) ოჯახში ძალადობის ფაქტის იდენტიფიცირებას და მასზე შესაბამის რეაგირებას;

ჰ⁴)   ბენეფიციარებისათვის შესაბამისი სოციალური, სამედიცინო, შეღავათიანი მომსახურებების თაობაზე ინფორმაციის  მიწოდებას და მათში ჩართვის ხელშეწყობას;

ჰ⁵) მიზნობრივი ჯგუფებისა და მათი ოჯახებისათვის შესაბამისი აუცილებელი ინფორმაციის მიწოდებას და კონსულტაციის გაწევას;

ჰ⁶) ადრეული და სკოლამდელი აღზრდის დაწესებულებებში სოციალური  მუშაობის ჩატარებას;

ჰ⁷) საქართველოს ორგანული კანონით „ადგილობრივი თვითმმართველობის კოდექსი“ დადგენილი დელეგირებული უფლებამოსილებების ფარგლებში სოციალური  მუშაობის ჩატარებას;“.